我和六合彩發生了一段不可告人的（性）關係

冇提過特別號碼點產生喎
主角成為特別號碼？中二獎？

特別號碼最後會講到

我份人現實d，想知d波嬴咗有乜著數。
定喺被洗腦，呢個嬴左就光榮~

俾多啲信心36好

最後要對付30號，24號反而選擇硬碰硬，頭頂頭。

佢地頭上嘅紅色嘅頭套同藍色頭套激烈對撞，霎時間，場內響起震蕩嘅金屬撞擊聲。

24號同30號都係紅色波，所以應該係紅色撼紅色

主角變咗旁述員

喺人間發現36號波唔郁，界定為機件故障，攪珠結果無效

樓豬你終於返黎

hello

Live左

樓豬會唔會同另外幾條女扑嘢

結局寫唔曬，留返聽日先出

應該不會

今次咁快結局？

專一

推推推

短篇故事係咁上下，本來諗住萬五字完到，寫寫下都寫左三萬幾字

諗返點解主角會屌得落一個戴住36號六合彩頭套嘅女人…

你未睇過樓主d故?
佢寫既故好多都好痴線架喎

留名等睇最後冇買到

鳩硬起上黎，有窿就入架啦

呢一刻喺場上面得返44個波，假如我可以贏到呢個回合，咁呢期嘅六合彩頭獎就將會屬於我。

單計實力，我知自己好難同佢地抗衡，只但係咁多年嚟，我嘅夢想就係中六合彩頭獎，依家難得有個機會，可以親手俾我去爭取，咁無論點，我都要拼盡全力博一博。

第六個回合開始之後，我唔理三七廿一，一鼓作氣向前衝。

以前有句說話叫做「盲拳打死老師傅」，呢刻嘅我心口掛住個勇字，毫無章法咁亂衝亂撞，諗住以無招勝有招。

結果試咗之後先發覺，原來係呢招唔work嘅。

我衝入人堆之中，以為用個頭亂咁撞就可以撞開曬啲人，點知人地兩下手腳就將我打低。

我嘅心口俾堅硬嘅頭套撼埋嚟，感覺就好似車撞咁，痛到裂開咁兼抖唔到氣。

雖然真係好痛，但我係唔會就咁認輸架！

好快我又起返身，再同佢地搏命。

「嘭！嘭！嘭！」

我不顧一切，用個頭四周圍去撞，腦入面淨係諗住一樣嘢，就係「我要中頭獎」。

然而強大嘅決心，係無法彌補實力上嘅差距。

我嘅攻擊對人地嚟講就好似𢯎痕咁，相反，人地求其一下攻擊，就將我打到趴低。

我同自己講，邊度跌低就邊度起返身，於是忍住痛企返起身，重新再戰。

一次唔得就再嚟第二次，兩次唔得就第三次。

直至去到第五次，我又俾人撼低仆咗落地下，心口同兩隻手仲有膝頭哥都瘀曬。

呢個時候我意識到，假如再同呢班人硬碰硬，我係完全無勝算。

眼見呢個回合嘅時間所剩無多，若然再無辦法突破僵局，咁我就只能屈居三獎。

頭獎同三獎嘅獎金爭成幾個零，係幾萬蚊同兩千萬嘅分別，試問呢個時候又點可以就咁放棄？

18…17…16…

時間一秒一秒咁流逝，我好心急咁諗緊有咩方法令自己反勝。

15…14…13

最後十秒倒數，喺緊急關頭，忽然之間靈光一閃，俾我諗到一條「橋」。

既然硬碰硬打唔贏，咁不如就試下用茅招。

我諗返起嗰本《六合彩手冊》，上面寫住戰鬥過程中禁止使用插眼、撩陰等茅招。

條文中列明，假如使用呢啲不當招數嘅話，攪珠結束後就會受到嚴重嘅懲罰。

佢講到明係攪珠完咗先有懲罰，咁如果我喺比賽中用嗱喳招，咁就算罰都係完咗先至罰。

等到我身上嘅「轉移效應」消失後，就會同36號互相交換返身份，咁即係話，到時要受懲罰嘅係36號，而唔係我。

雖然我知咁樣做係好好好好仆街，只但係中頭獎嘅機會可能就得呢一次。

為咗勝利，為咗二千五百萬嘅獎金，為咗扭轉我呢條死窮撚嘅人生，就算係仆街仔都要做一次架啦！

11...10...9...

時間無多，唔理啦，衝啦！

「啊！！！」

我一邊大嗌一邊向前衝。

其他人見到我衝埋嚟，第一時間就「頂頭槌」還擊。

17號第一個擋喺我前面，佢用力撼個頭過嚟。

我第一時間側身閃避，同時伸隻手出去，嚟一招「九陰白骨爪」閹佢下面。

「啊！」17號當堂痛苦嗌咗一聲，「有無搞錯呀！竟然出茅招！咁係犯規架喎！」

佢彎低腰掩住條jer，露出痛苦嘅表情。

我知咁做係犯規，但為咗贏得頭獎，不擇手段都要做一次架啦！

49號立即醒水掩住下面，於是我使出第二招，插眼。

「哎呀！你好卑鄙呀！」49號掩住塊面同我講。

「對唔住，今期六合彩志在必得，一定要贏！」

講完呢句之後，我就一往無前，繼續進攻。

除咗用手之外，我仲會腳踢或者用個頭頂佢地下面，而且每一次出手我都非常果斷同精準。

細個同啲同學仔玩互閹，誓估唔到家陣居然有機會派上用場。

佢地喺我面前一個又一個咁摞低，好快嗰班男仔包括30號在內，已經唔敢再埋我身。

喺我面前嘅對手，基本上得返嗰幾個女仔。

時間剩返唔夠五秒，我要拿拿臨快啲搞掂佢地。

女人無jer，所以閹唔到佢地，反而佢地有樣學樣，想閹返我轉頭。

我當然係唔會俾佢地得逞。

我一手掩住下面，另一隻就伸出去彈佢地粒lin。

「啊~~」34號好酥軟咁嗌咗一聲。

隨後我再接再厲，接連使出「彈指神功」，用手指逐個彈佢地粉嫩嘅乳頭。

「啊~~」

「啊~~」

「啊~~」

就係咁，我喺一下又一下嘅嬌喘聲中過關斬將，喺時間最後嘅一秒，成功坐上嗰張櫈仔。

我必須承認而且亦都知道，自己係勝之不武，只不過，幾經辛苦先贏到最後一個席位，湊齊六個中獎號碼，我無辦法抑壓心中嘅興奮，大聲嗌咗出嚟：

「Yes！我得咗啦！」

我終於都中咗六合彩頭獎！！！

坐住勝利嘅寶座，我升上高空，離開慘烈嘅戰場。

威威隨即宣佈，今期第六個攪珠號碼係36號。

至於特別號碼就由第六個回合結束時，最接近我嘅嗰一個人勝出。

嗰粒應該就係34號波。

到節目嘅最後，威威重申一次今期嘅攪珠號碼，係4、6、22、24、36同埋45，特別號碼34。

我呢一刻嘅心情非常非常之興奮，個腦入面已經諗緊，點樣使呢筆二千五百萬嘅獎金。

我諗第一件事要做嘅一定係買樓。

家下啲樓價回落咗咁多，一千萬應該夠買間七百呎以上嘅單位，買咗樓之後，從今以後我就唔使再住垃圾劏房。

第二件事就係包條幾條大波妹玩多p，好好體現下嗰種荒淫無道、窮奢極欲嘅快感。

第三樣嘢就梗係唔少得劈炮辭職。家陣息口咁高，買完樓我將剩低嘅錢揼曬落去做定期，每個月收息都已經夠退休。

哈哈！呢啲咁美好嘅生活，齋諗我都忍唔住開心到笑咗出聲。

成功中到六個號碼，家陣唯一要擔心嘅就係36號有無按照我嘅吩咐，買到呢期六合彩。

我喺心入面不停咁祈禱，求神拜佛希望佢有買到。

另外，我地六個中獎號碼贏咗之後，原來係會有個小獎勵。

我同24號佢地都被送到一間房入面浸溫泉。

據說呢度嘅溫泉有療愈作用，浸咗之後身上嘅傷就好得好快。

頭先我心口同手手腳腳都瘀咗，浸咗一陣感覺好似真係好咗。

除此之外，我亦都好好趁呢個機會，好認真咁多謝佢地五個。

如果唔係佢地咁落力去戰鬥，我未必贏到呢個頭獎。

因此，我企起身向佢地鞠躬，表示最衷心嘅謝意。

「拿！都話咗我地應承得你嘅嘢，就一定做到架啦！」4號同我講。

「係呀，啱先真係全靠你用棒球嘅技術掟22號出去，咁先至贏到30號。」

「咁我呢？我迷迷糊糊，唔知自己做過啲咩就贏啦，真係奇怪。」45號啱啱酒醒，對於剛才嘅戰鬥有啲模糊。

事實上佢係乜都無做過，只係醉下醉下咁就贏咗。

而咁多個入面，我最多謝一定係24號。

佢唔單止喺第五個回合，一個抽贏三個，兼且喺第四個回合，仲孭住受傷嘅6號，以一敵十，無佢咁搏命嘅話，6號都唔會爬到上去嗰張櫈。

24號就好謙虛咁話：「我都係盡力而為啫，同埋之前我累你要賠錢俾人，家下幫你贏返啲錢，咁我地算係一筆勾銷啦。」

「仲有我打機課金嗰啲錢，都無數架啦。」6號同我講。

「點都好啦，總之我真係好多謝好多謝你地！」

我再三衷心多謝完佢地，接下來應該就係道別嘅時間。

唔使再過好耐，我身上嘅「轉移效應」就會消失，之後我就要同佢地分開。

坦白講，雖然我地相處嘅日子唔長，感情亦都唔算深厚，甚至佢地成日闖禍，搞到我雞毛鴨血，只不過呢一段短暫嘅相處日子，絕對會成為往後我一段難忘嘅回憶。

我希望佢地以後可以繼續戰鬥，繼續為其他人帶嚟希望。

「記住，你地每一場嘅戰鬥，背後都盛載無數市民嘅期望，為咗佢地，你一定要繼續戰鬥落去！」

「知架啦，我地會將攪珠機當係甲子園，一直戰鬥落去，好好咁守護每個人想發達嘅夢想同希望！」22號回答我話。

其他人聽到，都好認同咁點一點頭。

道過別，浸完溫泉，我地就俾人帶返去百子櫃入面。

喺呢個過程中，我突然有一陣暈浪嘅感覺。

隨即，眼前閃過一道白光。

大約三秒後，當白光消失，我就由百子櫃瞬間轉移到一條隧道入面。

第一眼我見到36號，向住我迎面行過嚟。

我見到佢頭頂笠住個頭套，跟住我再摸一摸自己個頭，發現頭上嘅頭套唔見咗。

咁即係話，我地身上嘅「轉移效應」已經消失，彼此終於互相交換返身份。

如果無估錯嘅話，穿過呢條隧道後，我就會返去人類嘅世界，36號就會返去馬會。

見到36號，我第一句就問佢：「你有無買到今期六合彩？」

「當然有啦，我跟足你嘅指示買架。」

「真係？」

「梗係啦！」

「你肯定無買錯冧巴呀嘛？」我好緊張咁追問佢。

「梗係無啦，4、6、22、24、36、45，我跟足嚟買架！」36號好肯定咁答我。

與此同時，佢一邊講，佢個頭套一邊喺度變大。

36號嚇咗一跳：「嘩！咩…咩事呀？」

我都呆咗咁望住佢個頭套，由一個籃球慢慢變到一個瑜伽波咁大。

「點解會架？」36露出驚訝嘅表情。

隨住頭套變大，重量增加，佢個頭越耷越低，幾乎要用盡全身嘅力先抬得起個頭。

「喂…你…究竟做過…啲咩嚟？」

「我…我…我頭先喺戰鬥嘅過程中，做咗啲犯規嘅行為…」

「下…唔…唔係呀嘛…」36號俾個頭套壓住，動作變得非常唔靈活，而且連講句嘢都好辛苦。

照咁睇嚟，剛才我喺戰鬥中犯禁嘅懲罰就係呢個。

「你知唔知…喺戰鬥中犯規…會令個頭套會大…大到我…我郁唔到…」

「對唔住，我一時為咗贏，所以先忍唔住出茅招。」我向對方鞠躬耍冧。

「食…食屎啦你！」36號好嬲咁撲埋嚟，好似想開我拖。

見佢個頭套咁大個，撼埋嚟唔得掂，我唔理咁多，拿拿臨向住前面嘅隧道口逃走。

「你條友…咪走…我要打死你…」36號笠住個超大超重嘅頭套，以烏龜咁嘅速度追我。

我就以最快嘅速度逃跑，並且一邊跑一邊道歉：「對唔住！係我錯！」

「可惡…你咪走…」36號好慢咁追過嚟。

我跑到隧道口，擰轉身，再鞠一個躬同佢say sorry：「對唔住，係我唔啱，請你原諒我！同埋時間都差唔多，我係時候要走啦，我地有緣再見，bye bye。」

道別過後，我就擰轉面，行出隧道口，隨即眼前又閃過一道白光。

大概三秒後，我從嗰條隧道返到原本住嘅劏房。

36號無追到過嚟，估計佢已經返到去屬於佢嘅地方。

雖然我嘅內心對佢有所愧疚，但點都好，返到嚟第一時間要做嘅，一定係拎起電話，打開馬會個app，check下究竟36號係咪真係有買到。

結果36號無令我失望！佢真係照住我教佢嘅方法，投注咗今期嘅六合彩！

我心情激動，振臂高呼：「Yes！Yes！Yes！今鋪我終於都得咗啦！」

「Yeah！！！」

殊不知喺同一時候，對面屋突然間好大聲Yeah咗一聲，然後隔籬屋嗰對男女又好興奮咁嗌。

之後樓上又有人歡呼兼𨂽地，同埋樓下又唔知咩事嗌曬咁好開心。

我覺得好奇怪，心諗呢班人無啦啦喺度嗌乜。

跟住我望一望部電話，發現中咗頭獎嘅派彩獎金，竟然得28萬？？？？？

下？？？我無眼花下話？？？

今期頭獎唔係二千五百萬咩？？？

之後我再睇真啲，見到今期中頭獎嘅人數居然係88個人。

唔撚係呀嘛？點解會有咁多人同我一齊中頭獎？！