召喚lihkg所有學神/P牌巴絲 (116)

你搞清楚啲先，駕駛學院係香港政府指定果4間，獨立排隊指定考場

駕駛學校係跟街師傅學考街場

駕駛學院同有啲駕駛學校都用到基金學，不過有啲細節中伏位要自己留意

駕院有私家考試場考調頭泊位斜路開車，一黎唔洗同人迫二黎考試都係同一撻地方考

街場考調頭泊位斜路開車有啲考場係駕駛考試中心入面考，但係學車係唔會有機會入到去練。有啲考場就唔係入面考所以實地練到

唔該大佬
我諗住聽日報觀塘果間，有無巴打喺果度上過堂，質素如何?
https://www.nktds.com.hk/

新觀駕係乙丙分開考
乙部好似其他駕駛學院咁係場內考
丙部考油塘路線

我自己就覺得學車報觀駕係最差最壞既選擇，慘過考街場跟著啲衰師傅

咁小瀝源嗰間會唔會好啲

報觀塘嗰間不如自己出去搵師傅學啦

原來咁差
我貪佢夠近，咁去沙田會唔會好少少

你住邊架，又話貪夠近

我都係住東九，所以想簡觀塘
但聽咁多巴打講到咁差，轉去沙田果間會唔會好D

留番啲cef學語言算啦
學車自己報街搵街師傅啦
除非你好肯定自己可以1take pass
一肥你已經要補水重考
仲有佢course包既堂正常都唔夠你練
又要課金補鐘

其實我唔係話佢差，只係佢條指定考線考新界九龍區街場會抽中，而且依條考線係新界九龍區最難。你跟駕院又貴過跟街師傅，貴啲既價錢指定條最難考線，所以我先講佢係最差既學車選擇。我師傅都講報新觀塘都傻既

如果你真係近到行到過去就係可以考慮吓既。不過如果你真係住得近應該知依啲工業區交通差起黎可以點。我自己都住元朗區本身間中都會入吓元朗駕院考場附近，然後我報考試果陣無猶豫過直接報街場

但點解我兩個 Fd跟街師傅用左差唔多成萬蚊
到底係唔係佢地問題
事關同駕院資助後價錢差成倍，所以我先諗住報駕院

你可以1take pass到
兼完全唔補鐘咁你係平過你啲fd既

學咗3堂仲未掌握到轉彎，漫漫長路

你fd係咪近依一兩年學?如果係既話考完都唔過萬其實都已經算平
我今年年頭學$350*45mins，我學左30節，另加$2500租車，都要萬二三
30節其實學得22個鐘左右，運輸署建議係學30個鐘先去考試

仲有我記得好似睇過啲駕院基金plan實際揸車少過22個鐘

資助package唔加堂又一take pass到真係平，問題有幾多人咁好彩一take pass，唔得再報重考一黎駕院強制要你補堂，二黎快期慢過考街場，三黎你成個課程限你兩年內完成，否則不能claim基金要自己硬食成個課程錢。考到牌未叫完成課程，仲要考個課程要求既額外筆試路試，路試唔難不過排期又係耐，見人係fb gp鬧要等成三幾個月先排到

唔該巴打講得咁詳細
咁我再考慮下

分開咁戇鳩 我代表師傅多謝你

從來未聽過有人報街第一次分開考
突然mind blow左
如果先考丙，pass左
之後再排個港島乙部3x日
理論上係快過尾期合拼
當然代價要比兩次租車錢

有冇規例報街第一次一定要合拼試

第一次一定合併試
除非你係報觀塘教仔學院

都係鳩up討論下
因為正常人第一次考都係報合併

駕院鴨脷洲係咪就執? 女朋友3星期前話要轉師傳, 到今日都未有人聯絡佢, 打去又無人聽, 客戶服務熱線又話跟緊, 9月9考車