[首訪南半球] 露營車玩轉新西蘭南島8日遊

想問下巴打
建唔建議9月尾去新西蘭
會唔會冰川雪山溶哂 冇咁靚
或者會唔會某一啲活動9月冇得做？

Arrowtown 非常有美國西部嘅感覺








黎到Arrowtown 當然唔可以錯過去Arrowtown Bakery & Cafe 食新西蘭最出名嘅tart


叫咗肉醬口味 味道果然係唔錯 食緊嘅時候發生咗個小插曲 有隻蜜蜂唔知點解不斷纏繞住我 雖然小弟唔驚蜜蜂但要防止佢掂到啲食物都幾麻煩


臨走之前睇下新西蘭最出名嘅Manuka Honey 但喺藥房嘅價錢完全係天價所以都係留返下一站再算

請教一下 去紐西蘭唔揸車會唔會好唔方便

搭單問 請教第一次去連埋搭飛機約十日 Queenstown來回好定Christchurch定去Queenstown入Christchurch出不自駕

我覺得非常不可行 樓上好似有人研究過啲巴士基本上完全夾唔到班次

Queenstown 好啲但機票貴啲 你同行有冇其他人識揸車?

如果頭尾日得8日
我覺得如果你唔渣車 好似直接去qt 好啲
再由qt 出發去milford sound （我見過有tour bus) 再返qt又易啲
由qt出發去wanaka又易啲
每個地方留1/2日
或者你唔嫌辛苦係揹backpack個啲 想淨係到下就算既話 chc 出發就會變 好似每日都搭車咁
有啲1999

住都好撚貴

離開Arrowtown 之後就繼續南下黎到Lake Hayes 一個經常嘅旅遊資料出現嘅湖泊


新西蘭經常有好多呢啲超高嘅樹


當然都唔少得黃葉樹


Lake Hayes 我覺得係咁多日以黎最靚嘅一個湖(可能因為有藍天加持) 水平如鏡遠處嘅山甚至雲嘅倒影全部都成為咗湖嘅倒影


我都係唔講咁多嘢大家慢慢睇相












Lake Hayes 有一個8公里嘅環湖步道 可惜時間不足只能夠行非常一少段


新西蘭嘅停車場普遍都係地大物博 但Lake Hayes 卻係一個例外差啲倒唔到車離開停車場


準備去下一站

離開Lake Hayes 之後就繼續南下 首先就去咗我地熟悉嘅PAK'nSAVE 買埋今晚最後晚餐嘅食材同埋帶返香港嘅手信


呢個建築風格就真係好有歐洲超級市場嘅感覺


順帶一提喺超級市場買完嘢收據會有張佢自己嘅油站入油折扣券 而家諗返起都覺得蠢咗應該無論如何都入少少油 (Source: google map)


離開嘅時候睇到地圖見Jucy Queenstown 分行就喺我地附近 於是就諗住去研究下有冇得整返塞咗嘅鋅盆 可惜佢話如果想整要等一個鐘 於是就決定唔等見佢幫我地換啲新嘅喉管就繼續出發 (呢間分店啲職員嘅認真程度真係差好遠...)


再經過15分鐘嘅車程後就黎到Queenstown 嘅市中心 一開頭規劃行程嘅時候喺度諗究竟好唔好去完Lake Hayes 之後就回頭Lake Tekapo 好呢 但最後都決定都已經黎到咁南就不如去埋Queenstown 但呢一刻已經係4點半所以乜嘢上山睇風景玩Luge 就要等下次


但食Fergburger 呢個重中之重嘅行程當然唔可以cut 唔知係好彩定唔好彩今日並冇出現長長嘅人龍 結果導致我揸車過咗間鋪頭都唔發覺


所有漢堡都係即叫即造 所以除咗要等10 分鐘之外仲可以見到師傅喺度煎牛扒


攞好餐之後我帶返上車食(堂食嘅座位唔多) 食落完全冇失望真係非常好味 牛扒非常juicy 配料醬汁充足 而個包好難得可以同嘉頓匹敵 好期待下次再返黎Queenstown 玩嘅時候可以再食一次 至於薯條都ok 好食 但又未去到話必食


Queenstown 好多免費路邊泊車位


南緯45度成為小弟暫時去過最南嘅地方

香港補幾多鐘都無用。 車型，路面情況都路同。

外國highway 同香港好唔同。

香港，澳洲，日本，美國 highway 都差好遠

結束Queenstown 嘅行程之後就要驅車3個鐘頭返去Lake Tekapo 如果唔係因為Queenstown 嘅機票貴成2000港幣一個人肯定唔會安排呢個揸返Christchurch 嘅安排 雖然小弟鍾意揸車但咁樣連踩咁多個鐘都咪話唔辛苦 好多謝兩位團友去到後段陪我傾下計渡過埋最後嘅路 最終我地大概8點半左右終於返到Lake Tekapo


今晚就係最後晚餐 所以攞曬所有嘢出黎煮埋佢 不過啲意粉都係太多食唔曬所以攞咗返香港


洗好碗之後就繼續觀星行程 今晚就冇再參加任何嘅觀星行程而淨係揸咗去The Church of the Good Shepherd 隔離嘅空地影星 當中有個小插曲我地一去到泊好架車就有一班講普通話嘅人走黎同我講因為我盞高燈令佢哋終於成功影到啲星 都唔知佢哋係想真心多謝我定鬧緊我 開頭用iphone 14 影其實都影到啲星




但專登帶咗相機同腳架黎當然就唔會只滿足於用手機影 當晚嘅溫度大概只有3度左右 而每一張相都起碼要捕光30秒 所以過程都咪話唔辛苦 更甚嘅係影咗一輪唔知點解乜都影唔到 最後搞咗好耐先發現原來自己犯咗個低級錯誤就係唔記得開相機個蓋


不過影出黎嘅相效果真係靚嘅 但後果就嚴重啦搞到傷風






影到滿足之後就返去營地 總結全日揸咗349公里係4日當中最多 食咗粒藥之後就火速訓覺

咁每個人都總有佢嘅第一次 喺香港練下冇壞
新西蘭難在大部份時間都係1線 香港就難在太多車

我都想知 唔知坐巴士要用幾多錢呢

要唔要1000 一晚

但南島風景咁靚搭多啲車都冇問題嘅

我覺得要睇你鍾意雪景多啲定黃葉景多啲? 想要雪景9月應該唔錯過曬暑假機票都冇咁貴

Dunedin 你有冇去過風景靚唔靚

睇下你覺得值唔值得俾多$1000? 當時我嫌貴所以揸返6個鐘轉頭返Christchurch

如果俾我住 我會住dunedin > chc

罰咗幾多錢

我當日係著牛仔褲普通波鞋