[首訪南半球] 露營車玩轉新西蘭南島8日遊

Day 1: (11/5/2024)

捱咗10個鐘嘅機程終於黎到Auckland 迎接我地嘅係一個超級藍嘅天


passport control 冇乜特別好快就過到 過海關先係最大嘅難關 平時返香港/去其他地方如果冇嘢要申報嘅話直接行過綠色通道就ok 但新西蘭呢度要每件手提+寄艙行李過一次x 光機檢查 確保你冇帶任何嘅違禁品入境 搞掂曬之後就再一次寄行李準備搭內陸機去Christchurch Auckland 機場國際線同國內線兩個terminal 係分開 可以行15分鐘或者搭接駁巴士過去


行到去domestic terminal 見到krispy kreme 就忍唔住即刻買咗個做聽朝早餐


未夠鐘上機所以就買咗個洋蔥圈食打發下時間


同香港相比個打卡位就冇咁大座


同喺北歐搭飛機一樣 後半機嘅乘客都要行樓梯上飛機


由Auckland 飛去Christchurch 嘅風景非常靚建議大家要坐右邊 首先會見到新西蘭北島嘅偽富士山Mt Egmont


飛越咗南北島之間嘅海峽之後就見到Nelson Lakes National Park 嘅群山


Air New Zealand 嘅內陸機提供一包曲奇同一杯嘢飲


大概70分鐘左右嘅機程就去到Christchurch 出發前香港嘅天氣相當悶熱黎到喺南半球嘅新西蘭簡直係天堂(不過喺室外企得耐都係會有啲凍)


之後就搭8號巴士出市中心 收費係NZ$4 喺Christchurch 搭巴士就係今次旅程唯一需要用到現金嘅地方 但呢架巴士似乎冇帶到足夠嘅找續 所以我地前面嘅一班香港年輕人(之後嘅行程都多次見到佢哋) 已經令司機找曬車上所有可以找到嘅錢 最終去到我地上車嘅時候司機只能無奈俾我地免費搭車 另外雖然呢架係去機場嘅巴士 但車上嘅行李架嚴重不足所以成程車我地都坐得好辛苦


路上開始已經見到好多秋天嘅景色 除咗有開始變黃嘅葉之外仲有楊柳樹

lake tekapo 睇星真係好正

如果想近啲我覺得lake Hayes 都ok

你係咪唔係香港出發所以去得5日

澳洲係咪可以喺街邊過夜

會每日努力update

去左12日 北島去左哈比人村 Gloworm cave 南島去左Lake Takapo, Mt. Cook, Wanaka, Queenstown, Milford Sound 行埋Roys Peak結論係北島可以唔使去 南島真係好正求其一個Lookout 都好靚

喺酒店check-in 放低行李之後就趁日落之前行下Christchurch 呢個市中心 第一個景點係ChristChurch Cathedral


2011年嘅時候Christchurch 曾經發生淺層地震造成嚴重傷亡 眼前嘅Cathedral都倒塌 距離重建好都仲有一段大距離


對面馬路就係會展中心


之後就隨便喺呢個城市入面散下步








秋天嘅新西蘭大概5點半打後就開始天黑 所以今次行程都去唔到另一個出名嘅景點Botanic Gardens


唔知點解突然間會有個武漢嘅燈柱


日本mode夜楓

我都同意北島完全唔駛浪費時間 落差太大
Gloworm cave 靚唔靚?

我喺新西蘭就周圍都見到告示話唔可以泊街

行到夠之後就去咗食晚餐 經過Trip advisor 嘅推薦今晚決定去Jaba Grill and Bar (4.5分)作為喺新西蘭嘅第一餐 不過我似乎唔記得咗今日係星期六要book 定位 不過店員好好叫咗我地去隔離佢嘅姊妹店Tiger Baby Bar 食杯嘢慢慢等


佢個花生出奇地好食 另外都好好彩我地都未開始飲嘢餐廳已經通知我地有位


坐低之後我地好快就嗌咗3份main 分別係肉眼 西冷扒同羊 不過呢間嘢嘅上菜速度真係超慢 我地前一晚搭完凌晨機真係等到差啲等到訓著


等到花兒謝了之後終於上菜 呢間餐廳一個好大嘅特色係每份肉上面都會放一舊骨髓然後點火 鍾意食骨髓嘅小弟就覺得非常正 至於兩款牛扒都係用炭爐燒 所以食落真係超好味 唔會overdone 導致太韌 當中小弟覺得西冷係更勝一籌 比較可惜嘅係可能牛扒太好食導致羊肉嘅光芒被掩蓋 不過都係好味


跟住落黎嘅甜品可以話係成個trip 小弟覺得最好食嘅嘢 我第一次食brownie 係用鐵板上 所以keep 住係熱辣辣而且保持住個邊係脆 然後配上雲呢拿雪糕加埋焦糖醬令到成個甜品攞到滿分 而成餐飯3個人食兌返港紙800 有找 非常抵食

紐西蘭鋸扒真係好抵

個人覺得唔算好特別唔洗特登去

食飽之後就返去超級市場買水同零食仲有牙刷(其中一個fd 唔記得帶) 終於見到傳說中Manuka Honey


雖然今日係星期六但條街完全冇任何夜繽紛嘅感覺 另外我發現外國嘅商場通常都係open area 唔似香港咁喺一個密封building 入面


今晚住BreakFree on Cashel Christchurch 呢間冇窗嘅房每晚都要$560 算係比較貴 今晚最後一個活動就係睇曼城 不過見佢冇都希望俾人追和所以未完場就去咗訓覺

burger fuel 必試

我個fd 驚所有昆蟲所以我地冇去
你呢個trip 係咩季節去㗎?

只限南島 北島係天價

邊度黎㗎?

ching又係你~
估唔到紐西蘭你都啱

Hell Pizza 都係好正

連鎖店，奧克蘭比較多

yo ching，我都唔記得咗我哋喺邊度見過

你都喺紐西蘭旅行過？

hell pizza好正，仲有lone star 都好值得去食

讀過幾年書~
北島都唔係咁廢 (depends on 你想要啲乜), Auckland配套好啲出海釣魚, 向北行下山, 又或者hamilton睇下熱氣球螢火蟲, hobbiton, 幾個酒莊區 都唔錯嘅

佢同Fergburger 比較邊個好食啲

想唔想喺tg傾下偈~