[首訪南半球] 露營車玩轉新西蘭南島8日遊

係啊 南島嘅風景真係好靚

你覺得自己算唔算一個怕凍嘅人?

巿區就真係難搵，最好就唔好入CBD，我去到Queenstown 都係泊咗入holiday park 之後行路

其他地方好多campervan parking arrow town成半個停車場都係，係得Christchurch CBD+Queenstown 巿中心難搵，避開呢啲位就得

食完三文魚之後就去咗Omarama 嘅另一間新西蘭連鎖超市Four Square 補下貨 不過呢間就比paknsave 貴好多順帶一提新西蘭油站嘅廁所非常乾淨衛生

露營車揸咁耐辛唔辛苦架？
值得去嘛？

都想揸車遊南島有牌但一個人去無副駕唔係好敢

去完supermarket 之後基本上已經天黑 但仲有成個半鐘頭嘅車程先到目的地 所以就加快馬鞭繼續去Wanaka 新西蘭同外國絕大部份郊區一樣都係完全冇街燈 都要靠開高燈射向啲反光板黎睇路 不過小弟當年喺英國由第一日學車師傅已經帶我去啲郊區完全冇燈嘅地方 所以對於呢啲漆黑郊區開車都頗有經驗 但因為普遍旅遊資料都建議夜晚千祈唔好喺新西蘭揸車 因此一路上都見唔到任何露營車經過(平時如果有jucy 露營車迎頭相遇對面通常都會同我地揮手打招呼) 如果大家係新手都唔太建議夜晚揸車 如果真係逼不得已就要記得有對頭車經過嘅時候一定要暫時熄高燈 如果唔係會令到對面嘅司機相當不適 同埋記住要保持冷靜唔好俾眼前突然嘅風景嚇親 例如前面突然出現咗條紅色橋完全嚇死咗我 (Source: google map)

揸車揸極都係嗰個景可能會悶死

最終我地成功喺7點鐘reception 閂門之前去到營地(但如果趕唔切佢會email 你話俾你知入住資訊)


泊好車駁好電之後就立即開始煮飯 首先就係今晚嘅重頭戲羊架 但唔知係我expectation 太高定薩莉亞已經做得好好味 我覺得新西蘭羊架唔係話真係非常好食


因為驚唔夠食所以我地喺超級市場買咗隻燒雞加餸 但凍咗就唔係太好食


至於蘑菇洋蔥炒蛋就非常出色 新西蘭嘅農產品完全冇令我地失望


牛扒都繼續好高質 不過價錢就比琴日貴好多 而隔離嘅薯餅真係不得不讚賞我團友嘅廚藝 喺完全唔炸嘅情況下都可以整到個薯餅超好食


今晚我地住喺Wanaka TOP 10 Holiday Park 營地嘅設施都比琴日好好多 沖涼有無限嘅熱水供應 題外話食飯嘅時候咁啱電視喺度播緊新西蘭交通警捉違例嘅節目(超速 酒駕...) 越睇就越矛盾一方面喺筆直嘅公路踩到120 真係好爽但又好驚俾警察捉到要罰錢(新西蘭罰得好重)


飯後甜品係新西蘭嘅特產蜜糖yougurt 雪條 做得幾出色唔會得個死甜




見到新聞報導前日嘅南極光大爆發 唉…

最後臨訓前喺露營車出面set 咗個腳架影下星 不過較啲setting 都整咗好耐




喺輕微光害下都影到咁靚 好期待聽完返去Lake Tekapo

最後同琴日一樣都係分享一下我用相機影嘅相

咁細架會唔會好迫？

lm

同埋好似話都多彎同山路，都係安全第一

Day 4 (14/5/2024):

琴日嘅戰績係321 公里


一早起身影返琴晚嘅泊位 雖然今次唔係湖邊但喺群山環繞底下都幾舒服幾chill (亦因為咁價錢平好多 430 一晚)


影下其他泊位 有紅葉同黃葉


但呢個泊位令我相當頭痛(紅色箭嘴係行車方向) 用咗好多手先入到去絕對係我泊過嘅位數一數二難


早餐非常豐富有牛油果同琴晚未食完嘅雞肉




出發去第一個景點之前首先去咗入油 平時香港嘅加德士實在太貴黎到新西蘭終於可以去加德士入油

唔該晒 應該都揀巴士算
睇緊機票，chc進出平1千，睇爬過post有人係chc-tekapo-mtcook-wanaka-queenstown-dunedin-chc，不過最後個程google寫要6-7個鐘巴士？會癲嫁喎定應該chc入queenstown出合理d？不過就會miss dunedin

本來去完入油都諗住去下一站 點解經過Lake Wānaka 嘅時候都係忍唔住入去Wānaka Lakefront 影下相


新西蘭秋天嘅景色真係非常迷人

多謝樓主分享 睇到你寫既嘢令我諗返起好多係NZ既回憶
我自己係極度鍾意紐西蘭

15年一個人係Queenstown留咗一星期 覺得呢個地方靚到好似仙境咁
跟住17年自己再返去環南島
環島個時買咗kiwi experience的package, 每日跟住巴士路線去唔同景點
鍾意既就stay behind一兩日

個陣搭巴士仲有一大班外國人一齊 (不過自己內向加英文唔太好 所以無同佢哋無玩得太熟)
玩咗兩個星期再返christchurch 成段經歷真係好正
有機會都想再返去NZ

離開Wānaka 就踏上Crown Range Road 嘅旅途 呢條路除咗出名風景靚之外 另外一個好出名嘅地方就係佢有個地方嘅圍欄上面掛咗非常多胸圍 不過我揸緊車當然就影唔到相 所以如果大家想睇就要自己google 啦 第一個停車觀光嘅地方係Crown Range Summit


呢度海拔大概1100米左右 所以已經冇曬任何樹木




望落去全部都係金黃色真係好靚


遠處見到Queenstown 機場仲有飛機降落


之後就落多少少停埋Crown Range Road Scenic Lookout


同戰車合照


新西蘭自駕遊我覺得其中一個樣非常好嘅係每逢去到一啲彎位佢會有一個建議車速俾你 而呢度建議15 km/h 就睇得出係非常險峻嘅髮夾彎 (Source: google map)

落山之後我地就去咗Arrowtown 呢個曾經嘅淘金小鎮參觀Arrowtown Chinese Settlement


80年代嘅大陸人大量移居新西蘭希望可以掘到佢哋嘅第一桶金 所以佢哋嘅居住環境都非常擠逼










欣賞遺址嘅同時都繼續都欣賞一下新西蘭好靚嘅秋天景色




本來仲係喺Arrow river 隔離嘅散步道行下 但去到發現嗰度充滿泥濘所以都係決定回頭

你打算幾多月去? 如果係夏天我覺得係香港補下鍾再去都唔係唔得

多謝你嘅分享 你呢兩次分別係咩季節去?