[首訪南半球] 露營車玩轉新西蘭南島8日遊

北島睇風景邊度最靚
Btw 差啲分唔到你同樓上位巴打

我覺得burger fuel更好食，要試 bastard

冬天六月尾

我上次係北島Wellington 鋸

Day 2 (12/5/2024):

一早起身見到親友嘅Whatsapp 同ig 上面有大量極光嘅相 上網睇先知原來琴晚極光大爆發 就算遠離南極圈嘅澳洲都可以見到 早知琴晚就出去追 執好行李check-out 後就冒住寒風行去巴士站 Christchurch 有觀光電車可以坐 可惜我地前一日太遲到今日又太早走所以就無緣見到電車行走


Christchurch 巴士總站非常有北歐風格


等巴士返番去機場 今次準備好散紙坐巴士唔駛再坐霸王車啦


同香港一樣 抬頭望出去周圍都有好多山


雖然5月中只係新西蘭嘅秋天 但早晚嘅氣溫都非常低草地都結曬霜


經過30分鐘嘅車程後就返到黎Christchurch 機場 呢個時候可以講一講今次我地買咗電話卡中國聯通15日8GB 5G 計劃 喺Hktvmall 買只係需要98(呢排做緊特價88) 成個旅程上網都好順暢冇任何伏位 不過就要注意收到5G 嘅地方其實唔多 而最重要嘅係佢有60分鐘通話時間 咁我地就可以好方便打電話去租車公司call 佢黎機場接我地

5分鐘嘅車程後就黎到Jucy 租車店


由於已經網上check-in 所以去到填份問卷問我了唔了解新西蘭嘅道路規則就可以去攞車 新西蘭曾經係英國殖民地所以道路嘅設計同香港都係大同小異 而最大嘅分別係新西蘭有好多one-way bridge 呢點遇到嘅時候會詳細再講 跟住就好似係平時租車咁周圍望下周圍有冇啲乜嘢明顯凹痕或者刮花 不過可能因為我買咗全保所以佢都冇好認真mark 低咩位有問題


聽緊佢示範車內各樣功能係點用嘅時候發現車外嘅電制位鬆到幾乎插唔到 好彩佢及時發現即刻入去車房搞返好 同時發現呢位職員唔知係咪朝頭早未訓醒有好多甩漏 例如係成桶GPS 漏咗喺車 如果唔係我地及時發現應該會成桶揸走 上到車望到個錶板嚇咗一條 16年車齡竟然行咗28萬3997公里 第一次租到一架里數咁高嘅車 經過一番波折之後露營車自駕遊總算正式開始~

Wellington 係咪真係有beef wellington 食

有冇遇到落雪

好 下次會試下

小弟喺香港都係揸開8人車為主 第一次揸van 仲要重心咁高都頗為緊張 所以第一程都唔敢揸太遠淨係去咗15分鐘車程外嘅超級市場採購食材 上網做資料搜集嘅時候知道呢間Parknsave 係新西蘭嘅平價超市個名同香港嘅百佳真係好似


見到咁多好靚肉真係流曬口水


新鮮蔬菜都好平


但入口嘅嘢價錢就貴過香港


除咗買咗肉同蔬菜之外仲買咗飲品 各種調味料同意粉 但後來先發現唔記得買錫紙所以就用唔到營地嘅焗爐 我地喺超市入面大概消費咗500 左右 然後就過咗對面嘅Dominos 買新鮮熱辣嘅pizza 做午餐


我地叫咗個非常傳統嘅辣肉腸同疑似新西蘭特別版pizza 味道好食過英國嘅Dominos 好多 重點係價錢超平兩個pizza 港幣$60 都唔駛 早知叫多個

冇 一開始仲租埋雪鏈 最後除左係Roys Peak 頂以外冇掂過雪

今日第一個景點係Castle hill 話說新西蘭嘅租車唔似日本通常車內係唔會有提供GPS 導航 需要租車嘅時候另外加購(如果揀全保就送埋俾你) 但可惜我上網搵咗好耐都完全搵唔到任何Jucy 提供嘅導航係點樣操作 但幸好新西蘭係一個用英文嘅國家所以可以好方便咁直接打個地址入去 但如果遇著嗰個景點係冇地址(例如Lake Pukaki 間三文魚店) 佢呢個導航又做唔到喺地圖直接揀一點然之後導航過去 所以只能夠去到附近地點再搵 另外佢入面個地圖尤其城市入面都唔算太update(例如導航話係迴旋處但實際去到係一個十字路口) 不過幸好新西蘭啲路比較簡單因此冇任何迷路嘅情況


開頭喺市區入面所以風景仍然好一般 不過隨住進入郊區景色開始開揚






新西蘭嘅公路限速係100 不過當熟咗架車之後就會發現雖然得2條線但限速100 其實都係太慢


揸住一架露營車嘅最大缺點就係上斜明顯係冇力 上呢啲斜路好容易就會拉龍 後黎打返香港同阿爸求救佢教我用L波之後就好好多 (Source: google map)


75分鐘後嘅車程就黎到Castle Hill Carpark 不過停車場泊滿車而我地又見公路兩旁泊滿車就決定跟住佢地泊街算 (綠色嗰架就係我地嘅露營車)


泊好車食埋啲pizza 之後就開始行喺Kura Tawhiti conservation area 入面嘅40分鐘步道


今日嘅天氣又係好到無可挑剔 涼涼地唔會太曬而且陽光普照


Castle hill 最出名就係有好多怪石


郊遊徑好好行絕對係老少咸宜






喺遠處見到呢啲白色棟起嘅嘢以為係墳墓 行近黎睇先發現原來係用黎保護啲草生長


室內攀石場就見得多 第一次見人喺戶外攀石(我地兜咗個圈返到黎佢已經成功爬到上去)


穿梭於石頭之間


最後就企喺度感受下舒服嘅天氣同好靚嘅風景

因為攞唔到長假,偷埋周末嘅話都有6日嘅.

今次專登帶咗部相機去 所以都同大家分享下小弟用相機影嘅相

留名, 我都想去新西蘭南島

有假期就可以去 6000有找嘅機票真係抵到爛

原來係咁 你咩季節去

諗緊係咪秋冬淡季個啲日子去好啲

份人怕熱

得幾度你頂唔頂得順?

想春季或者秋季去.

New zealand skinny 都幾抵，但只有超市賣，
20紐7日10GB ，air sim 又貴又廢
NZ 蕃茄超貴，我個次只係去左6成個trip,
發生左d意外，搵年再戰

無啦 專心鋸牛羊扒好過
本來想試間毛利人傳統菜式不過太遠無去到

結束Castle hill 嘅行程之後就開車南下 頭先嗰程趕住開車未有時間研究下架車點樣播歌 今次搞掂後就即刻好返好多 不過都難免要揸超過3個鐘頭嘅車 而且為咗確保我地要喺日落天黑之前到達所以全程冇停過不斷趕路 最慘嘅係去到後段開始係西斜所以都揸得頗為辛苦






但當去到Lake Tekapo 見到眼前好似童話般嘅風景所有嘅疲倦立刻消失

毛利人傳統菜式係食啲乜嘢㗎

我香港買嗰張都唔錯
原來新西蘭好出名食番茄? 同埋介唔介意分享下有咩意外