[首訪南半球] 露營車玩轉新西蘭南島8日遊

玩join活動個間，同行人士係玩活動受傷

ACC

難揸，第一日泊車已經泊到出曬界，後泊又撞電線桿，用咗半日先慣咁長，之後出咗巿區咁多地方就好揸，但入返Queenstown 又係地獄

睇你想玩咩
3/4 月開始唔熱
一直去到9/10 月

同埋好睇你想玩咩
春秋就睇野多
冬天玩雪夏天玩水

前日去完

Newzealand啲tomberry勁撚好食
日日一路揸車一路食

Lake Tekapo係世界上面其中一個最暗嘅地方 所以夜晚就當然要去觀星 當中可以上去University of Canterbury Mt John Observatory 觀星 不過夜晚會封路所以只可以參加Dark sky project 嘅觀星團 我地參加咗2 hrs 嘅Summit experience 當中半個鐘係搭車 9個字肉眼觀星 9個字用望遠鏡觀星 收費係NZ$185 (大家報名嘅時候要小心唔好報錯佢嘅室內睇螢幕團)


將車泊好係門口就準備入去參加觀星團 (唔好意思因為未較好部相機影唔到相 所以跟住落黎都只會文字描述)


集合之後會借厚褸俾你 同埋會俾一個可以發到紅色光嘅燈俾你 因為白光會影響實驗室嘅儀器運作 頭45分鐘會企喺一個平台上面肉眼睇星 我地book 咗一個普通話團 所以就完全聽得明導遊講嘅嘢 佢會介紹南半球唔同肉眼最清晰可見同只可以喺南半球睇到嘅星俾我地聽(用laser 指俾我地睇) 而我最印象深刻就係南十字 我仲攞咗iphone 嘅指南針去check 係咪真係南邊 導遊仲問咗我地好多問題 例如邊個星離地球最近 北極星喺邊個方位 我覺得個導遊會expect 我地答咗月球同後面 但今晚嘅團友實在太勁乜嘢問題都可以答到 (Source: google map)

之後就到咗望遠鏡觀星嘅環節 但我覺得喺漆黑嘅環境下用望遠鏡聚焦一點其實比肉眼觀星更難 更不幸嘅係睇咗一段短時間之後天空就突然開始變咗多雲 但呢個時候導遊竟然宣布因為天氣不佳我地只係成功肉眼觀星用唔到望遠鏡觀星所以會退款一半 估唔到呢度有一個咁特別嘅安排 去北極追極光都唔會不成功不收費 最後導遊分享下呢個天文台嘅歷史(唔係預測天氣係觀星 香港天文台真係改錯名) 原來製造南半球嘅觀星地圖花咗超過10年時間 同埋導遊都分享咗琴晚佢喺度觀賞咗大爆發嘅南極光 真係令人非常羨慕 最後就係車返我地落山(我趁機補眠一陣) 然後我就揸返架露營車返去campsite

分享一下露營車內部相 由於後座冇安全帶所以三個人都要坐曬喺車頭 而亦因為後座有張sofa 所以儲物空間有限三個大喼只係啱啱好


車內有爐頭可以煮食


仲有廁所同沖涼房 但我地唔想麻煩排污所以就冇用


開床之後影唔到相所以只能借用佢嘅相 上面訓兩個下面訓一個空間足夠床都好好訓 最夜晚開住暖氣都夠暖唔會凍醒




第一次最後總戰績係358公里

去租車時職員係咪會教你用架車？
我都準備去南島，租同一款車，不過怕唔識用上面嘅設備(風火水電)

Day 3 (13/5/2024):

半夜爬起身睇完阿仙奴對曼聯 好感動今季終於成功雙殺曼聯(雖然最後都係冇冠軍...) 一起身見到呢個咁靚嘅風景真係即刻精神曬 不過訓露營車有一個好大嘅缺點 就係大家都好懶唔想起身 原本plan 咗10點出發 真係出發嘅時候已經係10:20


今日嘅行程係去Mount Cook 行Hooker Valley track 由 Lake Tekapo 出發大概需要75分鐘 南島嘅風景當然就係好開陽同靚 但係當進入80號公路嘅時候遠處嘅Mount Cook 開始進入視線當中 忍唔住叫醒咗隔離嗰個起身幫我影下相


















喺筆直嘅公路上飛車都咪話唔爽


臨去到終點嘅時候會遇到一個one way bridge 言下之意即係去到橋上只會的一條線 呢個時候就要留意下藍色路牌上面自己方向嘅箭嘴係白色定紅色 如果係白色就代表我有優先權可以去先 如果係紅色見到對面有車黎緊就要停低等對面行先(source: google map)


可能去到White Horse Hill Campground 時間已經偏遲 所以停車場上面基本上已經冇曬位唯有泊係一個唔阻住人嘅地方泊車 然後好快食返今朝食唔切嘅早餐

會啊 但我地嗰個職員明顯就hea 咗啲好多都要問先講 我會建議出現前check 真啲所有嘢係咪work (例如: 雪櫃 床 喉管 去水 播歌等等)

幾時出發

揸入黎White Horse Hill Campground 條路超多pothole 隔離嘅乘客瘋狂投訴


話明係Campground 當然有得露營 不過咁嘅天氣露營應該好慘...


之後就開始行山 呢條Hooker Valley track 可以話係南島其中一條最出名嘅行山徑 全長5公里來回加埋大概要行3個鐘左右


一大片芒草靚過大東山


除咗遠處有雪山之前近處嘅草堆仲有啲未融嘅殘雪


成段交流經主要都係平路為主 梯級同斜路比例唔多


冇得彈嘅風景


沿路除咗山景之後仲有好多唔同嘅湖景同河景 首先經過嘅係牛奶色嘅Mueller Lake


成條Hooker Valley track 最signature 就莫過於有3條Swing Bridge 不過我之前上網睇其他blog 見過因為條橋維修導致成條track 唔開 所以大家黎之前要上網睇定




每次橋上只可以有20人


繼續欣賞沿途風光




疑似見到冰川

第二條swing bridge


Mount Cook 係新西蘭最高嘅山 海拔3724米


間唔中有啲路段會比較多泥濘/有結冰 所以就要慢慢行


有條小瀑布


當見到啲鋪好曬嘅木板路就非常開心因為可以一無掛慮大步向前


第三條swing bridge


行咗90分鐘後終於黎到呢條步道嘅終點Hooker Lake


Mount Cook 老是常出現






休息咗一陣之後就行埋落湖邊 伸手摸下啲水又真係幾凍下




成條Hooker Valley track 都係大概海拔900米左右

Hooker Valley track真係正
不過當年我去個陣遲左出發, 好似3-4pm去到, 見個太陽再落就會比座山遮住
所以我行勁快 一無陽光D相就無咁靚

唔該晒～過兩個禮拜出發
搭單再問其實有冇需要用雪鏈？

從另一角度繼續影下Hooker Lake






由於後面仲有行程但已經差唔多2點 所以係時候要馬不停蹄開始回程


行喺搖搖欲墜嘅吊橋上面都咪話唔驚




回程望住嘅係Tasman Lake 所以景色都唔會話太重複






雖然只係2點幾 但因為太陽已經低過座山所以可以會有啲凍






成條行山徑有唯一一個公廁 但我諗如非必要都係唔好去


繼續努力趕路












重新回到第一條swing bridge


沿途見到一隻不知名鳥類 但應該就唔係奇異鳥


見到大草原就知道又回到最初的起點

留名支持
見巴打影既相唔多遊人，係因為開始淡季？多唔多遇到跟local tour 既人？

琴晚睇完波頭先又行完10km 都真係開始有啲眼訓 所以今日就冇好似咁直踩去終點而係見到有靚風景就停車 第一站係Acland Lagoon Lookout


不過風景就唔算太特別 所以影張相就再出發




下一站就係Aoraki Mt Cook Scenic Lookout


呢度明顯就有睇頭得多






有塊資訊牌介紹Lake Pukaki 近年受到全球暖化冰川融化影響導致湖嘅面積越黎越大


黎到Lake Pukaki 10個有10個都會去Mt Cook Alpine Salmon Shop 食三文魚刺身




我地買咗3包 每包大概係港幣~100左右 仲會附送豉油Wasabi 同木筷子


味道當然就冇喺日本食咁好味 但如果以外國嘅水準黎講又真係唔錯 而且坐喺長凳望住Lake Pukaki 同無敵大藍天食真係加曬分








而喺隔離嘅visiting centre 有個港女打卡位


露營車最大優點: 有個雪櫃可以雪起佢夜晚繼續食 而隔離嘅Ginger Ale 就係我揸長途車嘅精神食糧

唔識自駕
雖然啲人話搭巴士都可以解決問題 不過都未得閒plan呢一個一直想去嘅國家

LM

Hooker 果到靚到

可唔可以講下裝束
譬如要行10k 郊游徑, 普通秋天行山裝+風褸？
定要厚少少jacket?
隻鞋要唔要間水？

下次再去可以挑戰下 但搵泊位算唔算難? 我印象中冇乜大車位

租車有冇提供呢個選項?
如果有我覺得租埋好啲 前幾日嗰單旅遊車反車意外都幾恐怖

的確有跨城市巴士可以坐 但非常疏可能一日得幾班而且好多地方去唔到例如mount cook

會唔會打算呢一兩年去考返個車牌先

星期六出發去南島兩星期, 坐澳洲航空係澳洲轉機