[遊記] [有圖多廢話] 同屋企人嘅歐洲之旅

喺街睇到呢句笑咗出聲

好似好正 ching 你是咪仲喺巴黎

離開咗啦

以前羅馬帝國嘛

咁而家去邊玩？

Day 26 今日又去法國玩話說本身冇諗住去Lyon，係早幾日喺flixbus買到平巴士飛，所以今日就即興去Lyon 由日內瓦出發，搭兩個鐘就到 去到係朝早八點幾，因為我哋本身都未食早餐，所以就諗住喺車站食少少嘢先，求其揀咗間Cafe食











趁朝早條街未有太多人，喺市中心兜個圈先

呢度啲街都好靚



之後我哋下一站去睇富維耶聖母聖殿，同埋上山睇風景



呢度望返落嚟個景



話說山上面仲有間賣紀念品嘅舖頭，入面啲Postcard仲平過喺地面嗰啲舖頭 €10仲有三隻磁石，好抵玩



買咗呢三隻






之後呢度附近仲有個羅馬博物館，係個古劇院









睇完之後就落返山，繼續周圍行吓

里昂叫得做美食之都，所以我哋都好期待啲嘢食 朝早行完山，而家都開始有啲肚餓，所以就食返個晏先 阿媽見到呢間個餐牌幾吸引，所以我哋就去咗食呢間泰國嘢，我碟咖喱好好食 啲香茅味好重




食完嘢之後就去飲嘢 嗰陣推介我哋呢間嘢飲舖，所以我哋就去買嚟試吓 但我呢杯嘛嘛



就咁睇相可能唔覺，其實我哋已經行咗好耐，而家已經係晏晝三點，我哋都暴曬咗好耐 所以就決定去行吓商場，嘆吓冷氣都好



咁我哋行行吓就嚟咗呢個叫Confluence嘅位置，佢係一個urban renewal下嘅地方，所以距離市中心都大概要行30分鐘路程，不過都幾推介呢間商場 因為真係有好多嘢行，餐廳又多，行到攰又可以去出面室外坐吓，有表演睇，又可以欣賞風景

最後我哋行到成夜晚七點 其實都仲未行完，但因為要預返時間去巴士站，所以都差唔多要返去




搭夜晚八點嘅巴士返日內瓦，去到九點個天都仲係咁靚 結論係里昂都好適合去一日遊 鍾意食嘢嘅可以食足成日，我仲有好多嘢未食

Day 27 今日係留喺日內瓦嘅日子 難得放假同我哋出去玩



帶咗我哋去呢條河度呢度應該係日內瓦比較郊外嘅地方，我哋行行吓仲入咗去啲草叢度 好有去探險嘅感覺



之後夜晚我哋就去咗食自助餐，唔係migros自助餐呀
話係一間類似巴西扒房嘅餐廳，會有啲侍應攞住啲肉出嚟，之後逐啲切俾大家食




咁喺侍應未出嚟之前，就可以出去自己攞住嘢食先 薯條超正



跟住就到食肉時間啦



原來燒菠蘿都咁好食

Day 28 一起身就發現有兩件Pizza喺枱面 第一次早餐食pizza 估唔到朝早就已經飽到上心口




結果我哋好晏先食lunch，因為真係太飽 今日去咗Annemasse食嘢同埋行超市 呢兩碟就係我哋嘅晏晝，睇到個賣相都知 唔多講了






食飽要周圍行消化吓



有咩開心得過行行吓發現有大超市 喺法國買嘢真係好抵



夜晚又有片皮鴨食

Day 29 去Zermatt 拎埋啲嘢食上車做早餐，又有我最愛嘅朱古力條



就到啦




落車嘅第一個感覺就係，呢度好熱








喺去睇馬特洪峰嘅真身之前，首先喺附近行吓



呢度仲有好多活動可以玩

我哋最鍾意嘅活動就係感受吓新鮮空氣




之後我哋就搭纜索鐵道去sunnegga




嚟到海拔2000幾米，終於冇咁熱，同埋有啲涼風 但都仲係好多雲，未見到三角朱古力山






山就未見到，不過就見到對面有個阿媽將個仔浸落啲水度，明明呢度啲水咁凍



過咗陣，雖然都係未見到三角朱古力山現身，但有我哋準備嘅真•三角朱古力

呢度有啲凳可以俾你坐喺度睇風景，我哋都坐喺度睇咗好耐，但突然之間開始落雨，即刻凍咗勁多 落雨之外又越嚟越多雲，見唔到三角朱古力山，所以我哋就諗住搭車落返去

冇講到頭先我哋喺sunnegga落車之後，係要行一段落斜嘅路先去到頭先個湖嗰個位，而家落住雨唔想行返嗰段路，因為都幾斜，咁啱就見到原來呢度有提供纜車上返去 本身個纜車都冇乜人幫襯，而家一落雨啲人即刻湧晒過去搭



落返嚟又開始好天，係時候食晏，冇影到相，因為我哋都係去超市買燒雞同埋麵包食



之後去咗買朱古力食




然後我哋係想去搵黑面羊，但跟住地圖去都搵唔到

去到我哋離開Zermatt嗰陣，都係見唔到三角朱古力山真身全日都keep住多雲，去到最後都見唔到有啲可惜 但旅行就係有少少遺憾，先有再去嘅理由

Day 30 朝早又去migros買新鮮出爐嘅麵包



今日去lake thun遊湖



每日都好期待喺火車見到嘅風景



到啦 但架船未到，所以我哋就去超市買啲嘢食上船食





喺超市都食咗幾次雞，今次想試吓新嘢，就買咗碟薯蓉，但完全唔好食的



買齊嘢食就準備上船

我哋搭11:40嘅船 由thun開去interlaken，全程大概2個鐘頭10分鐘，都係eurail pass包埋的，加上瑞士啲湖咁靚，所以一定要去遊吓湖



終於有得上船 有得揀坐室外或者室內，我哋已經買咗嘢食，同埋唔想食佢好貴嘅餐，所以就揀咗坐室外 好彩今日太陽都唔係好曬 坐出面都叫做有啲風











唔經唔覺就坐咗兩個鐘，未睇夠



去到interlaken

見到隻熊，就代表我哋下一站去咗Bern












Bern最出名就係嚟睇熊



天氣太熱，所以要食返支雪糕先 又係食返呢一隻，真係超好食

除咗睇熊之外，喺附近嘅呢條橋望返落去個景都好正






大量熊出沒




遊完湖，又去埋Bern，係時候返去啦 食埋碗炸醬麵，是日完

Day 31 尋日返到去就覺得好似唔係好對路，結果今朝起身就病咗 所以今日冇去到啲咩地方，淨係落街買藥，同埋去附近行咗陣



今日嘅晚餐

Day 32要離開瑞士啦，嗰日咁啱係端午節，食埋個靚早餐先搭巴士去機場

Between要多謝呢一個月嘅照顧，每日都煮咁多好嘢俾我哋食，咁忙都仲帶我哋周圍去玩 同埋肯收留我哋，如果唔係，我哋三個絕對冇可能喺瑞士生存成個月



去寄埋張Postcard先走



到機場啦

之後我屋企人就搭飛機返香港，我就自己一個去南非，有興趣可以去睇我嘅遊記：https://lih.kg/3647636



呢碟咖喱雞飯好好食



用我寄俾自己嘅Postcard做返個結尾先

第一次去歐遊，真係見到好多一直以嚟好想睇嘅風景 希臘藍白屋仔襯埋愛琴海、瑞士嘅山水真係好似wallpaper咁靚 而今次亦都係我第一次同屋企人一齊去成個月旅行，雖然就咁睇我嘅文字，可能會覺得我哋相處都好融洽，但其實我諗去旅行都難免會有啲爭拗 例如投訴啲嘢唔啱食、行咁耐就係為咗睇呢啲？

諗返都會覺得做搞手真係唔容易 同埋又好難可以plan到一個滿足到所有人嘅行程 我覺得好睇嘅嘢，佢哋又未必啱，佢哋想食嘅嘢，我又未必搵到俾佢哋

但諗完又諗，睇返旅行啲相、我哋隨手拍嘅片，啲咁靚嘅風景，同屋企人一齊睇真係有另一種感受，去完今次歐遊之後，我都想喺仲有機會嘅時候，同屋企人睇多啲呢個世界 即使世界咁大，冇可能睇得晒，但都想盡量用雙眼去見證呢個世界有幾靚 (突然好勵志) 最後，梗係要多謝睇到嚟呢度嘅你 下次再見啦

係呀，通常啲雪山如Zermatt 會怕醜俾雲遮住唔出嚟㗎

呢個post好好睇呀

又好有愛，好孝順，好有善心，又對貓好

啲風景又靚，湖泊，青草，雪山，溪流

令人賞心悅目

又用咁靚嘅postcards 作總結

太美滿了

令人開心

咁睇嚟佢全日都好怕羞

多謝你咁高評價
成個po得你理我 感謝你

希臘電子支付盛行？
唔想帶咁多現金
同埋治安點？