[遊記] [有圖多廢話] 同屋企人嘅歐洲之旅

就咁睇相，好似睇唔出呢碗卡邦尼有幾大 但佢真係超大碗，一路食都唔見底 between 係超好食的



仲有煙肉焗薯




食完晏就有甜品 好推介呢隻馬卡龍，雖然我本身鍾意食甜品，但一向都嘛嘛哋馬卡龍，平時喺香港都唔會特登買嚟食，但呢隻真係特別唔同 佢每隻味都好正，唔識點形容，大家可以買嚟試吓

食飽之後就亂咁搭巴士 求其搵個站落車就嚟咗呢度，見到有好多好靚嘅屋仔




喺遠離繁囂嘅郊區，可以住木屋仔真係好正











夜晚八點，個天仲係咁光 我哋行咗上山坡睇日落，坐喺山頂，除咗見到幾個入嚟放狗之外，回程都唔見有其他路人，好鍾意呢種寧靜

影完日落就返去食嘢，今晚竟然有片皮鴨 我超鍾意食



仲有餃子同雞 睇返可以見到每晚都煮勁多嘢，但其實我哋又唔係好多人 不過因為佢哋係開餐廳嘅，所以煮多咗都可以俾啲員工帶返去食



我老豆話咁高興要開支酒



飽到企唔起身，之後仲喺雪櫃攞咗隻蛋糕出嚟

Day 12 今日出發去意大利玩四日三夜朝早一樣有豐富早餐



有麵包嘅morning 就係 good morning



我哋嘅目的地係意大利北部嘅一個城市——Como，佢距離米蘭40公里，我哋而家就會去米蘭轉車



我哋搭火車嘅路線都係用rail planner個app嚟check，由日內瓦去米蘭其實有唔同路線，不過有啲會兜好遠，我哋就揀咗條最快嘅路線。但就冇比到reservation fee，因為我哋博架車唔會太full，點知未開車之前，火車上面已經人頭湧湧 我哋本身搵位坐低咗，但之後有人行過嚟話：我哋reserve 咗呢個位

所以我哋就要轉其他位，但呢個時候火車啲位已經滿晒，咁我哋唯有行去餐廳車廂度



之後嗌咗啲嘢食同嘢飲，就坐到去米蘭，好彩冇俾人趕走

搭咗四個鐘，終於到米蘭呢度超多人，記住小心財物




我哋去Como架火車未到，所以就坐低食嘢先，米蘭火車站都有好多餐廳，不過我哋又去咗食M記



食完嘢就去搭車 坐大概半個鐘 因為Como有幾個火車站，所以都要睇清楚個名先好落車



終於到 Como係我幾年前喺Google Maps無意中見到嘅一個地方，嗰陣就咁睇相已經覺得好靚，到而家有機會去歐洲，就將佢擺咗入行程

去到都可以check-in ，所以我哋就返酒店先，呢個就係我哋嚟緊四日三夜住嘅地方 其實Como最出名就係佢湖邊嗰啲酒店同別墅，靚到黐線 但當然亦都貴到黐線，所以我哋就揀間平啲嘅，不過離個湖都比較遠



其實間酒店距離火車站唔係好遠，但中午呢個時間好熱，我哋拖住啲行李行到出晒汗



間房係咁的




附近有超市行



買咗少少麵包食



同埋tiramisu，其實係為咗佢個兜而買

咁之後梗係要去最出名嘅Lake Como行下 頭先講過我哋酒店距離個湖比較遠，不過好彩酒店門口就有巴士可以搭去個湖度 去到湖邊真係完全唔同感覺，可能因為我哋酒店嗰邊比較靜，又冇乜景點，係嚟到 Lake Como先感受到嗰隻度假feel 見啲人瞓喺草地曬太陽，又坐喺湖邊餵天鵝，超正


頭先淨係食麵包唔夠飽，所以我哋又去咗食嘢 話說湖邊有大量餐廳，不過價錢都唔平，我哋本身見到有間餐廳個Menu好吸引，有all day breakfast食，但又唔見佢有寫價錢，之後個侍應就行咗出嚟，我哋就指住問呢個幾多錢，然後佢話：我哋冇all day breakfast㗎，呢個純粹係裝飾



咁之後我哋就去咗第二間餐廳，因為見過天開始陰陰地，我哋就唔諗住坐室外，但個侍應又好堅持叫我哋坐出去 結果食到一半，真係落大雨，呢個時候個侍應先叫我哋入返去坐 講返啲嘢食，頭盤啲麵包嘛嘛哋，好乾，之後啲意粉都嘛嘛，隻汁唔好食



頭先真係落超大雨，不過好彩我哋食完之後就有返陽光




個天又變返藍色

lm

列支咁快完？

係 嗰日親戚趕住返日內瓦開舖

每日望你就唔會覺得特別

但瑞士啲景真係好癲

Day 13 今朝一起身就搭巴士去lake como食早餐，對住個湖食嘢真係好正 不過我哋嗌咗兩杯嘢飲同三隻包就要港幣二百幾蚊




咁其實lake como呢個地區有唔同嘅village，我哋今日就會搭巴士去Bellagio 巴士飛可以直接喺總站買

雖然車程唔係好耐，但途中都幾驚險 首先係車上面超多人，企位都完全唔夠，係要人貼人咁企，中途仲要有幾個站好多人上車，之後架巴士行到去某個位要轉彎，但條路好窄，咁啱又有第二架車經過，所以就撞咗少少，嗰下巨響嚇到車上面啲人尖叫，好恐怖








到咗Bellagio，阿媽話回程絕對唔會再搭巴士

天氣咁熱，所以去食返杯gelato 話說之後我都試咗幾間gelato，但覺得最好食都係呢間，推介俾大家 我嗌咗椰子味



之後去咗Bellagio一個好出名嘅打卡位，我好耐之前曾經用過呢個地方做wallpaper，但嗰陣都唔知原來就係喺Bellagio 呢度行樓梯上嚟就會到，又唔使行太耐，望返落嚟好靚 不過有大量嘅人群同樣都要喺度影相，所以要排隊

仲有就係如果想搵呢個位，其實唔使開地圖，因為跟住人群就自然會嚟到呢度



晏晝去食意大利嘢




喺小巷搵咗間餐廳，食pizza同risotto，不過同尋日晏晝一樣，我都覺得唔太好食

你係果到出世就冇果種靚既概念，因為係理所當然
我地去就好似色盲既人睇到彩色野咁

但你一出世睇野就係彩色，你就覺得好正常

之後就去湖邊坐下，買下postcard同磁石 呢度仲有好多Cafe，不過我哋唔肚餓，所以就冇試



雖然只係晏晝三點幾，不過係時候去買船飛返Como，因為呢度真係超多遊客，碼頭已經堆滿人，加上幾班船已經full咗，所以我哋諗住早啲去買飛

排到我哋嗰陣，架船已經full咗，所以我哋臨時轉另一架慢船，諗都冇諗就買咗，因為驚今晚返唔到Como

去到差唔多4:30就有得上船，一宣佈可以上船啲人即刻衝曬上去 但其實架船都好大，上到去唔驚冇位，我哋仲坐到窗邊位





不過叫得做慢船，當然好慢 搭到夜晚七點先到Como，而呢架船大部份人其實都係返Como，所以落船都有排落 本身話唔肚餓，不過搭咗咁耐，而家大家都勁肚餓

雖然諗返我當時揀星期六日去Como真係好戇鳩 多人到黐線 但原來週末呢度有市集，我哋即刻入咗去搵嘢食



市集啲嘢食好食過餐廳



狗仔



返到酒店lobby有得飲咖啡同食包



（喺片cap出嚟，好矇，請見諒）
同埋去咗附近超市買晚餐返嚟食 呢個係咖哩risotto，好食過晏晝嗰餐 喺lobby叮完之後拎上房食



仲有呢堆嘢食

你個比喻好正

果時去睇極光，有個本地人問我黎做咩，佢聽完笑左

去完土耳其係唔係沉迷左食包

當地人睇到厭

我係本身超鍾意食包之後每次去旅行都要試吓當地嘅包 土耳其嘅包真係數一數二嘅好食

Day 14 今日嘅早餐 有喺瑞士買嘅朱古力條、早幾日買嘅車厘子、土耳其買嘅餅同蛋糕 今日本身諗住再搭船去另一個地方玩，但阿爸阿媽話尋日行咗成日有啲攰，所以今日變咗留返喺Como市區玩







食完早餐之後就搭巴士去市區，市中心其實都有唔少嘢行




好靚嘅M記

晏晝又去咗週末市集食



啲雞翼超好食



之後又去咗食gelato，今次食咗咖啡味，但都係尋日嗰隻椰子味好食啲



繼續甜品之旅搵咗間Cafe坐低休息吓，順便又食吓嘢，一人一件甜品 右面綠色嗰隻係我嗌嘅，本身我就咁睇以為佢似係食落會少少淋，但原來個外殼勁硬 反而另外嗰兩隻就幾好食



啲色勁靚