[遊記] [有圖多廢話] 同屋企人嘅歐洲之旅

因為尋日食嘅自助餐好好食，所以今日晏晝又走咗去migros食



俾大家睇吓呢度有咩食



仲有好吸引嘅甜品



今次夾唔同嘢食 有瑞士薯餅，雖然比我夾到散晒



食完晏返到去，話餐廳入咗啲新嘅雪糕，就潷咗唔同口味俾我哋試

又到咗散步時間



呢度嘅小朋友係咁樣渡過週末



見到我哋每晚都喺屋企食，今晚終於會出去食 book咗枱，但未夠鐘，所以行返間未行過嘅超市先 勁大粒棉花糖



呢樽水個底係座山嚟




其實今晚係約咗啲舊朋友出嚟食飯，我哋本身唔諗住join，費事阻住佢哋傾偈 但對方話我哋難得嚟到瑞士，不如一齊嚟食 咁佢哋就揀咗間話係日內瓦難得好食嘅中餐廳，同埋佢哋同呢間餐廳嘅老細應該都好熟，入到去就已經有講有笑。

雖然話對方歡迎我哋一齊去食，但成餐飯氣氛都比較認真，所以食飯途中我都唔夠膽攞部機出嚟影嘢食 唯有形容下食咗啲咩，我哋嗌到成枱都係嘢，最好食嘅有宮保雞丁、小籠包、芝麻球 之後見到埋單呢度要港幣二千幾蚊 講緊係已經免咗我哋嘢飲錢，所以話喺瑞士真係唔夠膽成日出去食飯

個自助餐幾錢度

1.咁去到Milan 有冇去睇個Cathedral 呀

2. 去到Bellagio要行樓梯上去個景點兩老辛唔辛苦呀

3. 點解出街食飯都揀番中餐㗎

嚟日內瓦日日食㗎啦喎

我去法國都會口痕食啲炸嘢㗎



呢啲就係我講嗰鍋mussels呀



隻隻味道都好想試吓呀

佢係有三隻碟俾你揀，隻碟越大價錢越貴
細：7.90
中：10.90
大：14.90
其實可以攞隻細碟，之後盡量塞啲嘢食上去

1. 去米蘭淨係轉車咋
2. 樓梯唔係好長 同埋沿路都有好多舖頭仔可以睇，可以入去嘆陣冷氣先繼續行
3. 呢條問題，我一路打字都喺度問自己其實我都好想去食瑞士餐，或者歐洲嘢，話晒一場嚟到咁遠，但其實去邊啲餐廳係佢哋決定的

「畢」得一轉？

啲炸嘢勁吸引就咁睇已經知會好好食 你係去法國邊度？

mussels我媽睇到會好開心，佢勁鍾意食海鮮

啲馬卡龍睇返都好想食 俾我再揀會想食咖啡味

係 潷一轉就要去收銀俾錢，之後先可以坐低食

我都係去Paris 咋

不過以前去過Provence, 好鐘意啲小鎮如Apt, Sault

佢哋宜家夏天唔同town唔同日子都有flea market ， 有好多fruits, cheese, jam, honey, etc

好好玩

最重要就係我最鍾意嘅lavender

有本小說叫 A year in Provence by Peter Mayle

好正 我本身都有諗住去南法，咁啱嗰陣六月撞正可以睇薰衣草 但嗰排啲酒店超貴，所以最後取消咗個行程

不過南法薰衣草田要七月中先至靚

當然去前要check check 同做資料搜集

換句話說，即刻宜家去應該係最靚

喺歐洲搭巴士同火車 (船) 可以好神奇地穿梭唔同嘅國家

其實東南亞 中南美洲 西亞都得

想即刻出發

我大鄉里

Day 21 今日又出發去三日兩夜，目的地係interlaken 呢個地方應該係好多人喺瑞士都會去嘅 出發前又係買麵包時間




搭火車嘅旅途有狗仔陪

我哋搭嘅係golden pass train，本身eurail pass係包埋嘅，但火車最靚嗰啲位俾人reserve咗，所以我哋就坐其他位，之後去到某個站，有個職員行咗埋嚟，同我哋講而家可以去坐靚嗰啲位，因為本身嗰啲人落晒車 超好人嘅職員





之後我哋就好似包車咁 呢個係Golden Pass Classic我哋之後都有搭Golden Pass Panoramic




沿途風景

轉車站








之後就到咗interlaken 我哋會喺度住一晚酒店，去到未有得check-in，所以就放低行李先，再去搵嘢食



之前咁多餐都食亞洲嘢，我哋一到埗已經話一定要喺呢度食瑞士嘢，開Google Maps搵附近有咩餐廳，但咁啱今日係星期日，所以啲餐廳係唔開嘅 咁我哋唯有繼續行，直到搵到餐廳為止，最後就俾我哋搵到間印度餐廳 好肚餓，點都食 呢度食咗六百幾蚊港紙

食完嘢就介紹吓今晚間酒店 瑞士啲酒店貴就一定 所以我哋已經揀咗間最平嘅，嗰陣應該差唔多$1000一晚。距離火車站有啲遠，但其他部份都唔錯，有獨立廁所，仲有露台，露台仲見到雪山





話說未講我哋搵呢間酒店嘅故事

酒店個門口好神秘，我哋跟地圖行到去酒店，都唔見有門口入去，咁啱見到隔籬架餐車有人，所以我哋去問佢，但佢都好疑惑 之後我哋兜咗幾個圈，終於見到有得撳鐘，但撳完都冇人應 嗰陣好熱，我哋喺門口好無助 之後終於等到有人嚟開門，我哋入到去再三確認係咪呢間酒店，好彩係正確嘅



一入去已經有大狗仔喺門口 佢叫kyla





然後就出去玩 呢度啲磁石勁靚

今日開咗eurail pass梗係要瘋狂以火車代步




有錢記住要上少女峰









之後我哋就搭咗去brienz，呢度落車行一段路就有位可以坐低睇湖

之後返interlaken行吓，呢度大街有好多嘢睇






晚餐係瑞士嘅M記 兒童樂園餐最抵食 其實入面都有好多位可以坐，不過因為夜晚天氣冇咁熱，所以我哋決定買外賣，去河邊食





夜晚9:30嘅天




之後返到酒店就行出露台睇風景 咁啱有雲遮住咗雪山





沖完涼就落去酒店lobby坐吓

kyla啲相影得好有動感 好難影佢 就咁睇相睇唔出，但佢好大隻，仲好鍾意搵人玩，我哋坐喺酒店門口，佢就行咗過嚟 之後酒店老細都行咗出嚟，同我哋介紹kyla，佢叫我哋可以試吓拍kyla，佢好大力拍 仲係咁強調嗰啲係佢嘅肌肉嚟 之後個老細都有叫其他客人可以試吓拍kyla，但當然冇人夠膽用力拍 跟住我哋同老細仲好好傾，佢同我哋介紹呢度附近有咩好玩，可以咁樣同當地人傾偈好正





除咗kyla之外，呢度仲有隻貓叫做lily (咁啱真係黑白色) 佢都有行嚟搵我哋 喺樓梯嗰張相影得佢好優雅

絲打係邊訂酒店
我見google map 上面mykonos 好多酒店
但係expedia 的選擇又唔多

希臘嘅酒店我係喺永安個app訂

Day 22 朝早六點幾起咗身，一行出露台就坐低睇呢個景



終於見到個雪山



朝早嘅天氣好舒服，空氣又好清新



之後就check out啦出發去第二間酒店








早上嘅 interlaken