[遊記] [有圖多廢話] 同屋企人嘅歐洲之旅

好！盡快更新

Day 5 再見Paros朝早九點就飛返雅典，第一次踏足希臘小島，五日咁快就過咗，好掛住愛琴海、藍白小屋、貓仔 我本身份人都幾心急，但短暫停留喺希臘幾日，好似成個人都慢活咗 或者生活從來都唔需要咁急





雖然只係搭30分鐘，但都有嘢食 呢款餅好好食，唔會話好甜，而且食落仲好香，又脆口 原來叫pasteli，係希臘嘅傳統小食之一，但我印象中冇喺超市見過佢嘅蹤影，如果有嘅話，我會掃一大包

我哋之後就喺機場食埋晏，但呢碟嘢嘛嘛



正式同希臘講再見希望仲有機會嚟



晏晝三點就向瑞士出發 喺雅典飛去日內瓦大概三個鐘

想去 法、希、瑞

希臘貴唔貴食野？ 消費平唔平

上機





一望無際嘅海






之後望出窗就見到雪山 第一次咁近見到雪山，好激動 瘋狂影咗好多相



然後過咗一陣，出面嘅風景又唔同晒，睇返先知原來已經到咗意大利上空



仲有兩粒朱古力食 就到瑞士啦

我唔太清楚希臘其他地方，淨係以Paros為例 我覺得超市啲嘢、車飛算平，但餐廳食嘢就叫做貴少少，食一碟意粉大概要€9-10，當然海鮮就再貴啲，如果食希臘嘢就大概係以下呢個價錢：

咁啲frd收到Paros寄啲postcard 未

有時會寄失

降落日內瓦機場已經係六點，不過歐洲嘅夏天仲未日落 個天仲好光 本身喺日內瓦機場去市區有免費車飛，但我哋去嗰陣已經取消咗 所以就要行出去買飛搭巴士



咁我哋就搭巴士去親戚屋企，因為喺日內瓦識得人，所以我哋唔少時間都會留喺日內瓦玩，之後都會介紹吓日內瓦周圍有咩好地方 一去到就放低啲嘢，之後佢哋已經煮好嘢食俾我哋 好耐冇食過中餐，好掛住 到而家仲記得啲粟米魚柳同咕嚕肉有幾好食

因為之後我哋親戚出現喺呢個遊記嘅頻率都幾高，所以為咗方便閱讀，我會改個名俾佢哋，分別係同埋




正當我已經食得好飽嘅時候， 又喺廚房捧咗好多餸出嚟



好啦，真係在座各位都食得超飽 咁就準備返房休息，點知今次到叫我哋開雪櫃食車厘子 一打開個雪櫃，入面裝滿晒嘢食，真係諗到嘅嘢食都有 仲話買咗好多甜品俾我哋，但我哋真係食唔落，所以今晚就淨係食住車厘子先 叫我哋可以唧啲cream上去食，但其實啲車厘子就咁食已經好甜

收到呀，我喺Paros淨係寄咗俾自己 反而去南非寄嘅Postcard就到而家都未收到，差唔多過咗一年

如果同西歐比，都唔算平。

咁好

Paros嗰啲好好留念

南非嗰啲唯有留在記憶裏面

留名支持

係

記憶裡 我係上年7月寄，仲期待緊下個月會收到

多謝支持！！

好有心

好心有好報

又孝順

有ching你支持 應該會收到嘅

好

預祝成功收到

到時喺度報喜呀

一定
南非郵差快啲做嘢

Day 6 正式喺瑞士嘅full day 食個早餐就出發去Gruyères



今次去歐洲買咗Eurail Pass，但諗返嗰陣主要都係留喺瑞士，其實應該買swiss pass 仲抵玩啲，因為喺瑞士拎Eurail Pass係唔可以入某啲博物館

講返而家去搭火車 喺瑞士搭火車真係一種享受嚟，出面嘅景超靚



仲帶咗啲嘢食上去食 超推介呢個，我喺超市買咗好多 佢入面係朱古力餡，食完一條又一條

轉車時間去買個麵包食 雖然瑞士啲嘢真係超貴，但超市同便利店嘅麵包好抵食，仲有好多款式




終於到咗







首先去咗餐廳，出面有好多嘢可以參觀



喺出面兜咗個圈之後就坐低食嘢，頭盤有麵包，之後有瑞士薯餅同薯條



仲有甜品食

食完嘢就去感受吓瑞士山區肺 嚟到瑞士之後就不斷喺度吸多啲新鮮空氣



之後呢度有間異形之父博物館，本身淨係可以比Swiss pass入，但個職員見到我手上嘅eurail pass都俾咗我入




然後就再去搭火車，下一站去lausanne



又整返條食吓先

應該係montreux先啱 太鍾意 lausanne所以打錯咗 每次上火車聽到廣播話出發去lausanne都好興奮，因為廣播入面讀lausanne讀得好好聽 我鍾意到錄低咗佢



呢度望出去就係日內瓦湖






之後我哋就行咗去Chillon Castle，不過個天開始多雲

影影下相發覺原來已經係夜晚七點幾，見到個天仲係咁光，完全冇察覺到



搭火車返日內瓦火車站



瑞士食嘢咁貴，梗係返屋企煮 食返幾隻鍋貼先




飯都任添 之後就早啲休息，聽日要凌晨四點出發去列支敦士登

Day 7 凌晨四點起身今日去列支敦士登，佢喺瑞士同奧地利之間，而因為日內瓦喺瑞士嘅西南部，咁就要搭火車一路向東行，去到蘇黎世轉車，路途都幾遙遠，所以就要咁早起身 不過而家好早就天光



搭巴士去火車站 唔知點解呢張影得咁有動感



往蘇黎世嘅火車 帶咗啲麵包俾我哋做早餐



途中見到有熱氣球




蘇黎世火車站超級大 之後我哋轉火車，又再轉巴士