[遊記] [有圖多廢話] 同屋企人嘅歐洲之旅

食飽就去湖邊兜個圈，不過今日天氣嘛嘛



之後買咗本好靚嘅簿，就準備搭車返酒店



中途見到嘅狗仔



因為喺意大利食嘢都唔平，所以我哋今晚又係去超市買嘢返去食



包裝得好靚嘅糖



推介食佢隻燒雞 我哋之後喺瑞士都有食燒雞，大大隻又夠平 同埋隔籬嗰隻麵包有驚喜，睇落個樣唔太吸引，又好似好乾咁，但食落一啲都唔乾，仲又香又淋 我哋嘅結論係Como食過嘅餐廳都嘛嘛哋，不過有啲好貴嘅我哋就冇食過，可能嗰啲好好食 反而最吸引係超市啲嘢食 所以我哋連續兩晚都係去超市買嘢食

Day 15 今日食埋早餐，再喺附近行多陣就要離開意大利啦





之後又去寄postcard 雖然我哋酒店喺比較偏遠嘅地方，但一打開Google Maps都會發現附近有好多郵局，咁我哋跟地圖去到其中一間，外面完全唔似郵局，好似荒廢咗好耐嘅一棟建築咁，外牆剝落，又生曬植物咁，但我哋見到有人喺入面，所以就入咗去，原來佢真係郵局嚟㗎 任務完成



因為諗住等陣搭車會再食嘢，所以而家食少少麵包先



返到米蘭，又回到最初的起點 喺度又食咗gelato，冇記錯應該係€3一支，但都仲係食椰子味嗰間最好食

買咗隻麵包上車食，個樣睇落好似好正咁，但其實唔好食



都係呢隻最正



之後喺火車嗌咗啲嘢食



包車咁





今晚嘅晚餐係麻婆豆腐同糖醋魚勁好食 仲有哈密瓜

(喺片cap出嚟，好矇，請見諒)

Day 16 玩完四日三夜，今日就會喺日內瓦休息吓 本身朝早冇行程，但話會去附近超市入貨，因為之前都有提及佢哋係喺度開餐廳嘅，所以佢哋每個月都會去一間好大型嘅超市入貨，之後我哋決定跟埋去



呢度所有嘢都特別大



我老豆話要同呢個影相





行完超市之後返去放低啲嘢，我哋就準備搭巴士去法國邊境食晏

其實法國邊境好多餐廳都係食亞洲嘢，咁我哋今次就試吓中餐



好耐冇見過咁色彩繽紛嘅珍奶




價錢OK，而且幾好食



話說每次去旅行，我除咗要試吓當地嘅M記同麵包之外，另一樣我要試嘅就係燒賣 雖然外國嘅燒賣好難會好好食，但作為一個極度鍾意燒賣嘅人，我每次見到都會買嚟試吓，畢竟喺外國見到燒賣嘅感覺好神奇 今次呢個睇樣都唔錯，起碼有黃色皮，但食落就嘛嘛

食完晏搭車去ikea



鯊魚仔



冇耐前先食完晏，而家又去食嘢




超甜




之後正式開始行，呢間ikea同我上次喺土耳其行嗰間一樣，都係人影都冇個，但而家已經係晏晝，唔知點解會咁 呢兩樣就係我哋嘅收穫 頂帽個質地真係ikea袋個質地嚟，好得意 之後我哋去嗰陣，ikea做緊奶牛皮嘅promote，有好多產品可以揀，呢個袋就係其中之一



比完錢行到出嚟，又係食嘢嘅環節 有得玩自助斟雪糕



點可以冇肉丸

之後見到呢盒咁靚嘅朱古力 好抵



同埋強烈推介呢隻奶，超好飲




是靚晚





食到好飽，所以又去湖邊散步







跟住行行吓見到有天鵝上咗岸，仲要係一家人 我媽影咗勁多相，係咁話好得意 不過真係好得意 最後佢哋一齊游返落湖，配埋後面個噴泉好正

Day 17 今日嘅早餐



是日去coppet玩 如果日內瓦已經行到冇嘢好行嘅話，去coppet都係一個選擇，夠近，而且冇乜遊客 我哋都係搭火車去，首先去買幾隻麵包食





好快就到咗，我哋行咗去湖邊，呢度望出去都係日內瓦湖 咁啱見到有班人跳落湖玩，我哋晏啲嚟返呢度嗰陣，見到佢哋仲喺度玩緊，好chill



咁湖邊有間舖頭仔，天氣咁熱，梗係食返支雪糕先 有支haribo雪條入面附送gummy bear，好得意

然後就到食晏時間，我哋去超市買嘢之後去湖邊野餐



同喺日內瓦一樣，一路沿住湖邊都有好多位可以坐低，但呢度唔同嘅係附近都冇乜人，可以靜靜地食晏 一路望住個湖景食嘢好正 今日天氣仲要好好 去coop可以食吓佢隻燒雞，真係好抵食









附近真係好少人，就咁喺度散步都好正

之後就搭車返日內瓦



今晚又有片皮鴨食



仲有蛋糕




之後突發去咗玩摩天輪 CHF 6一個人，總共轉四圈，咁啱趁個天未黑晒上去玩，仲可以見到遠處座山，個景好正 不過比想像中快完，未欣賞完就要落返嚟




搭巴士返去之前又見到尋日嘅天鵝

Day 18 今日會搭巴士去annecy，出發前梗係食個早餐先 咁之後我哋就去巴士站，話說早幾日喺flixbus度買咗飛，但價錢可以好浮動，話有時會減到好平，隨時可以搶到平飛








大概一個鐘就到咗annecy，法國小鎮feel勁正







阿爾卑斯山下嘅呢個小鎮真係好靚

影咗陣相，再行咗入市集，之後就係食晏時間 今日食越南嘢



呢間餐廳位置應該唔喺市中心，我哋係行入啲小巷之後先搵到，啲嘢都幾好食 隻味好地道 之後見到隔籬有幾張Postcard，冇錯，我又去寄Postcard啦 我要詳細講吓呢度郵局嘅職員超好人 我本身都以為法國人態度會串啲/服務態度未必好好，咁我哋行到入郵局準備買郵票，之後個職員就行咗出嚟，開始同我哋介紹啲郵票，仲解釋埋郵票入面嗰啲人物來源，講嘢又幽默，服務態度超好



寄完Postacrd，咁因為晏晝天氣好熱，所以我哋喺湖邊行多陣，就去咗附近一間商場，都係行超市同埋睇吓啲衫 之後見到有間甜品店，諗起早幾日喺法國食嘅甜品好好食，所以今次都決定坐低試吓



結果真係超好食，呢個係我食過最好食嘅窩夫 上面嗰啲係Nutella，點完餐之後佢即場加熱，之後食落去係外脆內軟，唔係乾爭爭嗰隻

對唔住

之前太忙冇追post

有幾條問題問番樓主：

1） 點解坐車去到法國邊境唔食法國餐，而要食中東菜kebab?

2) haribo 個包裝有冇學佢開法後面條線開？

食唔晒後可卷翻埋

3） 嗰隻macarons好出名

買咁多食得哂嗎？

有冇試rose, orange 等味？

暫時問到呢度先

謝謝

多謝你入嚟睇就真我呢排都忙，遲咗update
1) 因為法國餐貴好多 同埋邊境啲亞洲菜真係幾吸引，而且選擇多，價錢抵，屋企人又啱食
2) 未試過，原來有啲咁嘅嘢
3) 食得曬 雖然真係有好多，不過我親戚餐廳啲侍應都有份一齊食 我冇試晒咁多隻味，呢兩隻應該冇食到，最印象深刻係朱古力味真係好正 真係同香港食嘅質感好唔同，抵佢賣得咁貴

1） 話哂去到法國食法國餐有comparative advantage 嘛

我會揀食西餐，如果有法國蝸牛，一鍋上嗰啲mussels, roasted chicken, roasted duck , 或者pasta 我都會揀

2） YouTube 有教關於haribo 開袋方法
唔睇真係唔知道原來咁㗎

3） 乜原來有其他親戚同餐廳侍應㗎

我以為得樓主同媽咪食哂添

呢隻牌子macarons 好出名㗎

繼續支持樓主

嗰個哈蜜瓜係咪意大利買㗎

佢嘅品種泊得住日本北海道夕張哈蜜瓜㗎喎

支持

樓主有中餐食好好

1) 係諗返喺法國正式食過嘅法國嘢食得crepes
2) 真係唔知 唯有而家喺香港買一包試吓
3) 我上面有講到親戚喺日內瓦開餐廳所以加埋餐廳啲侍應都幾多人
咁你有冇食過邊隻味最正？

between多謝支持

哈密瓜喺意大利同瑞士都有買到 都好甜

是，感激有廚藝一流嘅親戚喺瑞士接濟

飲埋杯嘢先走







之後又出返去行









佢呢度都有得搭船出去遊湖，不過我哋冇搭，淨係坐喺木橋上面睇湖已經好正，啲天鵝仲會游埋嚟



湖水好清




呢度仲有好多地方可以行，不過差唔多夠鐘要搭巴士走 走之前買多杯雪糕食先 都仲係未超越到bellagio杯椰子gelato



搭返一個鐘返日內瓦食晚餐

Day 19 今日本身冇咩行程，但餐廳其中一位侍應（以下用代表佢）放假，話會揸車帶我哋去玩 勁好人提到日內瓦交通好方便，基本上都唔使點自己揸車，但上年就去咗考車牌，話可以揸車帶屋企人去法國玩

我哋第一站就嚟咗摘士多啤梨 之前喺超市買嘅士多啤梨都好甜，而家就去睇吓自己摘嘅係咪都係一樣咁





好快就裝滿咗一盒



之後就去磅重俾錢

話說啲士多啤梨記住洗咗先食
係咁同我哋講啲士多啤梨好乾淨，摘完可以即刻食，之後佢仲即場食咗幾粒，隔咗一粒鐘之後佢就肚痛

摘完士多啤梨就去食晏 瑞士物價咁高，究竟平時晏晝當地人係食啲咩？ 話除咗自己煮之外，就會去食migros食自助餐，雖然話係自助餐，但佢唔係超貴嗰啲

入到去就有六個區域可以夾嘢食，有：前菜、亞洲菜、肉類（雞或者三文魚）、沙律、甜品、意粉

拎住隻碟就去夾想食嘅嘢，你可以裝到幾多得幾多 因為我比較想試小食，所以就冇要到肉類，咁就可以收平啲

首先試咗炸薯仔，極好食 之後洋蔥圈好有驚喜，之前喺香港食過好難食，今次呢個好高質 然後仲有啲飯，食落有啲似之前喺土耳其食過嘅質感 食完呢碟嘢之後好飽



有得食嘢之外，當然都有嘢飲嗌咗熱朱古力，之後佢就俾咗杯奶同埋一包朱古力粉我

之後話帶我哋去佢去開嘅超市買嘢，途中經過呢度，可以由高處望返落日內瓦湖



大超市我嚟啦



好似好正咁



之後行去睇麵包，有部機喺度整緊crepes，我老豆指住問呢啲係咪魷魚嚟



喺嗰間超市買完嘢之後，又去咗另一間行



今晚有湯飲，仲有新鮮摘嘅士多啤梨







之後呢啲就係今日喺超市買嘅甜品 價錢唔算貴，但睇落好精緻，而且食落好食又有層次喺超市見到有咁多隻款真係想帶晒返屋企

Day 20 今日朝早去睇教堂




之後話說日內瓦逢星期六都有市集，咁我哋今日就去睇吓 呢度都有好多攤檔，行到攰仲有小食買。而市集賣嘅嘢好多元化，有書、擺設、衫褲鞋襪，有啲睇落仲好有歷史 見到幾個賣古董嘅攤檔都人頭湧湧 唔啱睇呢啲嘅話亦都有幾個攤檔係賣特價嘢，好多日用品都有，隨時平過喺超市買 不過我哋最後都冇睇啱