[遊記] [有圖多廢話] 同屋企人嘅歐洲之旅

喺瑞士上巴士，一落車就已經係Vaduz，列支敦士登嘅首都 喺歐洲搭巴士同火車可以好神奇地穿梭唔同嘅國家





一場嚟到，梗係周圍行吓先
話說喺瑞士住咗咁多年，今次先係佢哋第一次嚟列支敦士登

列支敦斯登叫得做郵票小國，咁梗係要去佢嘅郵票博物館 喺入面顧住買嘢，所以冇影到啲郵票



想喺度寄Postcard就非常方便 可以直接喺度揀鍾意嘅郵票（款式超多，有排揀），之後喺度買埋Postcard，然後就可以順便寫埋，再放落佢個郵箱度



完全唔使經海關就入到呢個國家，所以另一樣嚟到列支敦士登要做嘅嘢就係吸返個印 但因為我哋太心急，求其入咗間舖頭見到佢有提供吸印服務，就即刻俾咗€3，但其實去佢嘅遊客中心係可以免費吸印

補返上面啲相，原來我媽有影到 呢度係唔同年份嘅郵票





喺度買嘢都係可以用返瑞士法郎，物價同瑞士差唔多，都係咁貴

大家都滿載而歸之後就去食晏 呢間餐廳接待好多遊客，最出名係食雞同薯條，隻雞同平時食開嘅好唔同，佢係皮同肉完全分開，但塊皮又唔係好脆，入面嗰層肉好薄，我媽話直頭食唔出係雞



食飽之後就行上山打算睇Vaduz Castle





望出去仲見到少少雪山

上到去發現城堡維修緊，所以冇得入去 咁唯有喺度影吓相，呢度望返落去個景都幾靚




仲見到好得意嘅狗仔





我哋再喺附近行到兩點幾，就準備搭火車返日內瓦 本身諗住去蘇黎世行陣，但因為今日大家都太早起身，所以已經眼瞓 咁就早啲返去唞吓

返日內瓦嘅火車



又食呢隻
回程嘅火車都幾多人，雖然冇得坐窗口位，但我都不時攞住部電話影出面個景，因為啲景真係好靚 之後過咗一陣，我隔籬嗰個人就話：不如俾你坐窗口位
但我就話唔使啦，然後佢又話：你坐入嚟啦，我每日都可以見到呢個景
超好人喺度同佢講聲多謝 同埋好羨慕佢每日都可以望住個咁靚嘅景 之後我就可以全程坐窗口位睇靚景



返去休息一陣之後就煮晚餐食



一如既往又準備咗好多生果俾我哋



臨瞓前梗係要飲返杯咖啡



好推介呢款瑞士薯餅
煮咗俾我哋試，超好食，同埋話屋企有好多包，叫我哋帶多啲返香港 返香港之後我有試過煮嚟食，隻味係好正，但幾次煎完出嚟都係好散，唔係一塊薯餅嘅樣 有冇ching 識點樣煎一塊完整嘅瑞士薯餅出嚟？

Day 8 朝早食返碗腸仔蛋米粉



好好飲嘅蘋果汁




之後今日去咗日內瓦湖睇天鵝




日內瓦噴泉 同埋喺度搭船兜咗去對面





呢度啲湖水好清

繼續跟住 參觀日內瓦其他景點 帶咗我哋去一個有好多動物同植物睇嘅地方，不過因為我對植物冇乜興趣，所以冇影到相，淨係影咗啲動物




斷椅、聯合國日內瓦辦事處，戰爭與和平

跟住晏晝就去咗市中心食晏，有麵包食



早幾日食咗瑞士其中一樣傳統嘢食，而今餐係食魚，聽話呢款魚係來面瑞士嘅湖，雖然我唔鍾意食海鮮，但都試食咗，我覺得最好食係用嚟點魚嗰隻醬 酸酸甜甜咁，有少少似沙律醬隻味，喺超市都有得買返呢隻醬 不過我覺得最正嘅都係可以坐喺室外食嘢，條馬路唔會好嘈，天氣又唔會好熱，仲不時有涼風吹過，所以其實基本上所有客人都係坐喺室外食，餐廳入面係冇人坐

食完嘢梗係去散吓步 因為日內瓦好近法國邊境，所以我哋決定搭巴士去法國行吓 順便講吓喺度搭巴士嘅嘢，呢度上車係唔使拍卡嘅，上車只係要撳個開門掣，就可以直接上去搵位坐，落車同樣都係撳鐘就落得車，所以其實全程都唔使拎張卡出嚟，只不過有時會遇到有人上嚟check飛，但我哋冇遇過(當然我哋係有買飛嘅) 但話就算你冇買都唔使驚，扮唔知咩事就得 不過呢招喺火車就用唔著，火車check飛好嚴，話見過有人冇買飛上火車，趁check飛嗰陣匿入廁所，點知最後一打開門嗰時，查票員就企咗喺佢面前






搭咗一陣巴士就已經到咗法國 呢種感覺好正
一落車就指住間屋話：呢度地段即刻平咗三分一





睇埋日落就差唔多返去

今晚整芝士火鍋 首先幫手切麵包




之後切哈密瓜



個鍋勁靚

我哋搬埋啲嘢去室外食




將啲薯仔同麵包浸落芝士度 食到尾會有淡淡地嘅酒味
但之後我哋食食吓有啲突發嘢發生
話說突然間馬路有架車快速駛過，之後架車上面有幾個神秘人落咗嚟，就叫我哋快啲入返去先，咁我就問：你哋呢？
之後將嚿麵包浸落啲芝士度，話：我要食埋呢啖先走
咁之後我哋所有人都入返室內，仲熄晒啲燈，望住出面咩情況，講咗句：嘩，佢哋會唔會坐低食咗我哋啲嘢？好彩最後嚿包俾我食咗
過咗差唔多15分鐘，出面啲人都仲未走，仲開始有啲噪音，但我哋出面啲碗碟冇收走，然後又話：出面啲家具百幾蚊㗎
不過好彩最後冇事發生，我哋都唔知嗰啲係咩人嚟，但出面個鍋係冇俾人偷到嘅

好多麵包食

個瑞士芝士火鍋好有特色好好食

睇到都肚餓

係 之後會繼續詳細介紹麵包
芝士火鍋真係嚟瑞士嘅bucket list 雖然冇我想像中咁好食

Day 9 因為等緊我老豆兩日後嚟瑞士，所以今日都冇咩特別行程，淨係喺日內瓦行吓









啲人話日內瓦其實淨係一兩日已經可以玩晒，其實係啱嘅 所以諗諗吓我哋決定晏啲去法國邊境行吓，朝早就去咗Bois de la Bâtie，呢度係俾細路玩嘅地方，都有啲動物睇吓

之後到食晏時間，我哋就搭巴士去法國，其中一個原因係由於瑞士啲嘢食太貴，食唔起 印象中，日內瓦最少有兩架巴士係可以搭到去法國邊境，咁我哋今日就搭咗其中一架去到Gaillard，距離日內瓦市中心只係五公里，所以其實好快就到

一踏入法國物價，即刻平咗好多 雖然呢度冇咩出名景點，不過餐廳就有好多，我哋到埗就好肚餓，所以睇完Menu之後就即刻入咗去呢間食kebab



睇圖都應該感受到呢件kebab塊皮有幾厚 同食過嘅kebab好唔同，啲餡雖然都係蕃茄、雞肉呢啲，不過食落個質感真係好唔同

食完嘢梗係要去行超市帶大家睇吓呢度嘅超市有咩賣呢個邊境地方有唔少超市，都幾大間，同埋重點係平過瑞士 首先好推介呢兩包嘢，有好多隻味，又勁得意



啲甜品整得好靚 有時仲會做特價，我本身想買隻蛋糕返去食，但佢又太大隻



最後就買咗éclair返去食

之後返翻日內瓦 呢度有座摩天輪，我哋過幾日先去搭



喺摩天輪隔籬就係日內瓦花鐘，都係景點之一，勁多人喺度影相






喺附近再影吓相

今晚晚餐 勁好餸
between 呢幾日嘅行程都冇玩到好多嘢，真正嘅瑞士之旅幾日後先正式開始

Day 10 今朝食完個早餐就搭三個鐘火車去Basel



Basel係喺瑞士嘅，不過好近法國同德國邊境，我哋到咗之後喺火車站入面都行咗好耐，因為有好多嘢食，同埋好多衫做緊特價



終於行咗出嚟，去買巴士飛搭去邊境 呢度有齊三支國旗



之後行咗上嚟Three Countries Bridge，就可以由瑞士行去法國



嗰邊係咁的亦都有好多餐廳，所以係時候搵嘢食

呢度啲建築物好靚 嚟到法國，我哋決定去Cafe食甜品



見到有間賣crepes，價錢都幾合理，所以我哋就去咗試 雖然就咁睇佢好似俾朱古力醬淹沒咗咁 但其實冇我想像中咁甜，而且配埋入面啲餡好好食



食完嘢就係shopping時間 我哋睇Google Maps發現德國嗰邊有間叫rhein center嘅商場，好似有好多嘢行，所以我哋就行上橋兜去德國

果然冇去錯地方，間商場真係有超多嘢行 一行入去地下嗰層已經見到好多舖頭做特價



當然唔少得行超市 間超市超大，有兩層，可以慢慢行 啲士多啤梨好靚



點解佢哋啲零食包裝咁得意？



去2樓繼續行



嚟德國梗係要買haribo



因為晏晝淨係食咗甜品，所以而家又肚餓 我喺之前嘅遊記有講過，去其他地方旅行，我會試佢哋嘅M記 所以咁啱見到超市對出有food court，仲有間M記，就買咗盒麥樂雞食

買完嘢之後就搭火車返去其實Basel呢度仲有好多嘢行，我哋搭巴士返火車站嘅途中見到有市集，仲有一堆好靚嘅建築物，不過唔夠時間行



途經Bern返日內瓦 個天開始黑，準備落大雨



食住車厘子，欣賞出面風景



啱啱落咗場雨，係大雨到睇唔清出面啲景，之後我哋架車又delay，去到又轉咗platform，不過好彩最後有驚無險上到車



終於返到日內瓦，呢個係喺德國超市買嘅奶



晚餐時間

Day 11 今朝去超市買咗好多麵包俾我哋做早餐 推介吓migros有咩正麵包 首先我覺得最好食係牛角包，尤其是朝早新鮮出爐嗰陣，離遠已經聞到浸香味，塊皮勁脆，入面又好鬆軟，牛油香超正 之後係菠菜酥，本身諗住菠菜配麵包應該嘛嘛，點知原來超好食，佢係脆皮配大量菠菜餡（真係多到滿瀉）喺入面



話說今日我老豆終於到瑞士但佢搭咗咁耐長途機有啲攰，所以佢會返去休息吓先，聽日先正式一齊出去玩 今日我哋就繼續周圍行，俾大家睇吓超市麵包嘅價錢



食麵包再飲返包蘋果汁就啱晒



勁得意

見咁好天，又去日內瓦湖影吓相




日內瓦市中心啲建築物都好靚



行到差唔多食飯時間，就搭巴士返去食嘢喺巴士見到呢隻狗仔