其實點解香港人嘅音樂細胞咁差

咁我道歉翻老屈你先 我亦都冇對香港音樂評頭品足 你你拋出嚟嗰啲嘅書包嘅歌我全部都有聽 我話口水歌唔代表我覺得口水歌差 對我嚟講冇分好或者唔好只係啱唔啱聽

咁其實你着眼點係邊先 係覺得香港大部人唔識欣賞定係覺得indie玩音樂嘅人懷才不遇

我覺得市場反映現實 香港得800萬人嘅城市 仲要叫話係一個咁繁忙城市 大家返工返學平均8個鍾以上 有幾多人會得閒去學去欣賞到你所講嘅野 係人口基數要同成個國家比根本冇可能 全世界任何地方都一樣 人地人口多 自然識欣賞嘅人就多 收入來源亦都相對多 可以support 到佢地玩自己嘅野 有邊個玩音樂嘅唔想玩自己野 beyond 都講過自己想彈嘅野唔係大家想聽嘅野 dear Jean出過佢地自己想玩嘅歌但反而紅唔起

佢冇出新歌好多年啦喎

如果我話廣東話限制咗香港人作曲嘅思維會唔會畀人屌？？

你意思係因為填詞要啱音
所以啲旋律唔可以作得太特別？

係

基本上限制咗好多配搭思路

坦白講廣東歌係有先天限制 填詞要啱音 所以某程度上局限左旋律嘅變化 同埋廣東話講出嚟要啱音依樣野影響埋個唱法 無其他語言咁連貫 好似一個個音噴出嚟咁

真
就算啲旋律咁單調都已經好難填
為咗要啱音搞到句子同句子之間好唔連貫
啲畫面同意境成日跳嚟跳去
聽嘅人根本就代入唔到
又好難做到用重複嘅字眼/句式去emphasize一樣嘢
成日要用啲on9比喻/暗示/含蓄句式
先至砌到一句啱音嘅嘢出嚟
冇咗嗰種詞人/歌手由心而發同你講嘢嘅感覺
跟住仲好意思吹奏話咩好有深度
如果旋律仲要複雜啲嘅話真係唔知點填

雖然成日話廣東歌詞大於曲
但其實廣東歌嘅詞都唔係好得去邊
只能夠話係特別文雅同優美
不過就犧牲咗大量嘅連貫性
又唔夠自然又成日錯grammar

我覺得唱歌唔連貫因為廣東歌大部份都係「書面語」
正式學名叫「官話/北方漢語白話文」
香港人除咗聽歌之外最常接觸書面語嘅地方就係讀文章
自不然就將讀文章嘅感覺帶咗入去唱歌度
而讀文章就係一個一個字咁讀又唔連貫
結果搞到廣東歌唱腔勁悶冇變化又冇活力
仲有香港人咁追求咬字同埋成日dse上身咁解讀歌詞
應該都係呢個原因
相反少數用口語填詞嘅歌
嗰種「一個個字噴出嚟」嘅感覺好似冇咁強

廣東話要啱音點樣限制melody?
嗰堆翻填ado, yoasobi 廣東詞嗰班咪又係咁填，重好多人讚添

以前大把日文改編廣東歌都填得好好聽
根本係填詞人功力問題大

https://www.youtube.com/watch?v=96QimzUmJB4

如果呢首係廣東版出先, 可能就會有班人衝出黎話d歌詞無深度, 無養份既歌, 又唔呷韻,一定紅唔起

我自己咁睇
廣東話填得好 可能淨係得詩意美果種意境
但好難填得有普通話果種頹廢、憤世嫉俗咁有力

啲古詩詞本身都有韻律方面嘅要求
同廣東歌要啱音好相似
兩者都一樣會犧牲咗連貫性同grammar之類嘅嘢
變相令到廣東歌詞天然地有種詩意feel
但係一脫離咗啲有詩意嘅genre
就即刻變到lak lak kak kak
尤其是你講憤世疾俗呢類情感特別強烈特別唔會修飾嘅風格就更加明顯
香港啲失戀情歌咁泛濫而勵志活力之類嘅題材咁少
可能都係為咗遷就填詞

中學嗰陣時係文化中心常客💆🏻 慶幸當時已經識欣賞🙏🏻 宜家轉行去jazz

咩叫聽開日韓, 講多少少?

我改詞你睇唔到啫

又真係睇唔到
你可能有文學細胞
但唔係音樂細胞

其實都係睇個個聽眾本身音樂鑑賞能力

舊年代聽日本歌既聽眾，鑑賞能力絕對強過聽韓國個堆

起碼玩樂器個堆都知道，你練歌肯定有一部份係日本歌，彈琴實有久石讓系列，彈結他肯定有X japan 咁

忽略偶像既影響，純講音樂性質既話，你要練技術，邊有人揀韓國歌練？

湯同林只有一個要求唔該好似mc jin咁返去做幕後

一個周姐倫用左台灣八斗

夾首demo畀林夕，一路打牌一路寫（唔係diss 林夕不過生態真係咁

仲要去整套填詞撚抗議「曲大於詞先啱」我地詞撚好被動

我都想知香港幾多歌手唱到classical咁

其實佢alternative少少嘅歌都已經好似唔係好hit
所以佢係好識玩
整幾首好傳統嘅Canton pop
再夾幾首alternative啲嘅歌
例如下一位前度,一人之境 vs 特倫斯, 夏之風物語
唔咁玩係香港生存唔到