其實點解香港人嘅音樂細胞咁差

近廿年就話樣樣都收晒皮
但係上世紀香港嘅流行文化係可以影響成個華人世界
偏偏音樂就好倚賴日本嘅曲
又形成唔到自己嘅風格
到後來終於形成到港式K歌風
夠晒獨特但係唔好聽

你話香港係商業城市唔重視創作
咁但係電影同劇集都係創作嚟
點解港產片可以有咁大影響力同時本地風格又咁強
反而製作成本更低嘅音樂
就培養唔到幾多個人才出嚟

你音樂細胞好好？

仲有唱作歌手Richard Billyham頂住香港樂壇喎，冇問題

因為樂壇養到香港人只係識睇歌詞


廣東歌冇歌詞只聽旋律根本9成都係垃圾，就同潮退就知邊個冇著褲一樣道理。

應該好過嗰班死jer住啲歌詞嘅林夕粉少少

真
將啲廣東歌變純音樂
或者唔好將注意力擺喺歌詞度
即刻變到勁悶

得罪d 講句， 香港d composer 同日本比真係差9條街， 旋律乏味，和音又乏味

直頭完全唔同level 比都冇得比
就連唔多出色嘅台灣都好過香港好多

好彩 , 仲有王菀之

但係2000年之前有好多都係日本曲
香港嘅作曲人一路都好唔掂
奇怪嘅係嗰時香港流行文化咁強勢
但偏偏就得音樂呢範係極度唔掂又冇自己風格

從來Cantopop都係好有character 亦有獨特嘅mix and match音樂特色 本來有一班好努力希望做好本地原創音樂嘅前人打咗個好強大嘅底子（許冠傑、顧嘉煇、奧金寶、鮑比達、鍾肇峰、馮添枝、
羅迪、Joey Villanueva、黎小田、林子祥、盧冠廷、 陳永良、
周啟生、徐日勤、杜自持、林慕德、倫永亮、林敏怡 etc.）大約83-84年左右成個樂壇嘅商業模式愈嚟愈"成熟" 啲公司開始貪快手貪好用 成個市場依賴晒改編歌 至90年代初俞琤行出嚟做醜人推動原創歌運動都要俾人屌 講住咁多先 另外有一樣嘢你要知道嘅係 你覺得好特別好好聽嘅所謂非k歌 係人地嗰度都只係k歌嚟 仲有就係 Cantopop人才輩出嘅時候日本都只係後演歌時代 台灣先岩岩開始唱緊校園民歌 係香港人不思進取 行咗條對音樂藝術唔太理想嘅路

你邊忽個呀契弟

普通人
不過生喺一個音樂水平特別低嘅地方

人地韓國由細聽李善姬，李文世，任宰範，野菊花，Naul，朴孝信呢啲神級歌手。仲有無數鬼才好似申海澈，山雨林，徐太志。
你香港就聽埋啲垃圾，咩梅豔芳，許冠傑，陳奕迅。由細到大培養嘅品味根本冇得同人比。
香港電影成功係因為負碌，唔係因為你有幾巴閉。嗰個年代亞州其他國家都未發達，韓國仲鎖緊國。人地娛樂事業無辦法宣傳到其他地區。但人地作品級數一直高過你香港幾班，而家資訊流通咪即刻超越你香港。

大把人8級琴

全世界都係咁

個個都10級鋼琴喎

香港電影成功係因為負碌？
而家睇返仲係好高質喎
咁點解音樂又冇辦法負碌咁成功

你話其他地方嘅作品一早高香港幾班
但係早十年韓劇仲係俾人鬧話得啲喊苦喊忽偶像劇架
有冇啲遺珠係而家俾人發掘返出嚟先

不過我都覺得台灣同韓國嘅音樂好可能一直都高質過香港
嗰時嘅香港樂壇似係靠影視帶挈多過自己有料

咪笑撚死人啦高質。亞洲日本一班大師唔講，韓國林權澤、李滄東、朴贊郁都成堆夠晒班攞三大影展。香港最多得個王家衛掹到吓車邊。香港電影有乜咁巴閉呀，唔係真係以為英雄本色係咩高質戲吓話，稍為對世界電影了解吓，都講唔出香港電影同高質扯上任何關係。
呢個咪就係點解細胞咁差，視野窄到死，因為以前大環境認知局限地區嘢。

一個包以正都已經推翻晒你個post講嘅野

香港樂壇依家成日靠外國人喂曲，尤其係班跳唱偶像
近十年八年填詞人水準明顯下降，將本身作曲編曲能力不足既缺點放大埋
同樣地，冇一班熟悉廣東話特色既作曲家寫歌，填詞水平差既缺點同樣放大埋

以前既填詞人好高水準，所以依靠外語歌既曲都整到一首好歌
依家果啲廣東歌一聽已經一言難盡
搵班K-pop人寫歌，歌詞填到九唔搭八
唱果班閪聲得黎咬字又差，唔知唱乜春
搞到廣東歌正式踏入收皮狀態，因為班跳唱偶像都趕緊客

有年juno同淫k首歌吹到上天
但完全唔好聽

你之前話係因為其他地方未發達
先至令人以為香港嘢高質
但嗰時嘅日本都叫未發達？
就算泡沫經濟但係瘦死嘅駱駝都比馬大

仲有就係點解同期嘅香港樂壇又冇因為視野窄而俾人誤以為高質
除咗2021年嗰排無啦啦有班人講到以前香港樂壇好勁之外
同埋韓劇早期好似都係偶像劇比較多
到近年啲題材先闊咗上晒神枱

戇撚鳩
有咩歌手出到只係結果
香港一直為人詬病嘅係無build up行業環境
相反你亦無視左韓國用左幾多effort係音樂電影投放嘅資源工夫
而且可能你唔知八九十年代香港對韓國影響有幾大
絕對唔關咩資訊流通鎖國事
勁就係人哋一直勁
渣就係因為我地一直渣？
咪撚戇鳩啦