無職第21集補充,建議動畫黨對樓主用追故mode
劇透死全家
首先想講下番外篇
救出洛琪希之後,保羅同盧迪去行街,一路傾下閒計,傾下女人咁。
突然間!盧迪聞到一陣香味。同老豆講:等陣!聞唔聞到好香?
保羅:???同你講,女人嘅香味大多數都係靠化妝⋯⋯
盧迪:唔係呢啲,真係有陣食物香味
保羅:???(開始一齊聞),真係有陣香味喎⋯⋯
就係咁兩父子揾到一檔好似好好食嘅燒餅
,睇住呢種充滿異國風情嘅食物
保羅率先提議:盧迪,不如我哋一人一半?
盧迪:莉莉雅會煮飯喎⋯⋯不了
保羅:男人老狗,唔係食多餐都做唔到下話?
盧迪:Challenge accepted
如是者,兩人就食咗一份燒餅,個餅比想像中大份,就算一半都好飽。然後兩個人翻到陣地,面對莉莉雅嘅豐富晚餐,二人見識到咩叫地獄⋯⋯
1. 建議大家可以睇埋
廣播劇part 1,主要講迷宮探索同營救洛琪希
2. 小說同動畫都係盧迪突然:我感覺到神!!!然後打爆牆直衝洛琪希。
廣播劇有特登補充:盧迪全隊一齊行晒成個三層都冇發現,盧迪突然醒起「瘋狂骷髏」識用土魔術架喎,會唔會係佢整咗土牆出來混淆視聽?就係咁盧迪開始揾唔合理嘅地形,然後「感覺到神」,再打爆牆去救人
3. 救出神之後,神帶住憧憬嘅眼神問盧迪:「呢,你啱啱救我果個魔術莫非就係水帝級魔術『絕對零度』?」
然後塔爾韓德就話:「冇,只係你都識用嘅『冰霜新星』,不過威力大啲姐。」
洛琪希:「
???」
4. 盧迪救洛琪希果時唔小心將基斯都冰凍埋
5. 塔爾韓德都喺心裡面讚嘆盧迪,原來個𡃁仔為咗顧及隊友一直都冇全力施法,儘管係咁,每次開技嘅精度同威力都超級好,絕對唔會誤傷隊友,不愧係洛琪希嘅弟子嗎。
6. 呢個迷宮有2部份,前3層係方陣蟻嘅巢穴,後3層係轉移魔法陣遺跡。會有咁嘅構造係有歷史原因的。
7. 承上,首先要講迷宮都巿「拉龐」嘅由來:北神二世好耐之前斬殺咗一隻「貝爾摩斯」,而且唔係普通貝爾摩斯,更加係「
貝爾摩斯王」,總之就特別大隻,留低嘅屍體吸引咗大量方陣蟻來啃食,同時喺附近築巢,啲蟻挖下挖下,咁啱挖開咗轉移魔法陣嘅遺跡,喺濃厚嘅魔力影響下,成個巢穴連遺跡都被轉化為「迷宮」;
因為啲蟻周圍亂挖,所以除咗「轉移迷宮」,仲有好多大大小小嘅迷宮喺附近,於是就有越來越多冒險者聚集喺「貝爾摩斯王」嘅屍體附近建立據點去打迷宮,經過咁長時間,屍體腐爛風化到得翻棚骨,只留低都巿「拉龐」。
8. 動畫組將全組出去買裝備嘅劇情改咗做盧迪同洛琪希拍拖(成個製作組都係洛神教
)
9. 麗潔用2粒魔力結晶買到放衝擊波嘅劍
10. 盧迪一直唔明麗潔邊度來咁多魔力結晶⋯⋯
11. 保羅2把劍,1把係由細用到大嘅長劍;另一把係早排喺拉龐買的,特點係切硬怪就好勁,切軟怪好廢。
攤檔小販見把刀連肉乾都切唔開就當爛鐵咁平賣。路過嘅保羅咁啱諗起以前睇過本小說就係描述呢把劍,於是即刻買落來。
呢個就係保羅可以一刀劈開鎧甲型魔物嘅關鍵裝備。
12. 保羅有個設定:佢好鍾意睇書。記唔記得以前屋企有5本書,全部都係保羅收藏品來。所以讀多啲書係真係有用
13. 講2把劍個位原本保羅係同盧迪一齊痾尿,順便men’s talk 。