https://www.facebook.com/story.php?story_fbid=767500292201774&id=100068254312504
港鐵筲箕灣站A3出口(即通往巴士總站)地底部份嘅圍板終於拆除,據現場觀察所見原有一半嘅樓梯已被改為設置扶手電梯,相信歷時近兩年嘅重建工程幾近完工。惟地面全新嘅入口上蓋仍被水馬圍封,估計尚有少量裝修工程未完工,需要多啲時間先可以完成重新開放A3出口。
呢項工程屬於港鐵「鐵路網絡改善工程」嘅其中一部分,主要係為筲箕灣站A3出口加裝扶手電梯,方便乘客進出車站。但由於原有出口設計未能配合,所以需要將整個出口拆卸重建,並且由2022年中開始封閉至今。據港鐵網站顯示,整項工程預計喺2024年上半年完成,屆時街坊們就唔需要再依賴狹窄嘅A2出口進出車站,同時巴士總站附近嘅行人路空間同過路處亦會回復原狀。
有條友喺度追住佢哋講班次