［長文］朋友失蹤左成年，最近先知道佢跳樓走左

成年唔理人，呢家嚟消費死人

有個fd 早婚又離左
仲差人錢，依家約極都唔出黎聚下
遲下唔知會唔會跳

有時可能真係個腦啲chemicals搞唔撚掂最後要跳，當事人都冇計，身邊嘅人又冇計，你已經好有心喇，活在當下，珍惜眼前人

抑鬱過來人

抑鬱嗰吓真係控制唔到

樓主保重

其實情緒低落嘅時候，只係會想收埋自己
搵人幫手都係好大嘅壓力
聽完人哋嘅安慰，又要扮開心咗等人哋好啲，覺得佢做到嘢幫咗自己，其實好攰⋯

我都有個朋友
消失咗好耐
但個電話都係永遠通嘅
所以應該冇事？

>後來佢都漸漸遠離我地

應該一早就決心自殺
遠離你地係為咗唔想你地將來更傷心

羨慕有個咁重視自己既朋友

夜晚明明冇乜野正正常常仲可以安慰自己plan定聽日要做乜，但每朝睏醒都歸零reset返去抑鬱mode。
就好似整定左每朝醒個一刻都會見到一隻大曱甴係自己眼前咁，然後每朝我都要處理隻曱甴，搞得黎又冇左一日，仲要無論我當晚做乜，打掃又好噴殺蟲水又好乜都好，第二朝隻曱甴都一定會出現，抑鬱對我黎講係呢種感覺

柒到

人地就係過得唔好先想早啲走
唔想對住社會上啲西人
好心放過人
唔係個個生出黎就咁幸福
何不食肉糜

睇你開D POST都估到係弱智廢老
字都唔識睇

我都好認同，有時要處理別人嘅安慰同陪伴都好攰
因為其實我知你係到都幫唔到我d咩
但我仍然要比下反應你，話你知同你傾完之後好左

佢以前一直都係on9嘅角色
係大家無話題個陣會無啦啦拎樣奇怪野出黎講
成日都會傻笑

同時佢係一個好有義氣
好重視情感嘅人，會幫朋友出氣
幾年前我同前女朋友分手，我同佢一齊飲酒
佢知我好想向前女朋友訴苦但唔急
佢幫我打電話去對方
問佢點解作為女朋友咁唔關心另一半
事後佢條死仔驚咁做會搞到我同前女朋友冇得復合
但我話，唔緊要你幫我做左我做唔到嘅事
有班兄弟撐住仲好

中一讀書個陣課室要關手機
有個兄弟唔小心響左鈴聲
我地成班一齊吹口哨令個老師捉唔到人
仲有好多on9回憶...


你問我接唔接受到佢抑鬱嘅樣
屌，小事啦我以前咪一樣，上次係我今次到你啫
佢問我：係咪因為知道我出左事先搵我食飯
佢話：好驚係因為出於「朋友」呢個身份而關心
佢話：唔洗下下都聽我講法然後用我角度諗架喎，我知我on9

但我知道，就算我俾咩答案佢
就係我好堅持好接受佢抑鬱嘅樣
佢都接受唔到自己係朋友面前咁嘅樣

我曾經同佢講：
下你估我當時抑鬱都好想被朋友見到咁嘅樣架
我對住大家，對住你都覺得好攰，因為唔想扮一副我很好嘅樣
但當時你勁唔要面走過黎搵我
今晚咪到我尷尷尬尬搵你囉
我知我講咩都好，呢一刻你內心都會諗好多
就算我話唔係刻意關心你
你都會控制唔到自己，然後覺得有壓力
因為我曾經都係咁
拿我唔會講咩「我都理解你，我都聽得出你...」
因為我見社工個陣都好憎佢地咁講，覺得好假
今晚冇話邊個安慰邊個啦
只係兩個抑鬱JJ圍爐取暖

...

我有時都會諗，我會唔會都俾左佢壓力呢
臨失蹤前兩三個月
佢都會定期搵我食飯然後大家emo
最後同佢睇一場show之後就失蹤了


我應該唔只諗起佢抑鬱前個面
我都會記得佢抑鬱嘅個一面
因為呢個就係佢，佢就係我朋友
所謂嘅兄弟唔係酒肉朋友一齊開心
而係傷心嘅時候都可以分擔

大概佢都覺得攰了
所以就走了

rip

雖然我唔會話「喂，唔好死啊，撐着啊」
因為人終有一死，都係早同遲啫
只係，既然大家最後都係死，既然世界都係痛苦
不如係走之前，餘下嘅日子都仲等我地圍爐取暖，一齊去行埋最後條路啦

ching，如果唔介意嘅都分享下你嘅事
我都有另一個post講「攰」嘅經歷
一齊放低一下攰嘅事，好似大家都講下少少嘅時候
都覺得總有人係唔同嘅平行時空一齊行

我好中意用同路人呢個說話
不過我中意用「同行」呢個字多d

因為冇話邊個可以幫到邊個
只有自己可以幫到自己
而身邊人，只係能係同一路線陪你行

（因為幫，就好似暗示緊我有能力，你冇能力，然後我幫你，你就要接受俾我幫）

我對呢個世界嘅理解，係就呢個世界好撚痛苦
但慶幸嘅係，死前總搵到人圍爐取暖
呢堆人唔一定陪你行足咁耐
中途會有人走，亦有人加入
因為所有野唔係永恆嘅
但有緣嘅，留多一陣又有咩所謂

既然你最後一站都係死
咁岩我都係要死
順路嘅，不如大家一齊行
再行多一陣...再行多一陣...

我都有朋友自殺走咗
同你一樣搵佢唔到
隔咗差唔多一年先知道
每個人都有佢嘅經歷
其實幫唔到幾多
最終都要佢自己諗通
你曾經幫過佢陪過佢已經好足夠
佢走咗可能都係一個解脫
你就當幫佢體驗埋餘下嘅人生
好好活在當下
已經係對佢最好嘅禮物

由佢啦，每個行為背後都有一定嘅原因
話唔定佢都好有需要同人傾下先上黎連登發洩

樓主本人無咩事，只係好想紀錄一下朋友嘅事
暫時先等我係呢邊世界好好咁思念一下佢

話曬當初佢係邊緣都拉返我返黎
如果咁快去搵佢，大概會被佢鬧吧

佢都接受唔到自己係朋友面前咁嘅樣<你已經好了解你朋友

信埋佢最後一次啦
佢失蹤唔俾你搵到可能都係一種自我保護
想留個好形象俾你
亦想留個好回憶比自己
將你地既回憶停留係開開心心睇show度
如果佢當初冇失蹤冇呢種自我保護可能都挨唔到一年

信埋佢呢鑊啦

其實係唔想講咁清楚日子，因為費事大家去搵新聞
我想表達係佢失蹤左一年，最近跳樓走左
後來警察聯絡我先知，佢呢一年一直都係香港

我女朋友以前有抑鬱症,所以好耐之前係網上睇過一篇野係講自己同抑鬱症既女仔拍拖係咩感受,唔記得成篇野講咩但我對呢兩句印象好深
“千祈唔好同抑鬱症病人拍拖,無論你有幾大既決心”
同埋佢對抑鬱症既心境言簡意賅既解釋
“普通人既情緒就好似係條平坦既路上面行,就算間唔中會仆親(我估指唔開心)但好快又會企返起身再行過。
抑鬱症患者既情緒就好似係個泥沼入面行咁,行每一步都要用盡全身氣力,就算搏命掙扎,越用力只會陷得越快”
睇完成個人有好深體會,冇再講咩加油努力唔好放棄之類既說話,因為我已經明白佢到呢一刻都未尋死已經盡咗自己最大努力

所謂長貧難顧, 其實長鬱都難顧
一晚可以傾, 咁一個月, 兩年, 一年, 兩年, 十年呢?
其實大家最終都係要面對自己果關, 其他人可以盡力拉一把, 甚至係幾把, 幾十把, 但無辦法拖住佢行一世
樓主唔需要自責, 無分對與錯, 佢只係選擇左佢的道路