https://www.instagram.com/p/C7O_rpOyfuf/
《九龍城寨》監製 #莊澄 早前接受《娛壹》電話訪問,亦提到放置城寨場景的困難,「好可惜而家香港嘅租金,你留低佢,仲貴過你做多次。留低呢個景,你要搵幾千呎,同樣要有咁大咁高嘅地方一直放置。好似之前其中一個場景係喺元朗一間荒廢學校,嗰度主力搭廟宇景,拍完間學校都拆埋,冇咗。」
「所以當日拍完想保留的話,你又要搵一個咁大咁高嘅地方,要租咁樣嘅地方,可以嘅…如果政府撥一個地方畀電影界做就可以。不過呢樣嘢都講咗成幾十年,希望政府整個片場畀大家去拍戲,但種種原因未實現。」
#古天樂 曾提到,希望《九龍城寨》開續集時能向政府爭取盡量保留搭景,供市民參觀,或作旅遊景點。莊澄就謂:「古仔意見係唔錯,但執行上就確實比較困難。出品人陳羅超(香港電影發展局成員之一)當時有講過,想搵個倉保留,試過問,但真係好貴。唔係全個景保留,而係將一啲當中稀有舊物品保留,例如舊鐵閘,所以當時希望儲存起,但最後計過啲租,實在太貴。」