買起謝隊…..幅壁畫🏡
之前都有提過小弟嘅正職唔係睇波,事實上我其實係要返工嘅,我嘅正職係從事地產工作🏡
成日都會有local行家send啲盤俾我參考,今日一打開個email即刻嚇左我一跳😱 竟然見到Stevie G個mural間屋而家放緊盤😱 作為一個利迷我真係FF過喺自己間屋整幅利記壁畫,今次就有間現成有壁畫嘅屋賣啦!仲要係超級偶像謝隊嗰間,咁緊係無錢買都睇多兩眼啦!
原來呢間係一間4房係尾排屋,三層加埋成1400尺,而家以拍價形式出售,參考價£160,000,喺香港買個車位都買唔到啦!😍 但呢間屋室內嘅狀態就舊啲,我估都要扔£20,000落去裝修架啦,職業病發作嘅我即刻睇吓間屋可以租到幾錢,原來大概可以租到£1,000一個月咁上下,咁計落個回報都算唔錯!💰
不過我呢啲窮撚自認就無錢買啦!如果有利撚手足們係有啲實力嘅,就一於買左佢啦!我可以幫到手呀!😂 買完記得借張parking permit俾小弟泊車呀!🚙😂