白比利(Wazza)
2024-04-25 05:09:36
似啦似啦🎯
睇利物浦請人、買人總係充滿娛樂性,今日嘅風向話咁快已經吹到Arne Slot已經埋身同我哋傾緊合約,飛燕諾嗰邊已經開晒綠燈,講到隨時官宣咁滯。
上次吹奏Amorim嘅時候,我用咗人生不少寶貴嘅時間去睇佢嘅分析,用咗唔少腦汁去諗緊現有人腳點樣去配合佢嘅戰術;今次我終於學精了,我淨係喺大家啲吹水谷入面接收下資訊就算,知佢踢4231,踢法都係Big腸,睇返highlight佢哋組織都幾悅目,聽落好似幾好J,幾啱我地球隊。不過經過上次嘅教訓,佢一日未宣佈簽約,我都唔會俾心機去鑽研佢嘅Details,因為其實我真係好忙,冇咁多時間嘥,我又未勁到可以做FSG喉舌幫佢帶風向,所以都係求其睇完就算。
不過我由細到大支持利物浦都係因為以貌取人😂 細細個因為spice boys太有型所以鍾意利記,之後就覺得謝隊勁有男人味,而家最鍾意嘅球員係Darwin同Szobo,而家要我地嘅領隊由咁高大有型嘅爸爸變成呢位外形咁可愛嘅光頭先生,我諗我應該要小小時間消化😂
Btw,與其喺度睇吹水新聞,不如將焦點放返喺今晚嘅MerseysideDerby大戰,尋晚阿記大炒車仔5粒,副engine拍到着晒去沖最後直路,而我哋無啦啦又傷咗Diogo,喺此消彼長嘅情況下,我諗大家都唔好對衝冠有太大嘅期望,本來今晚都考慮過買張牛牛入場坐下作客區,不過諗諗下都係慳返喺屋企睇算,話到尾張飛都夠我買三件下季落場版新波衫。
Anyway,就算今晚坐喺電視機側邊睇波,都會繼續用盡力唱歌幫球隊打氣!
Blue and white shite, 🔵⚪️
Blue and white shite, 🔵⚪️
Hello, Hello
#LFC #利撚英移 #YNWA #ArneSlot #MerseysideDerby #BlueAndWhiteShite