有好多複雜嘅情緒,有時會覺得起碼呢啲人都叫曾經擁有過,係咪應該留返俾未曾經歷嘅人機會?唔係離婚唔值得愛,而係你曾經有人愛過,愛到肯同你結婚,我?連拍拖機會都冇喎
係交友軟件識過2個離婚人士,1個曾經富貴結果輸身家老婆走佬,變成窮撚同老母住唔知公屋定居屋,由做老闆變做馬會喂馬,講嘢都唔知佢老作出嚟定真有其事,會覺得係咪吹大咗?但佢後期都識到另一半。
另外一個問佢做乜離婚,佢即答老婆唔要佢,當下會主觀覺得佢應該係好撚仆街先可以逼走個女人,因為普遍性我認知女人就算家暴都唔願走,逼走人都應該做咗好多仆街嘢,當然我冇問咩,因為嗰句「係老婆唔要我」已經話我知佢放唔低,同埋真係會覺得佢哋搞到離婚當中一定有唔同程度與人相處同溝通表達出問題。
其實講就話香港好西方化,事實上香港好撚保守,好撚多嘢都先入為主,一同人講係女,30幾歲未曾拍過拖,你第一反應都係嗰一堆嘢,就正如一講離婚,好多人都先入為主嗰堆野。
其實好多時唔係覺得離婚唔值得人愛,只係年紀大咗唔再對別人事太關心,覺得你呢啲年紀唔係有另一半就係已婚或者有小朋友,唔會再好似以前咁列入情侶關係人選中,如果有日知道你單身,唔會再好似十幾廿歲咁去談戀愛,所以。。。就係好多複雜野,人人際遇唔同,有人可以離婚再婚再離婚再婚,有人離婚就孤寒終老,有人未曾拍拖就孤獨終老