0命淘汰2命,2命淘汱6命現時嚟講係原同鐵都只關玩0T同競速個班人嘅事,而所謂嘅淘汰,都係DPS低5-10%,所以0T可能要用腦,或者競速慢幾秒
米記個收入主力係月卡,而鐵嘅月卡黨,大概係兩個版本可以保證一隻0+0,所以佢谷收入嘅思路,係透過環境控制同輔助補強,確保每隻0命DPS係有練度的情況下,戰力可以高於深淵合格線。
用希兒做例子,開服得希兒一隻限五DPS 你冇得唔抽,抽完之後下個版本出銀狼,部份唔好彩嘅人已經唔夠石,要充月卡先保證到一隻0命銀狼,而嗰時過完活動會送新手教程嗰張光錐,好多人覺得銀狼0+0幾好用,咁就洗濕個頭開始養成咗充月卡個習慣。之後米記嘅出卡節奏就係開二隊(毁滅、DOT、追擊、開虛構敘事),淘汰普池角色、四星角色(符玄替白露、玲可;花火替布),出人權角氹玩家開三隊(黃泉、流螢)
成個策略都係強化玩家覺得每個月充月卡係必須,氹玩家買大月卡(一個版本抽一隻角會少咗好多體力刷遺器),用人權二命每年引誘玩家清咗個首充優惠。
咁嘅策略最影響米記收入,係連續幾個版本長草導致玩家流失;或者角色強度有問題導致玩家skip多咗角色,玩家個Account唔缺石。六命角色淘唔淘汰呢樣嘢反而係小事。只要六命係大部份嘅情況下,強度只要當時嘅版本勁過之前啲六命,同可預期到強度可以用到關服,就已經說服到課長課金