愚見覺得內戰點解發生其實係完全唔重要,因為turn out導演都係透過呢場內戰去諷刺返而家真實社會。
例如啲總統/高官/名人/明星平時就算點樣營造到自己身份地位高高在上,好似同其他人與別不同咁,背後其實佢地都只不過係人一個,死到臨頭咪又係同普通人無分別;
狙擊手/殺手/WF啲軍人都好體現到而家啲人嘅二元對立。總之所有野就非黑即白,你講嘅野唔啱聽、做嘅野唔啱心水、身份立場同我唔同嘅,就當咗係敵人咁想你死;
去到嗰個望落好似天下太平嘅小鎮,入面嘅人就係到呃自己出面一切正常,又或者覺得獨善其身就會無事,但其實背後都係比人監控緊/操控緊;
甚至乎記者嗰方面,WF啲軍人咁照顧啲press只係因為佢地幫緊WF報導/影低WF做嘅好事。如果調轉WF係做緊壞事嘅話,應該第一時間就會啡低班press先。
仲有好多細位其實值得大家細味/反思,所以真係唔好預係爆谷娛樂爽片咁睇