美帝崩裂 討論區

原本我以為套戲會講吓兩邊人馬嘅理據，始終呢個世界唔係非黑即白，可能話一個支持醫療複合體全民醫保，一個支持軍工複合體咁，點知直接暗示個總統就係衰人係壞人一定要死

咁樣嘅話我都唔需要再嘥自己個腦去理解套戲

套戲根本唔係探討你講嘅野
你要去諗呢方面嘅野根本直頭成套戲都諗錯晒

我諗呢種背景模糊同戰地記者嘅角色有關
佢哋嗰刻要做嘅係記錄事實，而唔係做對錯判斷
人唔多唔少會有歸邊嘅傾向，觀眾對兩個陣營嘅想像愈具體，同記者視角嘅距離就會愈遠

而且總統係咪抵死、叛軍行動有冇正當性都唔係套戲要回答嘅問題，套戲主題始終係「內戰」而唔係美國政治
咩國家都好，兩極分化嘅最壞嘅後果係內戰，而一旦演變成內戰，敵我係咩人其實唔再重要
呢樣嘢套戲都畫晒出腸，狙擊手跟本唔知對方係咩陣營，但對方要殺佢，佢就要殺返對方
我自己覺得太具體嘅來龍去脈會削弱咗呢種原始嘅氣氛

冇一個令人信服嘅世界觀，我點樣繼續深究佢想表達嘅嘢？

成個故事敘述斷層咁，我睇烏俄戰爭仲明白過反戰重要性

睇下佢開咩po
就知佢咩人

你最尾講反戰
問題係個故事我唔覺得係點樣反戰
探討嘅野甚至可以話講埋出黎，就係Sammy 同Lee 講嘅存在主義相關嘅問題
套戲好多場口都係研究緊身份呢件事
記者要係點？你係乜野美國人？
（btw 香港？即係中國！）
你同咩人打緊？唔知，總之有狙擊手射我
可能根本上係allies，而唔係美國總統政府軍
身份上唔應該殺allies，生存上應唔應該？
人存在嘅意義，或者記者存在嘅意義係乜？

anyway 睇戲唔應該太先入為主

每一套戲都可以係你未有過嘅體驗
唔一定要俾個框落去
一擺左個框，你覺得佢係講政治，或者覺得佢係講戰爭，但點解最尾唔係探討政治同戰爭？
然後就會覺得人地離題
但有無諗過人地個題本身係咩？
個題本身唔係呢度，咁佢點解要設定一個無關痛癢嘅世界觀？

但如果佢真係講政治、軍事，真係關痛癢
咁佢就有必要塑造好個世界觀
因為佢做緊嘅野好似Dune 咁嘛

狙擊手嗰度就最點睛
sammy同lee 都講左存在主義 呢個term
到底做人有乜意義？
乜野係記者？乜野係美國人？（乜野係香港人？）
定還是生命的意義是它根本沒有意義（周處除三害lol）

狙擊手可能殺左嘅唔係政府軍，可能係allies
但係首先佢地要保命
咁算唔算奉行沙特講嘅 存在先於本質

A24 啲文青野梗係要整啲哲學你嘆
前年《EEAAO》都係探討虛無

最尾蜘蛛女選擇嘅似乎係唔認同呢個講法
佢救左𡃁妹，放棄自己嘅生命換黎𡃁妹繼續做記者呢個使命

如果佢係探討緊其他野真係恕我唔識欣賞，劇情冇令我有任何相關嘅聯想

咁又唔使恕唔恕嘅
鹹魚青菜各有所愛，唔係套套都要愛
好似Poor Things 同Zone of Interest
係知佢地拍得唔差，但我唔愛

我係覺得無論愛唔愛，都開放態度咁去睇
咁樣比較容易睇到佢本身想講乜
然後再講愛唔愛
如果一黎就set 左框，就乜都睇唔到喇

唔駛諗咁多，當一套cult 片睇就得，個總統擺明影射Donald Trump

俄烏戰事有一個明確肯定的起因？
而家普遍知道的事實只係俄羅斯宣稱今次係「特別軍事行動」唔係入侵/戰爭，目的係抗衡北約
但實際普京係咩原因咁多年前唔打，烏克蘭立國果時唔打？北約本身又無要打俄羅斯，而家突然要打烏克蘭的原因得佢至知

又或者好似焚書坑儒，究竟係想借D意殺哂班反抗者，定想燒毀某D證據，定仲有其他未知原因？呢個可能只有泰始皇知道

令你有反思，係咪投降都要殺，殺完再影相打卡？

輕輕講咗最少三樣 空襲平民、違反美國憲法第二十二修正案做到第三任總統同埋解散FBI

呢D戲要反思D乜？同其他講打白宮嘅戲一樣，志在輕輕鬆鬆刺激兩粒鐘啫

覺得套戲唔好睇，或者表達唔到佢想講嘅嘢係一件事，點解要預設佢係爽片無內容？

真係明呢度係睇開要講到白

有齊起承轉合完滿講故仔嘅電影


如果有係美國生活過，或者認識下美國地緣政治

真係心都寒埋

套戲Nikon讚助？
狂show Nikon logo 但 Sony 要封膠紙

唔係呀
女主角部SONY A7II都大大個LOGO, 一眼就認得出

有show "GM"標誌但"Sony"幾個字封左

初遇個靚妹, 拍第一次衝突果時好似無封

十幾年前可能要講到好白交代成個背景，但而家美國內部矛盾都係一觸即發，觀眾各自會有投射，唔洗畫公仔畫出腸都可以睇到好投入

就算唔係美國住都睇到心寒，個種打到殺紅了眼即使只係電影都好震撼。感到心寒嘅係，大家心裡明白當衝突不斷上升到一個地步的確可能發展成咁，唔係套戲過份誇張

佢係拍比美國人睇 美國人洗撚你解釋

套戲係將平時美國記者作為第三者視點去世界各地採訪戰爭既種種旁人視覺突然加入what if 唔係外國而係自己個種矛盾，特然由第三身變左做第一身個種衝突好正

但睇開屎當真既連登仔應該唔會明

的確睇開屎當真既香港人點會用腦
所以套戲唔係拍比香港人睇
香港人