考牌的禁忌話題 – 買簽名?

筆試攞到都叫好

最乞人憎係要埋公司信攞簽名

有啲公司做夠兩年合埋眼就簽；但有啲公司又係死唔簽比你

唔簽就預左轉工，唔簽嘅做多幾耐都係唔簽

電牌其實仲煩過 CEng MHKIE 簽名
電牌你一定要靠公司出公司信
你多多錢肯出都未必搞得掂封公司信

最弊係好似啲佬咁，氹你過多陣就會同你結婚

但一拖再拖，拖到沉沒成本越嚟越大，拖越耐越唔捨得走

真

MHKIE簽買我都仲叫用錢解決到

電牌封公司簽名信想比錢買都買唔到

其實好似水喉匠咁考實務試咪算, 佢嗰4年經驗要求都幾求其下
唔似電牌咁要跟足EMSD 格式 +MPF

講真電牌公司肯簽又唔代表你真係識
唔肯簽只係代表你奶得唔夠勁

我都奶左公司好多年先簽到封電牌信 公司其實都唔想簽
因為驚一簽即走

個問題係5年.. 間公司唔簽去第二間又要磨5年

做左好多年呢加先得起心肝拎電牌
雖然唔會走
不過都係以防萬一好

電牌簽名制度也好，工程師考牌制名制度都好，都係用嚟縛住奴隸嘅制度

有啲公司會好啲，有定個君子協定

但顧問公司做等簽名考牌，係經常發生呃鳩你話將會簽比你，實際上拖到十年八載地老天荒都唔肯簽

個人覺得
考車都公平過香港考HKIE
運吉處都會有張野TICK DETAIL講衰乜
覺得唔夠仲可以入信問點解 有曬詳細解釋
仲可以上訴到法院


HKIE 成班人圍內咁玩
上訴無門不特止
仲要寫D無厘頭既理由係封信到
就算係考得差 都唔知點先可以改善
走去問都未必答你
又要講出身同背景

LP 聽講要讀幾年書先可以考喎

其實公司唔簽係好唔公平
有稅單證明做幾耐都夠喇
點解仲要考生證明

仲有點解刻意唔開證明既公司唔會受到任何懲罰

成個制度根本就玩緊後生從業員
之後班老板就話無人入行 要請外勞
老細們都要反省下點解咁多間大學都無人肯入行 種瓜得瓜 種豆得豆
咩都唔種又想有回報真係天方夜譚

詳情睇wsd 網站
LP part 1 2既要求
唔使「聽講」

你講讀幾年書
係由fd/ hd level的「水喉全科證書」
其他方法既part 1都係本身既學歷加一個短期course
更甚係直接入學會

所以先話電牌同HKIE係玩人

的確，淨係有稅單已經好合理

好多閪公司做唔掂要炒人，一個月糧都唔想賠，就要脅員工，一係你自己走唔要嗰一個月，我地比返封reference letter你；一係你堅持攞埋嗰一個月賠糧先走，但我地唔出reference letter。員工就係咁被僱主捉住個出袋。

電工牌要求公司同EMSD對口嗰個電工主管出工作證明，原意本來係證實僱員真係做過電力相關工作，但呢個制度好多時變成公司要脅員工嘅手段。考工程師牌同樣有類似情況

我識有人夠資格讀短期課程攞LP唔去讀，走去讀個幾年嘅長course

其實唔難
首先讀書出身就係入英國特許水務學會, 個會唔係HKIE 嗰啲咁難
求其搵2條友簽名就得, 唔係讀書出身就讀水喉全科技工證書

之後讀半年IVE EG423703Q 咁就得
最難係入面有個工藝試, 白帽仔真係要練, 如果紅褲仔出身就easy job

白帽肯比錢比時間練下都唔係難，而且合格線清晰，谷到磅就贏，膠喉唔燒燶都唔係難

最難係hkie嗰種人治觸摸唔到標準嘅遊戲

理性d去諗

假設 hkie 係盡力公平公正做assessment
9成考生都係meet唔到
咁講法 即係個training 同行業出問題？
還是assessment standard/ competence 出問題？

依家加上俾人覺得唔公平唔公正
咁既情況 邊個想黎考？

仲要係報左名等勁耐先有得考
由報名到出結果差唔多要一年

卜國明話一切都好好，冇問題，就算有問題嘅，只係某一小部份考官

一年已經係好快

第一次入紙RRA，等半年，寄張卡嚟要你交report CPD

交完，再等半年，佢地話要翻閹你，問你接唔接受，你tick接受

再等半年，安排考官比你，然後考官慢條斯理約你翻閹試時間

到翻閹試，求鳩其搵啲理由肥你，等半年有結果，就係叫你等一年再嚟過

等夠一年，再一個循環

你計下總共要幾耐？

邊度有寫香港水喉匠牌可以CUP過英國？