華沙柏林雙城遊 (重新啟動 多圖)

呢間chain嚟講算幾好，我上星期喺Warsaw為咗個湯幫襯咗幾次

兩個人去 (夾房住抵啲)

其實呢個湯 好奇係咪最後食埋個麵包碗?
但見附近枱啲人冇食

晨運

柏林咁多個館最有印象就係呢個，導賞團結尾去到犯人露天放風地點，個導賞員同我地一齊用囚犯視覺向住個天講，叫我地記住今日所擁有自由空氣既時都要記得以前犧牲過/喪失自由既人

習俗用麵包碗上，所以有啲餐廳見客唔食就會menu分開soup / soup with bread (麵包碗），差5 - 10PLN 度

嗰間餐廳menu見到有分開
同行叫咗淨湯 如食埋麵包唔駛食其他了

不過見啲人麵包碗上又唔食 似乎有啲浪費

都唔知算係午餐定下午茶了
是但食間連鎖

導賞員講得啱
其實我覺得呢類政治犯 其實唔可以算係「犯人」

以前去過Dresden Bautzen II Remand Prison
見識過呢啲所謂放風地方
相信刑事犯同政治犯嘅對待會唔同 明嘅就明


一格一人放風 獄卒係上面巡視 呢個設計衰到連個天都睇唔到

啱啱搬酒店 (原本係去Halle 但兩個幾月前改咗)
於是嗰陣連忙訂第二間 點知間間都超過100歐

最後見方便 有gym有sauna有泳池 就搵咗呢間 原來係套房嚟 網上show出嚟唔係咁住咁大把鬼咩
得個大字

去咗一間「拿坡里」餐廳

有個仿火爐

睇電視 德國二台播希特拉記錄片
最初半個鐘講佢同「老婆」Eva Braun
之後講佢末日
(睇書) 講吞槍自盡之後 佢啲馬仔燒屍滅跡 戰後蘇聯人去總理府搵希特拉條屍 係堆灰之中搵到牙橋 (記錄片都有講 影埋出嚟) 後來核對返希特拉牙科記錄 同搵返牙醫助手 證明到嗰副牙橋屬於希特拉嘅 (但記錄片唔知講咩)

Day 12: Flakturm Humboldthain導賞團「探秘」


到埗後第二日就去咗「人民公園」同高射砲塔出外面參觀 始終都係好八卦想睇入面係點 於是又報導賞團

報名有溫馨提示 話入面得10度左右 同一定要著穩固嘅鞋 (入到去所言非虛)


入去前要戴頭盔 同埋入面唔可以影相
(所以之後啲相係官網嘅 再加返啲形容)


等候期間 望落去 砲塔幅牆有人玩攀石

簡介
//1940年希特拉下令建造六座防空塔 或稱為「高射砲」塔 以保衛柏林免受敵機攻擊 但六座僅建造了咗三座 (Berlin zoo/Friedrichshain/Gesundbrunnen)
而戰後都被「非軍事化」或被炸毀
Gesundbrunnen嘅高射砲塔僅南面被摧炸毀
導賞團將參觀該塔七層樓中的三層 建築物深處嘅景色令人眼花繚亂 迄今為止「柏林地下世界協會」嘅成員總共花咗8000多個小時清除1400多立方米的嘅瓦礫 並在此過程中為蝙蝠創造理想嘅睡冬眠場所 因此為咗不唔打擾佢哋的嘅冬眠並避免嚇到遊客 所以只係四月至十月底提供此行程//


一入去就係咁樣 官網相係好光 實際上幾暗


落呢條樓梯係非常窄 一人仆倒入全部人會變骨牌
入面有兩種樓梯 螺旋型係軍用 方形係民用 螺旋型係方便快跑上塔樓頂



牆身約3.7米厚 現代標準要4.5米先可抗砲擊
另外最奇怪係牆身有窗 因為當初設計預永久使用 (希特拉冇諗過輸 第三帝國會持續1千年) 戰後會美化為堡壘


現實都係咁大 但好濕成地水 天花滴水 有唔少鐘乳石 同埋頗暗
砲塔備有大型高射砲 口徑120幾mm 係用嚟擊落敵機主群
亦有小型砲 口徑4/50mm 係用嚟擊落攻擊砲塔嘅戰機


行落較低層 有一邊全塌 就係砲塔南部炸毀嘅痕跡 外面有瓦礫山支撐 唔會有再倒塌嘅危險 但會有小石突然跌下 所以要戴頭盔 基本上塌方好多大石細石 一個超大嘅廢墟
見到塌下嘅天花露出鋼筋 密度好似手織頸巾咁密 (冇偷工減料 想都唔敢啦)


呢個位估計以前係居住用途 砲塔士兵住係塔入面 裡面有宿舍 食堂 醫院 當時砲塔有暖氣設施 唔係好似而家咁又濕又凍
砲塔亦有地方畀平民聽到防空警報後入去避難 但附近工廠啲人經常捷足先登 (地面得兩個入口 但幾百幾千人趕住入去……)

由於空襲時醫院都係好危險 隨時被襲 當時嘅大肚婆多會去砲塔醫院 醫院長期有兩名助產士值班 有咗導賞團後 有啲砲塔BB專誠參加 睇返以前出世嘅地方


原來人民公園南面小廢墟 真係以前嘅雷達站引導塔

大致上同《最後一役》嘅描述相若 不過嗰本書講Berlin zoo嗰個砲塔

有啲遺憾自己冇咩時間在華沙嘅博物館參觀。
華沙、甚至波蘭其他地方都想再去玩下。

下次再去
華沙唔係想像中咁悶 值得投放幾日睇下

晨運

覺得成個柏林最好跑就係Grosser Tiergarten (狩獵園) 跑足3個鐘都得其次好跑係Tempelhofer Feld (舊機場)
遠啲就去Schlachtensee 風景一流

而家呢條睇街景 睇人踩單車返工 亦經過兩個地標

我都係求其
反正無乜人認真睇

其中一個目的係寫畀自己睇

寫一次自己印象會更深刻 而且保存係網上世界 第時自己亦可睇返 人哋又可以睇

我7年前去華沙、柏林都唔記得7788

抖一陣 又Burger King
今次試下「炸雞塊」

另外叫多個芝士辣椒薯條 啲辣椒幾辣

試下先

繼續Day 12: Berliner Medizinhistorisches Museum der Charité (醫學史博物館)


柏林Charité醫院 最先聽呢個名係俄羅斯反對派領袖納瓦爾尼 2020年係俄羅斯被落毒 跟著緊急送去呢間醫院救治 急救成功
再聽過呢間醫院個名就係Netflix 德國Netflix有套劇集叫“Charité” 故事圍繞19世紀醫院 可惜係德文聽唔明

醫院其實叫“Charité-Universitätsmedizin Berlin” 係歐洲最大嘅大學醫院 隸屬於柏林洪堡大學及柏林自由大學 成立於1710年


(入口有幅膽石牆)
醫學史博物館前身 係細胞病理學創始人Rudolf Virchow嘅病理學博物館
(由於入面唔可以影相 會使用官網圖)

首先有Rudolf Virchow解剖展示 展出少量標本及19世紀嘅解剖工具


各種醫療工具展覽



德國眼科先驅Albrecht von Gräfe嘅介紹 並展出眼科工具


最引人注目 就係館內約750件「乾濕」人體標本 少部份係19世紀Rudolf Virchow自己做嘅標本 其餘係19至20世紀醫學院嘅藏品

所有系統嘅器官 (正常/患各種病症或創傷) 標本都有
連各種畸胎死胎都有標本
(難怪要16歲以上先可入博物館 同埋唔畀影相)

利用8個真實病人情景 (由18世紀到21世紀) 講解多年來如何斷症 治療 及病人 (一般人) 當時嘅諗法

例如19世紀未有疫苗前 肺癆係用自然療法 (病人係通風地方靜養 每日晒太陽)
一戰後整形外科 (整容) 蓬勃發展 因為唔少傷兵面部受傷毀容等


原病理學博物館嘅lecture hall係二戰末期被空襲摧毀
戰後作暫時修復 但幾乎被荒廢 到咗1990年代中期之後 「保存完好」嘅lecture hall遺址變成節慶活動同科學交流的嘅場所


醫學院建築群本身都好靚

有興趣嘅值得一看 就係火車總站附近嘅紅磚建築群

D 標本....諗起好耐以前的"人體奧妙展"

柏林真係有「人體奧妙展」長期展出 (香港嗰個都有睇)
因為有個製作室係德國
就係「阿歷山大廣場」個電視塔基座嗰度 (打算去柏林嘅 有興趣可以去睇下)

早幾年去過 今次唔去了 (搵返啲舊相)
人體奧妙展屬於「乾標本」

就係呢個展覽