但原來係假嘅，原來你連樂壇管浩鳴嘅角色都做唔好。
道歉文提及為咗遵守對學員嘅承諾，話交俾Nathan自己選擇係咪上台演出。呢樣可以理解，因為你係一個重視承諾有義氣嘅人，所以都會尊重佢問佢想唔想上台。
但你係咪唔記得當初你係點回應？當初冇你嘅堅持，會有而家後續咁多嘅事情發生咩？
如果真係如你所講，Nathan當時第一時間對你嘅答覆係「驚影響到你」嘅話，而你心裏面又真係在意Jessie親友嘅聲音，認為請佢上台有唔妥。你大可以將件事cool down, 俾大家一個下台階，覆佢 唔好諗影響到我啦，不過我都尊重你意願類似嘅說話。但係你冇，你只係繼續塑造你嘅人設，叫人唔使擔心會影響，強調自己好強大。
冇你呢個當事人講呢啲鼓勵說話，開綠燈，佢最終可以上到紅館個台咩？一隻手掌拍唔響，即使佢幾想上台，如果你當時turn down 咗，件事就唔會發展成咁，而佢亦都唔會發展到走去看海。當然而家唔係話Nathan冇責任，佢條仆街最需要負責任，所以佢自己咁厚面皮堅持上台，到而家變成過街老鼠，都係佢對自己嘅選擇付出嘅惡果。但你真係零責任咩？到而家你道歉文割蓆，就證明咗你冇擔當。話就話將個波交返比Nathan，實際上唔覺得自己請佢上台有問題，唔想承擔。
其實如果你係堅持忠於自己，就請你繼續落去。而如果你有心道歉，早就可以喺演唱會過後道歉，唔需要等件事發酵再發酵，到贊助商唔搵你，到你接job俾人話，到贊助商del你post，到你俾人改花名，你先至肯出嚟回應。原來當初嘅堅持係浮雲，到頭來你都會擔心受影響。原來你都唔係咁強大。原版管浩鳴先係最強大嗰個
講真，呢件事最影響嘅係Jessie親友。唔理你篇道歉文係PR，定真心，既然你有向佢哋致歉，外人都只可收貨。但見你前言不對後語，原先仲想支持你，繼續聽你啲歌，但都係不了。
見到好多死忠好似邪教咁話，你鍾意請邊個上台係你自由，唔使道歉。真係笑咗，冇錯，人對自己選擇係有自由，但後果都要自己承受返，而你偶像而家咪承受後果，所以選擇道歉。假使佢請邊個上台係佢自由，佢而家呢刻選擇道歉亦都係佢自由，唔好講到做咩事都係被迫咁。一定有有人走出嚟話唔鍾意聽咪唔好聽，咁我而家真係唔會再聽，反正如你哋所講，小我一個唔少。
除左連登 外面都勁多人屌7佢