[特攝撚] Super Hero Time 討論區 Gotchard , 爆上戰隊 (2)

我自己對build係麻麻地我覺得佢嘅劇情上好多角色都冇活用到，同埋都唔夠深刻
佢太過專注係嗰四個主角描寫

其他配角描寫真係好少，最明顯就係內海，原本嘅葛城巧，佢哋其實係後期係好有潛力寫佢哋嘅故事，但係感覺上就係捉到鹿唔識脫角
好似一開場浮士德，都未講到個組織有咩威脅性，就已經完咗第一章

加上好多設定都好快即棄，未講得清楚，就結束咗條線
三國既方針，難波重工，齒輪兄弟，blood 族，火星女王，hazard level，best match
其實好多嘢可以挖得再深啲，我最接受唔到係best match 嘅解釋
但好多嘢都係輕輕掂過就算
所以其實build我感覺係好似ooo，主要角色係寫到出黎，但係你話故事本身，就真係唔係話好吸引同好好睇
就係主要角色>故事性

武部要睇同邊D劇本家合作
鎧武同GEATS咪唔錯

利申 最唔鍾意白倉 咪返黎拉打棚

雖然武部成日有啲奇怪嘅諗法影響劇情但其實都有強項，主力用劇情去賣玩具來講佢做得好好
Core metal，lock seed，buckle 都係好好賣既收藏道具

相對之下大森賣玩具反而有啲渣，車仔，樽仔，卡帶同key 都未有csm 出到

木森嘅ex-aid、build、01都賣得唔差，未有csm純粹係時辰未到，鎧武都係10周年先出，不過整體成績的確唔夠武部亮眼

雖則話build後期同五回戰都係大森搞出嚟，但我近年最愛嘅拉打同戰隊同樣都係出自大森，所以都幾唔捨得

白倉主要玩綽頭，唔介意炎上商法，但真係唔太鍾意佢下下搞平行時空，浪費咗前人嘗試整合世界觀嘅努力

不過佢勝在放任主義，唔太干預編劇，遇到唔發作嘅敏鬼小林簡直絕配，同埋又頂得住上頭壓力，呢點同武部係完全掉轉

鎧武csm好早就出左喇，2020年就已經係The 鎧武祭
應該算係出得最快嘅CSM

武部係玩派生形態既items都玩得出色

大森賣得好都係主線嘅升級形態，派生item係劇情上真係好雞肋

白倉基本上都係完全比編劇話事我覺得佢最大嘅能力就係人脈，多數嘅大型回歸都係關佢事，當年砂糖回歸應該計佢Credit

製作人算係各有各好，各有各差啦
有冇一個完美嘅製作人？可惜塚田p冇再負責拉打

你D例子都講曬，其實真係人無完人
塚田果D都係比較傳統王道(W﹑FOURZE﹑最近期既有魔進)
Gotchard都算稍微接近返果種Flow但主題弱
好似黎緊相隔廿集終於醒起要做下正常學園劇情

build我覺得主要都係角色塑造啦，除咗四個拉打外都唔出彩，evolto冇晒前期氛圍，變咗侵略者template、內海個機械人同臥底設定幾乎冇用、難波重工會長、仲有美空兩次送頭，對老竇有感情係明嘅，但拍出嚟觀感就真係麻麻，不過相對地四個拉打真係寫得好正

拖得耐就還好嘅，ex-aid嗰陣都經歷過下，係有少少壓抑，不過為咗就zio搞個世界合併，又為咗外傳寫到個個有隔離世界線記憶，仲要俾evolto復活就有啲晒咗結局個遺憾美

大森退社，呢單野可以正式比個句號佢

拉打只係一個子供向+賣玩具嘅節目
加上得20分鐘 。你講嘅要求真係難做到
好似build里面東都同北都爭地盤
派戰兔同猿渡單挑就算 。兒戲到
但諗起係兒童節目就算
其本上依家拉打唔爛尾已經好好

我反而接受到BEST MATCH既解釋

之前FOURZE要賣40個掣，而家再多D量仲要諗配搭同多左強化道具&型態要賣，要寫落劇情到真係好難分配時間

最後比到一個講得通佢D配搭亂咁黎既解釋
已經夠收貨

個尾為左配合ZIO搞左個兩世界融合既方案(最諷刺係呢樣野正正係年頭冬季劇場版反派想做既野黎)
完全將另一個世界拉左落水之餘後面ZIO仲要無接

EVOLTO繼續宇宙散步勁爽

湊p我真係唔識講，俾佢成長下啦

唔記得原來仲有個高橋一浩希望佢快啲退社啦

好期待下星期修羅場
但呢度好似唔太鐘意gotchard (定太平淡冇野傾）
有時做下單元劇幾好 輕鬆又一集

好撚過背後係乜乜組織拯救世界
點知後期係講sheshe, 主角路人化
冇錯呀 就係講緊revice
Revice 果個制作人真係唔好再搞拉打住
佢究竟有冇睇過後期每集劇本

講起學園最keep到嘅都真係fourze，幾乎全程學校打，中間又補咗個the hole設定，即刻好合理

塚田p呢幾套喺設定上都幾完善，唔知係編劇定producer嘅能力

如果Gotchard當初好似Fourze咁玩解決學園事件單元可能仲討好

我偏向於係太平淡，同埋有部分人前期就棄咗

望月p風評唔得，唔計revice佢套宇宙都係近年評價最低，雖然我ok鍾意，另外仲有權力騷擾醜聞，導致喺王樣被降板，我諗起碼都會雪藏一排

機械人警察mode型過用劍

送腰帶真係敗筆同埋後面睇E總係咁壓住賤兔幾個打真係幾冇癮

真，fourze我真心覺得係俾大眾underrate既作品
佢基本上既設定都好實在，好多嘢都解釋到
例如點解所有有潛力成為怪人都會聚集喺天高

最後40個制，真係有40個同學去撳返，而個40個同學我又真係記得佢哋嘅單元故事係講啲乜嘢，點解會同弦太朗做左朋友

最後小説都好好睇，完返園田老師同撫子條線，真係幾有青春嘅感覺

其實要寫強大反派屈住嚟打既絕望感都可以好好睇，數碼暴龍04就係一個好好既例子
呢度就真係考編劇嘅功夫

財團x都係塚田p玩先
佢整合設定係有啲諗法

其實唔差係當年大把人接受唔到佢火箭頭
同埋埋尾兩集一個星座太趕
拉打部個個角色有血有肉
情節都有深刻印象
流星打死弦太朗>Meteor身份曝光>捨身保護弦太朗復活>Cosmic登場一氣呵成
加上坂本打鬥
最後理事長果集成班致辭都有感動到

如果俾你哋可以揀
製作人 + 編劇
你哋最想點配搭？？

我都諗起04開頭輸到最後慢慢反cup對面
但始終武藤第一次寫拉打呢個位我會體諒佢

我都好鍾意fourze
甚至連後期幹部級怪人大放送都有解釋，可以寫齊十二星座同時又可以令最終型態唔會過份強勢(不過好似因為咁令到cosmic state被大眾排落表現弱既final form)

另外睇返當初湊P講Gotchard既創作方向見到呢句

錬金術という非日常の世界に宝太郎を導くためにも、日常の象徴たる学校の描写を重視しています。

為左喺鍊金術呢個非日常既界入面指引寶太郎，象徵日常既學園描寫都要重視

結果而家修學旅行之後隔左廿集先再有學園劇情

會唔會係拍攝進度期間搵唔到學校借比佢地拍

其實上年武部+高橋已經好啱我胃口
我自己唔鍾意太多多餘嘅派生/雞肋既item，同時鍾意多拉打角色既群像劇


大森+小林我反而想睇下，感覺會係高質劇情
塚田+高橋，武部+666都好似幾有趣

組織規模不足真係好影響觀感真係得fourze先睇落似一間學校

煉金術學院得一個老師兩個前輩
Zio寫佢係高中生又唔寫佢啲同學
Saber又係，基本上基地得嗰幾個劍士
Revice 兩個組織都係咁
Zero one間公司都剩係得管理層同保安
Build就更加睇唔出係一個國家嘅層面搵個農民出嚟打代表賽


講講吓，好似真係得fourze做到最好？
W既市民都做得ok，各方面都圍繞住”生活喺呢個城市嘅市民”呢個主題
鎧武唔同team既塑造都還可以嘅同合理既
特狀課都故意收細左部門嘅規模