佛牌討論 正牌（23）

我知啊，不過太忙冇時間去

都真
Schedule都好密吓
我自己都未有咁多時間

見咁多師兄講起密宗，唔知大家有無興趣去參觀呢個唐卡展覽呢？

https://zh.tsultrimnorbu.com/beloved-jewel-on-the-lotus?fbclid=IwZXh0bgNhZW0CMTEAAR2w9-1Rf0ajf4nK73Rb_z5ZMDxZYeGfM5rL6uD4PX3vrUiTMBwPvdmwZtU_aem_AYY1Z2vA4UB-ZRYQcyZDKJlJZTiu768MXmaqW_OuVLEW72DfUthQrxk6Ye5Oz9cJEg0kj1O6ni4D1LkEy9pKUX8_

我未請藏傳，因為未有可靠，如果個來源係大陸，水很深

師兄有料

喺法會或者上師度請就最穩陣

泰國佛牌未必純佛道，有啲係神格，仙格，有啲係佛經有提，有啲冇，因為本身泰國就好受唔同宗教影響，和尚都會落一啲法術，去祝福善信

正如藏傳，我理解都幾受苯教影響

不敢當
自己見地未夠堅固又懶
都係根據諸位大德所開示而執佢地口水尾

同埋我覺得學密好容易錯重點
因為有太多法門、法器同埋儀式
好易會忘記咗個重點-修心
搞到變咗外道
仲加強咗個我執
所以見地一定要堅固
發心要純淨

泰國佛牌方面
我都明白有呢啲嘢
我又唔認識
所以冇搞

至於密宗方面
你可聽吓法王開示：
https://youtu.be/BhFmke_8-Yo?feature=shared

和尚嘅法術，一般都冇壞嘅，因為都要解決生活所需，先有能力學佛。

密宗我都會開始研究吓，比起漢傳，我更能夠接受

留名學野

學密都好易有偏執，因為要做一啲有相嘅嘢去修無相

我自己覺得學咩都易容起偏執
一來人人都有我執
二來係所知障
三來旦凡有概念嘅嘢，都易起執著
因為有分別心

我執一日未轉化，一定重有執
係睇吓執乜嘢同有幾執

而人類本身就需要以有相去認識無相
以有為了悟無為
以文字/概念去證得離言真實義
呢個係過程

當然唔排除有少數上根嘅人
例如：舍利弗尊者
佢只係聽過佛陀嘅緣起偈就開悟

反而我覺得好多人冇花時間去認識金剛乘嘅見地及次第，所以好多時會有誤會

金剛乘都係以大乘作為基礎
所以發菩提心係必須

但我眼見好多人學密宗淨係為咗追求力量
例如好多人都好想學誅法
但其實誅法嘅真正意義係誅滅自己嘅我執
但好多人就覺得係用嚟誅滅自己嘅敵人
其實最大嘅敵人就係我執魔
要對治嘅係自己嘅無明
所以咪搞到好似巫術咁

詳情可以參考達賴喇嘛嘅開示(上面條link)

唔好意思，可能講得長氣少少
但其實有得同各位師兄交流，我都幾開心

仲有好多人著相咗喺啲儀式感到，所以先顯後密真係必須

係
無大乘底好難做到個實修標準-菩提心
不過凡事無絕對，某啲上根嘅人係可以直接學密法
因為咩都有可能，人地前世有修
但當然係由具格上師指導下
而唔係自己搞掂
變咗修外相，而唔係內修
佛法係內修的

尤其金剛乘有好多表法
唔清楚理解，係會容易著相
喺金剛乘入面
理解一個表相，係有四個層次
外、內、密、極密

係！眾生都需要福報
但盡量唔執著
呢啲就睇功夫

可以去佛哲書社搵啲書睇吓
但某啲金剛乘嘅書籍係需要有灌頂同口傳先可以睇得
我以前未皈依前都睇好多書
但入門後再慢慢探入了解
發覺同以前自己理解好唔同
好多人講密宗都係一知半解
其實冇乜實修經驗
所以唔可以盡信
聽大德開示就最穩陣

或者YouTube睇達賴喇嘛、慈誠羅珠堪布等嘅開示

又可以直接去一啲道場到感受吓
甚至乎可以去齊各派佛教嘅道場參加一日禪修體驗一下

儀式為主，叫你上香又跪拜，唔多講佛理經書，變相迷信
又或者只係同你講善心，孝順父母，變相儒學
除左呢兩類嘅，有機會都會接觸吓

我自己都接觸咗好多年先皈依
因為想搞清楚點解佛教會分咗八宗十派？

祝願師兄喺菩提道上暢通無阻
菩提上進

我會理解唔同派別，不過去到尾，我覺得整體來說，不同派別，不應分高低，只係唔同嘅路，選一條舒服就可以。如果幫到自己又唔衝突，將多個派別融合領會亦無不可。

我自己冇皈依決心，始終在世之人，身不由己的事太多，我覺得皈依完守唔到戒，不如盡力做好自己而不皈依。特別係隨住時代嘅轉變，更加睇到戒律重要性在於本心，而非單單行為，但我接觸嘅人都只著重於行為，變左一啲已經不太有所謂嘅行為，亦要守戒律，但反而影響本心，例如吸煙，又被容許