佛牌討論 正牌（23）

係到呼籲下先 如果大家有時間的話 希望可以上一上觀佛寺幫手 因為較早前火燭需要人手幫忙清理一下 今個星期四我會上去幫一幫手 睇下有無人有興趣一齊

同埋4月14日上午十時為慶祝潑水節
會舉行一場小型法會 當日龐師傅將會帶領各位一同浴佛，也會為各位頌經祝福，以及進行功德迴儀式。法會最後環節為互相撥水。如有興趣可參與其中，同樂一番。

依個咩group ?

其實呢個師傅都真係幾多事蹟？

其實我有啲唔明，本身JTK就係咁防小人是非，咁加拉胡，用途一樣，好似其他法相比較少咁樣加

其實點討論都會得罪人架啦，好多牌商都係左抄右抄，有幾多真係識泰文，真係跑廟，而且同一法門，唔同師父都有唔同睇法，個廟商拆唔到咁就進修下啦

呢個就係我成日屌U壇虛偽嘅原因

佛教叫人清淨心，咁點會俾條女你呀
神佛如果會派錢，你係咁求財，個行為相反，點解要幫你呀

認清個真相，戴佛牌同禮佛信佛，可以係好唔同嘅含意。件事得到得唔到，除左業力同信念，好多龍婆都會落法，去幫信眾解決世俗問題。

阿贊嘅法術牌，係純粹得法去加持，而未必有落神佛意念加持，但思考一下，如果唔涉陰，你請牌去求嘢，咁你請塊龍婆或者阿贊牌嘅動機係無不同。至於材料，一樣有白衣唔玩陰，龍婆嘅古曼都係陰，淨化左只係冇風險，唔會陰變正

係 所以唔熟玩大路野最安全

後悔請太多牌賣又唔賣出,依家轉供奉型/小立尊
每朝燒香 換水 拜下天神/佛當儲模型

有樣野想請教師兄 點解見有d人個壇會放幾尊同一個神/佛!!到底係咩原因??

我當係宣傳易 有心做假一d都唔難

儲

一定程度嘅商業我覺得可以接受，例如一啲Q版法相，等更多人容易接受，都係美事

但我到依加都接受唔到阿贊速嘅盲盒，成件事變左賭博，啲牌商好多都sell刀仔鋸大樹，好多人一塊唔夠，請幾塊，因為款式濫嘅程度實在太嚴重，好多人博一千幾百，博bid到貴價款

好多冇意義嘅稀有款，純粹顏色改變，或者加粒石，幾百個稀有款，每款做幾百塊，博你想儲多一兩塊，成件事係刺激貪慾

一兩塊牌或者唔覺，師父自己都有加持同贊符，唔會覺得幾萬塊牌五顏六色，件事係有問題咩。盲盒好多，搞到咁濫，阿贊速真係第一。

冇人知，不過我留意唔到被踢爆

其實Well都係咁玩

儲，我都會，但背後，其實都係動慾，不太好。

大路嘢，都要清楚個原理，龍婆添系好大路，但古曼係陰料要清楚，同普通材料比較，應該要更有一份莊重迴向心

金殼有咩方法驗真假/含量？

驚就妨金算，又靚又平

係呀 師兄督到中哂 好似我呢d接觸佛牌唔太深的 已經當左JDK=阿贊速 可能一黎無緣份請 二黎見到個慾咁勁 自己又卻步 最主要我認為係完全背離左佛牌原意 變成斂財工具

其實師傅冇袋錢落袋
之前聽A直播講過 廟要起野 要用好多錢

其實佛牌成件事好難唔係滿足慾望，求平安都係滿足慾望，如果請牌嘅目的係清心寡慾，有幾多人請？

現世煩惱多，有滿足嘅功能都係可以憮慰人心，等大家可以更有條件去學法

所以我強調，不是所有綽頭都係問題，亦不是所有盲盒都係問題，有啲師父可能係幾隻色，或者多個符管，可能幾款，令入門者更有興趣，未嘗不可

但係去到幾百款，太講究款式同材料，就唔係滿足，而係刺激慾望，我就好保留

又唔好話斂財

建廟要用好多錢，師父亦唔係住喺三萬呎大宅酒池肉林

佛教講求正知正覺，好嘅發心，都要配合好嘅行為。再講，廟起嘅嘢，係咪咁必要？係咪唔可以縮減規模？廟堂不在大，心為上。

盲盒一塊幾百，兩年起碼十幾萬塊，連埋其他牌收入成幾千萬港紙，喺泰國唔係細數

起廟係咪咁逼切？目的為何？
起廟係正確，但用盲盒賭博嘅方式嘅籌錢，是否為宜？係咪唔用盲盒就籌唔到？

老老實實，就咁叫人捐錢，太天真

人性就係咁-完

其實唔盲盒 d牌都係炒炒賣賣
市場歡迎盲盒 都係去迎合市場
就咁叫人 捐錢 真係好難有咁多錢

我覺得一間廟出佛牌，只要師傅唔係當中炒賣，純粹推出一個定量，無論係群眾各自接收，還是有一兩個大買家買咗、佢哋自己貨源歸邊再攞出去炒

師傅都冇問題

乜嘢叫澤度金=阿贊速？？？
其實唔了解可以唔好講，你講到好似澤度金下凡攞住個兜問你乞咁又係唔係一個佛弟子應有嘅言行？