我兩老係我畢業前就走晒
所以好明依種感受
但現實中好多後生仔唔會明愛要及時
身邊識嘅同輩多數都唔套珍惜親父母
例牌對於一家人食飯、一家人做節都話無太大感覺
平時父母問佢野 少不免唔耐煩 甚或 態度差
結左婚果啲更加係
結左婚嘅後生仔朋友 會更覺自己已獨立於原生家庭
除左識搵錢養自己 仲識養家 仲有屬於自己嘅子女
亦因為自己家庭而慢慢少左同自己父母相聚
睇到真係眼怨
自己自畢業開始已經感受唔到家庭溫暖
佢哋未死前 我哋有時都會嘈交嘈到好大鑊 試過去到報警程度
可以到死左點想有苦也有甜
想勸朋友都困難 講兩講又厭你煩
其中一個朋友個老豆唔識表達愛 一直只俾錢來表達關懷
所以我朋友一直都好唔鍾意佢老豆
到最後仲斷絕來往
在我而言 佢老豆唔係唔錫佢 只係用左個無咁好嘅方法表達
我朋友今時今日都受惠佢老豆分俾佢嘅財產
我試過同我朋友講唔好去到咁盡 下下話老死不相往來
結果講襯依啲都無左下文 氣氛差晒

有預感佢老豆死時 佢一定後悔 唉
