到凌晨老豆返到屋企 ，我已經攤左係床，但點都訓唔著。跟住就聽到佢開門之後講
：入嚟坐呀
：嚟，消毒下先
一開始我以為佢帶左我三叔返嚟屋企過夜，點知之後聽到佢打俾我三叔問佢返到屋企未，叮囑佢呢幾日屋企都唔好熄燈，我先知原來佢係叫我嫲嫲入嚟屋企坐，跟住我個心即刻揦埋一舊，匿係個被竇入面喊。
之後就聽到我老豆係到細細聲啜泣，但係向來唔擅長向屋企人表達愛意嘅我無走到出去安慰佢，甚至攬下佢，淨係識自己匿埋喊。
每當諗起佢嗌嫲嫲入嚟坐，我都忍唔住喊，返緊工喊，搭車又喊，仲要聽歌咁啱播到《時間都去哪兒了》。
難以想像當兩老有日都離我而去嘅時候我會崩潰成點。
我無同任何人提起呢件事，但我覺得自己急需一個宣洩嘅地方，再唔講出嚟我驚自己會崩潰，雖然而家一路打字一路喊緊。。。
最後，想同自己加咁多位講，樹欲靜而風不止，子欲養而親不待，珍惜眼前人，更要珍惜同屋企人相處嘅時間。
