UK 電話sim 卡攻略 (3)

梁潮偉 · 2023-11-18T01:17:08+08:00

上個post 係無原因係消失左...我趁Black Friday 再開番. 如果有睇過我之前係旅遊區既post 既話, 我之前係有專門研究日本旅行sim 卡既post https://lihkg.com/thread/3279916 基於習慣既關係, 我黎到呢度都仍然有舖試sim 卡速度既癮. 所以就係呢個 post share 番我既經驗俾會黎UK既人. 以下所講嘅野係expect 你已經係UK 境內. 你係香港基本上乜都做唔到嘅. UK 四大mobile network 英國其實得4個network. 係 EE, Vodafone, 3UK, 同 O2 . 其他所有brand 都係租借呢4個network 事但一個network 黎做. 我估我都可以用番MVNO 黎形容番呢d 租線既公司. 下文簡稱呢4個台為主台, 其他所有台都叫MVNO. UK 唔同香港, 無一個network 係最好既. 係真係睇地區. 我建儀開頭唔好上台, 用d 無約嘅, 月月俾錢個d 台. 你可以上呢d MVNO order sim 卡, 又或者就咁係超市買住d 儲值sim 都得, 每個network 都試下. 因為唔同地區, 係可以有好大分別. 以我屋企黎講, Vodafone 係完全唔得既, 屋內係會收得3G, 好多時會跌落Edge. 不過行出門口過一條街又收番爆. (係真係一條街到就會收爆5格) 公司又係收爆既, 大部份去街既地方都收爆, 係我屋企咁撚樣. 雖則我屋企收得差, 不過如果你個區無事的話, 我其實最推介係Vodafone 既network. 4個network 我都有用過. 以我屋企同我公司為主要用地的話, EE 個network收得最平均. 無話邊個地方係收得好差. Giffgaff 用O2 network係好多我去既地方都收得麻麻地. 3UK 就屋企都係收得差既, 不過最少有4G, 唔似vodafone 咁樣跌落3G. 其他我會去既地方, 就3UK 個訊號叫 average. Vodafone 就99% 都收得好, 係得我屋企唔得. 所以試晒咁多款之後, 我揀左EE 個network. 不過我揀EE 唔代表你一樣要揀呢個, 係真係睇地區. 各種MVNO 商 EE 個 network 除左EE 之外 ,Lyca mobile , pulsenet , BT Mobile, 1pMobile, IQ Mobile, To The Moon Mobile 都係用EE 條線. 要注意既係, 唔係間間個coverage 同速度會係100% 同EE 一樣, 最少我知既係, pulsenet 就已經唔係同EE coverage 係完全一樣. Vodafone 個network 除左vodafone 之外, 有Voxi, Lebara Mobile, Virgin Mobile, Asda Mobile, Talkmobile. Vodafone 有樣好既係, 大部分用佢network 既公司, coverage 同速度都係同真正用Vodafone 無咩分別. 我用過Voxi 係好唔錯既. 3UK 個network 就有3UK, SMARTY, iD Mobile, Honest Mobile. 因為3UK 本身都唔貴, 直接用3UK 或者Smarty 都得啦. 佢係4大network 裡面, 最平個個. 佢最大好處係你攞住UK 個number, 都有分鐘可以係香港旅行個陣用到. O2 個network 就O2, Giffgaff, Sky Mobile, Tesco Mobile. 我對呢個network 係最唔熟, 唯一係用過既係 Giffgaff. 係我用既地區, 係收得最唔穩定既一個. 不過有朋友係中部地區用佢就話好過3UK 既. 結論係, 試晒咁多個network 先會好d. 你買左第1張有左個電話number 之後, 你係可以去上面d MVNO 既網站帶number 轉去佢地公司. 除左4大network 之外, 其他所有MVNO 公司都係無約, 唔鍾意一個月就跳得. 我自己就為左慳時間, 我係頭一個月買左3個唔同既network sim 黎試. 揀啱之後用鍾意個個電話number 上台.