香港戲院會員優惠全攻略 / 新片資訊交流 #23

業主都做唔掂，即係唔會做番戲院啦

估中

會唔會有啲院線全線收皮？

推下Post

百記一邊推自助買飛九折
一邊收緊網上手續費
係咪好矛盾

呢期好似無乜戲

會睇1212 首爾之春

想睇呢套
都唔知有冇得上

今個禮拜BC同PE上

一日得一兩場
套戲唔通當特別放映

已經上咗爆谷台

我都有睇到
但估唔到唔係院線上啫

PE宜家真係好癲
小賣部以九折為名迫晒非會員用自助機買
佢又有成3部機
7點幾繁忙時間見小賣部不停出飛
但又得一個職員處理訂單同幫bc會員落單(神奇地自助機又做唔到會員85折)
見到個職員做到滾水漉腳發晒脾氣仲同一個想喺counter落單既非會員嘈交

自助售票機又係
counter開三部機又係用九折推晒D非會員用自助機
(係咪傻Q咗?另外一邊已經擺咗好多部機啦)
但係冇會員好多係內地遊客同長者
搞到一個職員教佢地用都分身不暇
另外又要有個職員坐counter幫會員買飛(買一送一仍要去counter)出飛換海報禮品等
手動買飛又一樣係有人龍,搞到counter職員係咁勸人用機買啦有9折
我完全睇唔出點樣慳到人手
反而見宜家班曾經好專業好好禮貌既staff做到發晒老脾
成間戲院個氣氛都幾差吓
佢小賣部生意係好咗呀,但搞到咁搞到我呢個常客宜家唔係好想去囉

爆谷台上先(仲要英超期間好多宣傳片)
搞到好多朋友都以為呢套係電視電影而唔想睇
想推介俾佢地睇都唔成功
套戲俾安記搞到咁真係好可惜

如果真係有咁多客嘅
以佢而家嘅人手 唔推自助都唔會好得去邊
所以主要係人手不足嘅問題
又或者係個市道唔容許佢請太多人

就係呢個問題
戲院有淡旺季(近排有城寨無疑為五月帶來個意想不到的旺季)
而戲院繁忙時間每日都係集中喺某幾段時間
(除非你排場排到好出神入化)
其餘時間靜過鬼職員冇野做
僱主角度梗係唔想養住咁多人
一係cut全職請晒part-time
自助化原意係刪減人手
但小賣部結果係繁忙時間多咗生意(因為樽頸位唔再係小賣部職員)
但係就做死佢地又唔去加人手
話就話要時間調節但好似行咗幾個月都仲有好大問題
售票想自動化就正如上面所講,快撚d免網上手續費啦
唔係的話仍然大班人會去現場買,本末倒置