樓上漏水玩嘢唔處理可以點做

TLDR: 1823報咗2次，食環上咗去倒色水，等報告可能都要幾個月，哩段時間係咪冇嘢做到

廁所天花漏水已經就嚟一個月，一開始同樓上講樓下個天花滴緊水，佢同我講
「吓我都冇用水我點流落去人地到？」
「我冇用水姐係唔係我啦」
「係唔係其他人流落去呀」


跟住佢再問位置，我同佢講係係你浴室隔氣啲石屎到滴緊水
佢：「吓樓下條喉滴緊水關我咩事」
我：「哩條喉係你地架」

擾攘咗好耐，樓上終於揾師傅落樓下睇，同個師傅約好咗時間又遲到，等咗半個鐘一見面就話自己有幾廿年經驗點點點

到帶佢去睇滴水個位置，佢話
「哦好簡單姐，係你條喉同樓上條喉接駁得唔好，嗱我轉頭報個價比你，你ok我就同你做呀，好快架咋換一換好小事」
我：「唔係喎師傅，條喉樓上架嘛，你咪報價比樓上業主囉，佢ok你咪做」
師傅：「緊係唔係啦，條喉係你地到架嘛點會係樓上個個比錢，你都傻嘅」

同佢又擾攘咗好耐，最後不歡而散，條友仲大我話佢自己做咗幾廿年有幾多經驗，你識啲乜呀


未講完轉頭再打食飯先

希望第日樓上漏水落你到，樓上條友都好似你咁不負責任

我唔係苦主本人 但係樓上黑人憎到連我哩個第三者都想搞鳩佢

仲未分享完佢有幾咁戇鳩

樓上師傅落完去”檢查”之後我再揾翻個業主，佢話
「師傅話淨係換條喉就得呀嘛，咁我依家比個日子你，你約樓下下星期去幫佢換咗佢啦」

但係其實明眼人都睇到條喉冇穿冇爛，仲好新淨，同完樓下商量佢覺得信唔過樓上個師傅，連條喉嘅歸屬都搞唔清又真係嘅

之後佢自己都搵咗師傅嚟睇，師傅覺得係樓上個防水層岀問題，我同樓上講佢又話佢地師傅檢查過冇問題

最後我三催四請食環終於比到期話嚟檢查，所以就同樓上講
「不如咁啦，既然大家攞唔到共識維修不如等食環嚟睇咗先啦，即日倒埋色水等有顏色流岀嚟就知邊度問題」
樓上：「樓下揾食環嚟關我咩事？我比期佢幫佢整條喉同食環嚟係兩回事嚟，佢如果唔比我幫佢整唔該你地管理處岀封信比我，證明我有嘗試去幫佢維修係佢唔配合」


之後又話食環嚟個日唔得閒，冇人開門比佢，咁好啦佢冇人係度都冇辦法

到咗當日食環係樓下度完濕，超標，循例上去㩒門鐘，冇人就會留封信比佢再約第日，點知佢地有人開門，係佢老母

問清楚得到佢同意我地先入屋架，食環一路倒色水我一路陰陰嘴笑，準備搞掂走個陣佢老豆趕到翻嚟，發哂爛渣係到屌我地咪講咗今日唔得閒，又話我帶食環上嚟亂咁搞佢屋企，之後又話要投訴我，又話業主本人唔係到唔承認個報告

佢地好似唔記得咗一樣野，你冇人開門比我又點入嚟呢

依家個問題係等色水現又要時間，等份報告又要時間，樓上依家又射個波去食環到，話等有報告先整，咁你又話唔承認個報告

物管狗就唔好搞咁多嘢啦，你打份工乍

乍你老母 我加密你同我post哂岀嚟