[偽鐵膠佛誕出遊] 長氣多圖 白銀袖湊進擊九州之旅

九州本篇內容開始！

Day 2 (前半)
第二章 日南鳳翔．海幸山幸

概要：
雖然前往九州既路途唔太順利，樓主總算能趕到鹿兒島了
日南線除了有鵜戸神宮、日南復活節像等知名景點外
還有鮮為人知既隱世景點，保證無咩人聽過！
最後當然要坐上已經準備好既觀光列車海幸山幸！

到底行程能唔能夠如期展開呢？

05:35 決行志布志的意志


清晨5點半就check out了，天已經光晒
訓左唔知有無4個鐘，無食早餐就走了
畢竟可有可無既早餐都係東橫INN既特點，唔食都唔會覺得浪費

雖然志布志既航班已經趺左落海
但果到話晒係日南線既起點
仍然希望可以係果到出發

日南線由鹿兒島邊界既志布志一路去到南宮崎
都係一條近年經常受到天災困擾既路線
對上一次係2022年9月既台風14號，最終要半年時間才能完全復歸

然後發現鹿兒島竟然唔存在直達志布志既路線
有既就係渡輪連給巴士，即係響大阪搭船過來會送埋你去中央
咁時間上明顯唔可行

最後睇下搭JR去要幾耐

6個半鐘，完全唔make sense......


但我都係把心一橫，決定不惜一切前往志布志
係車站劃左張指定席劵就出發！

05:51 清晨特急出擊！霧島


晨早流流坐上787系特急霧島出發了


車廂幾乎空無一人
不過都聽到有兩位台灣遊客係度吹水


霧島所行既日豐本線鹿兒島段
會沿住美麗既錦江灣kinkobay~~行駛
當然都可以望到鹿兒島既地標：櫻島

以前仲有觀光列車隼人之風，個名都夠晒霸氣
不過依家已經唔存在喇


好眼訓，訓陣先

點解個JR時間表咁奇怪

0551 鹿兒島中央
0446 鹿兒島

07:11 新都城轉移


其實就一開始就無打算坐到去宮崎
係一個叫做「都城」既站落左車


呢到可以轉乘吉松線往小林方向，在吉松與肥薩線會合


呀～～～～～～
已經好有宮崎既亞熱帶風情，因為已經到左宮崎縣了
都城人口約16萬人，縣內規模僅次於宮崎市
就咁睇相好似好寧靜，只不過因為呢到既市區唔太近鐵路
隔離個站「西都城」應該仲近d



都城市跟鹿兒島既霧島市共享霧島觀光既光環
呢到甚至有個酒造就係叫做霧島酒造


鄉下地方反而有的士，而且真係見到有人搭




呢到巴士路線都算豐富，縣界關係有宮崎交通也有鹿兒島交通
畢竟九州係個巴士王國
重點係可以去鹿兒島既鹿屋，最終可以抵達本土最南端佐多岬
待合室有到站時間預報，不過我發現根本唔齊，同鳩巴一鬼樣

app有時區bug，中間時間顯示錯左

跟住就要煩今晚既住宿
打開酒店網，鹿兒島根本係唔會有選擇既
不過出盡殺手鐧最後總算確保了住宿，十分好彩
(不過都想講，山陽新幹線好多都係隧道，訊號好唔穩定)

21:01到左博多，進入下半場九州新幹線

https://na.cx/i/DLX92XS.png
仲有一個便當！頂住唔好死


過埋熊本車上已經無咩乘客剩

https://na.cx/i/ixuwwRz.png
呀呀呀呀！要到了！

心諗點解九州新幹線會有仙台駅

年頭坐東海道新幹線
貪得意試下用smart-ex apps 生個QR code入閘
個apps會先email個驗證碼去你户口登記既email到，在apps輸入個驗證碼等一陣就會生個QR code出嚟，只要去有QR code sensor 既閘機入閘出閘就得，連入落IC card既步驟都慳返

不過有一點唔識
如果用smart-ex出紙飛係咪可以在品川/東京出再來線閘坐埋在來線唔駛再補錢？
因為用QR code不可以咁做

唔得 因為Smart-ex冇包埋在來線
https://smart-ex.jp/faq/category/detail/?id=436

川內 日文都係Sendai

07:42 有志者事竟成


係都城等待左半個鐘，出現時就係
前往志布志既巴士！


其實交通網絡有一個定律
就好似上水去屯門、沙田去荃灣等搭鐵太過兜或者麻煩既話
都存在巴士路線可以連成一線
睇地圖就知，JR路線無論如何完全唔合理，淨係計里數已經差成截
即使手上有JR PASS，搭巴士抄捷徑絕對係明智既選擇




搭巴士最開心一定係坐到車頭毒撚位
首先會經過返西都城，其實特急都會停
但果度落車就代表要食耐d風


全程共有兩名乘客
另一位係比我仲要早一個站上車，坐足全程
包車失敗，我就繼續釣魚


09:04 終於到了終點！志布志！
運賃1220円

好感動！因為miss左果班船都係岩岩先到左志布志港！
憑住驚人既意志，係可以追到隻船！

09:20 志布志市志布志町志布志


趁日南線開車仲有小小時間
當然要拜訪下志布志既「知名景點」啦


志布志市人口得2.8萬人左右，比富士河口湖町多小小
周圍都無高樓大廈，也無咩酒店
幾乎都唔會有人係街上行，都係直接揸車了


好快就到


轉個彎直行就係


志布志市役所


充滿「志」既地方
「志」呢個漢字係日文幾特別，訓讀為五音節「こころざし」
常用漢字裡面與「政」、「承」並為最長

可惜今次無法從志布志港著陸
果到可以感受強烈既「志」


行人正門
不過我無事要幹，就無入去了


志布志市志布志町志布志の志布志市役所本庁・志布志支所
以前叫志布志市志布志町志布志の志布志市役所志布志支所
因為讀起來太爆既關係，可謂全日本最出名既市役所

希望各位如果有機會探訪/路過志布志
都可以感受到志布志既志吧！

見到咁多個 志 字 開始覺得眼花

ShiShiShiShiShiShiShi

09:49 出發！日南線完走之旅

幾經艱辛終於抵達了志布志
亦即係話今次既行程總算追上原本計劃了
去完市役所打卡後就返到JR車站
日南線觀光正式開始！


志布志站一日只有8往復，日中隔3個幾鐘開一班
正如之前所講，呢條線上年俾台風吹爛左
都係上兩個月先整返好，唔係既話都唔會有呢次行程


日南線路線圖



殘到爛晒既名所案內版
案內提及到既枇榔島係個無人島來
上面有好多亞熱帶植物，睇下有無勇者去探險


殘到爛晒既志布志站牌
下一站大隅夏井
鹿兒島主要由薩摩以及大隅兩大半島構成


上車喇


係志布志市志布志町志布志既Fami買左三個飯團
飯團係好重要既旅行道具，食左力量值會10倍化
可以頂到成日，一D都唔折墮


好快就會落一落車，向今日第一個景點進發！

呢架村巴(定校巴)正式名稱叫咩?
駛唔駛預先book定?
定唔駛見車就上?

社區巴士 Community Bus
一樣有時間表既，我見過東北果D真係要打電話book
唔係既話車都唔撚開

11:00 登上九州的燈台


今次日南線之行
最重要就係探訪呢個都井岬燈台
唔係咩好狀觀呀必去既景點
但就係好特別




自此我就踏上左燈台制霸之旅
依家完成左3個，仲有13個排住隊，睇怕以後出遊都要就埋佢地
你話係咪好無聊，我就覺得同制霸十二現存天守之類本質上無分別


俾300YEN就可以入去參觀了


燈台內部
呢個燈台唔係好高，行兩行就上到頂


日向灘
可惜天色已經無咁好，感受到梅雨季殺埋來了


另一邊就係志布志灣
聽講天色良好時可以睇到種子島同埋屋久島


物理既野我識條鐵咩




小小介紹


1929年亮燈，接近100年歷史


燈台立於240米既斷崖之上，甚具氣勢
呢度除左日文完全聽唔到其他語言
台仔韓仔泰仔都無個，九州既秘景無誤

11:45 日南的自然


睇完燈台出返來，俾返個地圖大家睇
其實都幾適合親子遊散下心，不過附近真係無咩景點


巴士站
一日有四五班車，呢d地方有車搭已經好好架喇


趁巴士仲未返到沿路散下步先



係野生既紫陽花
唔洗去鎌倉同人迫喇




仲有堆野馬係條路行來行去
稱為「御崎馬」
呢到係全日本唯一野生馬棲息既地方
所以係極為重要既自然資產

要注意馬既視力極強，擁有350度視角
千祈唔好接近馬隻，更唔好試圖搞佢後面
俾佢踢都幾大穫

最後仲有小小小小時間去埋附近既御崎神社一遊



又係得我一條友on99行路



望一望志布志灣，好chill呀~~~
下一秒：仆你個街！掘頭路來架喂！

無時間喇
拿拿臨原路跑返上去，行到斷晒氣咁濟

最後返到路口三分鐘後架巴士出現返
成功逃走！

13:35 續．日南線


搭返同一架巴士返去串間站
全程：200円です。
呢個運賃係日本爆走20km，認真痴線

在此感謝串間市Community Bus
帶給我一個好Wonderful既體驗

btw呢個站隔離有Lawson，超級感動


唔知點解個站隔離擺左架廣島路面電車



13:43 入返車站繼續搭車了


搵左班女hard sell西九新幹線


宮崎最代表既飲料，日向夏
真係消暑解渴
日向夏其實係蜜柑既一種，比一般例如溫州蜜柑大好多
正如其名來自宮崎，不過現時好多地方都種到
每年4至5月出產

14:36 電車以油津為終點站
又可以出去一陣，善用等車時間既空檔


話說點解呢個站咁紅，一開始都完全唔明
呢到宮崎wor，同廣島無雷公咁遠
原來因為呢到有個廣島東津鯉魚隊既CAMP場
所以有地元fans提出將個站油成紅色
然後2022年連入面都改裝埋


呢到可以搭巴士去鵜戸神宮
不過今次旅程最後都要放稟呢到
始終無自駕既時間係好寶貴
可以做到既事情、可以去到既地方有限
難免一定有所取捨，要有平常心唔能夠太貪心
最重要係清楚自己旅行既目標同埋偏好


14:51 換另一班車繼續
今次只搭一個站


「日南です」



相對好普通既地方
人口5萬既日南市既中央


呢位人兄叫伊東マンショ(Mancio)
天正遣欧少年使節主席
歷史仲要宗教史我真係唔識，留返歷史達人解說啦


跟住又去左Fami買野食
買左個炸雞，果期做緊台灣corner所以有得飲打西果蘋




響日南線係咁磨時間當然有原因
就係等待海幸山幸既來臨！

待續