[偽鐵膠佛誕出遊] 長氣多圖 白銀袖湊進擊九州之旅

Day 7 (最終日)


結果衫都無收直接訓到天光
好彩呢間野洗衣機好充足，每隔三層樓都有洗衣機
即係你住果層必然存在唯一最接近有洗衣機既樓層而相隔不超過一層
所以好彩都無造成咩麻煩
如果洗衣機唔夠又要洗衫既話都幾惡頂，成日因此搞到唔夠訓


落去食個早餐，唔係自助餐 (太好了)
有和式同洋式選擇，食左咁多日和式當然就.....

跟住就check out了
好好收搭心情享受最後一日

試過洗衫排隊等到死。
洗衣機同乾衣機數目一樣，但係洗衣半個鐘，乾衣普遍一個鐘，好多人攞住濕衫等乾衣機。返房一陣又會俾人打尖

08:00 岡山後樂園


岡山最代表既人物當然就係桃太郎了
係個桃爆出去為民除害既英雄人物
以前好多地方聲稱自己係桃太郎既故鄉
但以岡山最有說服力


來到岡山無理由連後樂園都唔去
但巴士勁多人排隊，正值返工返學鐘數
所以就搭路面電車，要過條馬路先去到月台


落車後要行一段路先到
首先仲要落地穿過呢個謎之地下道 (?)


過埋呢條橋先到入口
都要行兩個字


進入了岡山後樂園
日本三大庭園終於制霸完成



因為大朝早仲未有好多遊客
所以好靜，可以好好享受呢到既庭園美學


去茶屋嘆下世界先


小心碰頭


觀光唔少得雪糕
因為成本低，尤其細路仔又開心


不過都係備前燒咖啡歎住飲最正最chill

hea完之後就沿住岡山城方向前進


可以坐下鴨仔，唔算貴啦


呢個就係岡山城，原來岩岩翻新完
所以暫時無左共通入場劵，要另外俾錢入場
考慮聽日要返工今次唯有唔上去了


慢慢行返去岡山站


呢條就係岡山一番街
請注意：岡山一番街並唔係拉麵店既名稱


向四國進發！

我記得小倉都有Shin Shin
搵過諗住去食但最後無食到

加速之力

11:05 穿越瀨戶大橋


意外地上左架麵包超人塗裝既特急南風



太過色彩繽紛了，有d頂唔順
由於前往高知既南風得三卡咁少，都坐得好full


所以一個站就落左車，去左兒島
JR西與JR四國既分歧點


係呢度上返本來要搭既快速Marine Liner
本四備讚線既代表


亦係JR東日本以外極少數設有Green Car既普通列車


今日天氣都唔係太理想


正式登陸四國本島！

結果而言返博多食係明智選擇
上左車先發現小倉都有好傷心，但後來證實左無咁好食

12:13 烏冬縣


到左高松為左食烏冬
即刻掉頭搭快速Sunport



下個站去到一個叫做端岡既地方


又做行路JJ去搵野食
明顯成條路都係得樓主一個on99係行路，至少都踩單車啦


10分鐘路程就搵到係路邊既烏冬店
好明顯去呢到既食客都係揸車
得我一個on99


呢到點餐係好似傳統模式既車仔麵咁
排左隊先，去到就喊麵底，跟住就揀餸
不過呢邊就好多餸都係自取
唔明就去食返次丸龜
我就揀左大根同埋橫須賀咖哩餅 (超 好 食)

加埋三餅烏冬都唔洗1000YEN
抵食到爆，烏冬又爽
緇油又香甜，檸檬當然就係好瀨戶內
5分鐘就解決晒相中所有既東西

うどん 一福 (3.95)
https://tabelog.com/kagawa/A3701/A370101/37001209/
※跟東京神田本店既連鎖店「香川一福」沒有關係


來到香川縣當然要食鳥冬
不過好食既烏冬都唔係咁易食到
佢地既營業時間對遊客極之唔友善
都無辦法，佢地做既烏冬唔係好擺得
唔係我地平時食果D即食烏冬
所以難得今次來四國純粹走佬，食個烏冬埋尾就最perfect

14:00 終焉


返到高松，差唔多係時候講bye bye！
高松本身無咩好玩但有好多公園
例如栗林公園、玉藻公園、多肥西公園、小呆獸公園、讚岐空港公園
有機會先去啦！


搭機場巴士大約45分鐘，只需1000YEN
算係方便啦


依家好多縣都有代表既Pokemon了
烏冬縣就係發音跟烏冬相似既小呆獸 (ヤドン)
以我理解呢類合作係Pokemon官方主動搞
唔會收版權費，旨在提升自身既形象同埋親民度
作為企業社會責任CSR既一部分


賣手信既地方可能係咁多機場中最搞鬼
因為超多烏冬縣精品同埋產物
精品都表達縣民對烏冬既愛
仲有好多小呆獸

btw呢個縣物產全部自稱「うどん県」(烏冬縣)
因為外縣人見到「香川縣」根本唔知係邊到鄉下
但一講烏冬，就知道係響四國了
呢個官方re-branding相當成功


Hello！Hello！Hello！
聽講呢個航線係有地方政府貼錢開
所以應該唔洗擔心人手唔夠摺線既問題


最後因台風影響，所以delay左一個鐘
然而成個gate都好靜，無咩鼓譟聲音
\四國本身就係現時從香港最hardcore既日本航點
所以成機一半人都唔知有無
大部分乘客都係有返咁上下年紀
睇落個個都老司機咁款，而且唔會帶BB
不過去到三年一度瀨戶內國際藝術祭會期情況相信會好唔同
(呢條線武廢前最高峰做到每日就航，鄉下機場來講完全係奇跡級)


最後既最後
bye bye啦日本

嘩樓主你強行喺高松完結...
搵啲地方玩下都好啊

BTW 食過坂出駅前都有間好好食

*有間烏冬

因為邊到機票平就邊到走，尤其鄉下機場唔洗俾機場稅
但係四國呢d鬼地方都唔知幾時先有機會認真玩 ，仲有大把野排緊期

樓主睇你個user name 就知你大把機會去四國啦

下次再玩過啦

Lm

點解唔搭飛機

yahoo 乘換案內其實包埋內陸機，冇出就即係冇。同埋有 JR PASS 做乜唔用

點解無內陸機
因為我disable左內陸機囉

黎緊plan 去日田，又係冇車去水壩，我見google map 有唔少路段都淨係得車路，所以你地行車路上去？

搭單問，你覺得踩單車上去可唔可行