[偽鐵膠佛誕出遊] 長氣多圖 白銀袖湊進擊九州之旅

咁人地都要生活

自從羽田死亡行軍去群馬食拉麵後就覺得好剌澈好過癮
每次都要有行軍式食拉麵既環節

我已經一早超越左所謂死毒J既境界
同埋你個名更加似死毒J

Day 1 (後半)
第一章 死亡抉擇！往鹿兒島大西征

劇情大要：
今日剩返既時間就係要直落九州南部既鹿兒島
正式開始計劃好既九州之旅
不過途中卻發生了意料之外既事情
到底最後能否如期完成任務？

東海道，山陽。九州新幹線咁落鹿兒島？

膠囊酒店都$3000一晚

YEN啦，外遊消費從來唔講港紙

13:05 富士山下體現東海道精神


從湯河原坐東海道本線，在熱海轉另一班車
好快就去到三島，準備搭新幹線前往京都

三島係伊豆既中心地帶之一，三嵨大社(伊豆國一宮)就係呢到
踊り子會係度直通伊豆箱根鐵道到修善寺
亦有巴士路線分別往來河口湖同埋箱根
善用唔同路線可以減少不必要既回頭路


三島站已經可以睇到好清楚既富士山🗻

13:47 靜岡之光


回憶完富士山就坐上了Hikari出發！
東海道新幹線係咁多新幹線最易掌握
Nozomi只會停果幾個站 (靜岡縣全飛)，Kodama就站站停
Hikari就複雜小小，可以話係Nozomi加幾個站咁
行車時間唔會差好遠，不過停咩站就班班唔一樣


新富士附近最大最靚
https://www.youtube.com/watch?v=_FqOgYVvl9A
但新富士只有Kodama停，Nozomi仲有Hikari當然高速通過
新富士亦都係東海道新幹線唯一無在來線既車站
只能搭巴士到富士同埋富士宮




Sorry講左好多好沉重既野
同返我個旅伴合照先啦🗻🗻




樽綠茶係Bellmart Kiosk到買既，使用沼津既茶葉
飲落到有種Sunshineeeeeeee既感覺
個雪糕係新幹線上面買，硬既點食

可以當武器掟死人

呢班Hikari停埋靜岡、濱松後，就直落名古屋京都大阪
已經同Nozomi完全無分別
坐新幹線時間過得好快，因為出面有風景望
好快就去到京都喇！

好痴線的行程

紅色大字教LM

依家先叫做岩岩開始
都未真係到戲肉

教主你好

幾時做咗教主

留名

15:37 花式炒車，前往死亡的詛咒




新幹線真係好快，唔洗兩粒鐘就去到京都
落去放個小break
呢個唔係我認識既京都站，好唔慣
因為揸其他PASS就無機會用到


又係修學旅行，JR東海收錢收到手仔軟啦


抬頭望下京都站，硬係好似見到有人係上面


依然未搭過Hello Kitty新幹線


不過今次又去搭Haruka，16:00開出
因為北梅田已經開左所以會加停大阪站
可以搭去新屎坑參觀下


熟悉既無嘴貓


成日都有人話Haruka好慢
呢張圖應該解釋到大部分原因
Haruka仲係行緊山陰貨物線果陣，會讓正線既新快速行先


但係架車係中間卡住左.......
唔知乜春事話架車行唔到，要等等
最後知道好似係踏切確認，今次真係黑仔.....

仆街啦！
仆街啦！
仆街啦！

因為，今日既目的地係：大阪港。

卡左三個字終於開返
接住落來就係死亡既開端......

16: 48 再び、死亡行軍


學西園寺話齋，去九州有好多方法
今日既最終目的地其實就係大阪港
搭船去鹿兒島既志布志，期待以久既渡輸之旅！

因為聽日既行程就係九州既日南線
其起點就係志布志，會一路搭返上宮崎


返到來北梅田
架Haruka最終遲左18分鐘到站
我已經好撚趕時間，不過佢仲趕
車門打開唔知有無三秒就閂左


跟住就要跑返去環狀線果陣轉車
其實就唔算好遠，多左個好有特色既地下大堂
人又少好多，跑都完全唔係問題


不過環狀線係最遠既位置


跑到腳斷總算成功趕上黃泉路快速
搭去弁天町！

仲有時間影相都唔係好趕

17:02 迷失弁天町




前往大阪港既路線，通常碼頭都係d好隔涉既地方
由於已經遲到+腳斷既關係，決定係呢度截的士過去算
航班係17:55開出
本身有諗過直接係梅田飛過去，但計下數完全唔對路


個站附近都搵唔到的士站
的士呢的士呢的士呢
的士呢
的士呢
的士呢


行出d睇下有無機會，點知都係無


絕望地望住大阪港方向
我已經支持唔住了，身心皆累
點解呢到可以連一架的士都無
呢到乜鬼地方來
大阪乜鬼地方來

17:55 響起絕望的鳴笛聲

本日前往志布志既航班已經開出
但係樓主仍然係弁天町
張船飛跌左落太平洋喇
正式宣佈九州之旅未開始就以失敗告終！

待續

18:00 重新部署

雖然志布志之行已經石沉大海
但係當然唔會就此放棄，總無理由連聽晚餐omakase都放棄埋

睇下依家點樣可以去宮崎先

以現在既時間點，要即晚去到宮崎係唔可能既事
宮崎可謂九州七個縣之中最隔涉
畢竟無新幹線既地方就先輸五十大板

最壞情況可以係博多/小倉留宿一宵
但第二日既行程就要重新執過晒

點都好，離開令人絕望既弁天町
返去新大阪先


去到大阪站當然用新既梅北地下通路轉車
少好多人


利用最近延長左既おおさか東線前往新大阪
輕鬆快捷


咁就返到來熟悉既新大阪了
新大阪基本上係唔會蕩失路既地方
JR在來線都係整齊排列好
無東京站咁難掌握


上次仲係星之卡比既pop-up store換左了
呢個唔係好識
跟住買了晚餐就準備出發


星期五放工鐘數，堆滿要買新幹線飛既乘客


一切都準備好後就要出發架喇
做好覺悟未？呢個係一個好漫長既旅程！

「做好覺悟吧！」

19:20 櫻花大戰


決定了！今晚既終點將會改為
鹿兒島中央！
好彩今次有買JR PASS，可以話想去邊就去邊
不過因為限制唔搭得Nozomi同埋Mizuho
面前呢班Sakura將會係尾班車！


上車！
各位坐穩喇，出發去九州！


需時4小時05分
「殺姑拉，殺姑拉，殺到pat pat變菊花喇～」


頭先係新大阪買左SUICA企鵝公仔
以示對閪日本既不滿


今日既晚餐就係新大阪排隊名店之一：５５１薘萊


海老燒賣個口感對香港人黎講都係微妙
個豬肉包就係同唐記果d咁上下，不過幾大舊夠塞下個肚

跟住就要煩今晚既住宿
打開酒店網，鹿兒島根本係唔會有選擇既
不過出盡殺手鐧最後總算確保了住宿，十分好彩
(不過都想講，山陽新幹線好多都係隧道，訊號好唔穩定)

21:01到左博多，進入下半場九州新幹線


仲有一個便當！頂住唔好死


過埋熊本車上已經無咩乘客剩


呀呀呀呀！要到了！

23:25 突入成功！鹿兒島中央


坐到patpat都開埋sakura，終於終於到左鹿兒島中央了！(撒花


車站已經無咩人，但都仲有小量人士係站內留連


拿拿臨去check in啦
今朝6:30出左門口 (眼神死


今晚既住宿係東横INN鹿児島中央駅西口 (6,080円)
東横INN真係救世主，就算last minute預約都唔會起價
所以佢養起左好多忠實fans
頭先係新幹線搵果陣就用左好多時間就係
不過有一樣野我唔係好明，點解夜媽媽會有人放返個位出來？
但一有位就要即搶，搶左好幾次先成功


訓覺！終於完結漫長既一日！
次回，宮崎之旅！

第一章 死亡抉擇！往鹿兒島大西征
完