第一次買樓就遇到陷阱希望大家入嚟幫幫手

求其開poe aichat 都得
上面好似有位巴打整左

叫簡化 整理下pin 啦

向地產代理監管局投訴，雖然唔關agent事，但無契係重大事項，要預先說明
應該可以拎返訂

周啟邦律師樓嗰啲算唔算係穩陣？

其他律師樓未必肯做執手尾case，睇下有無朋友介紹。其實我係你就都可以叫依間垃圾律師樓做埋佢（畢竟你係咪都要比錢）但你每一步都要白字黑字，對話錄音，同每一步要自己跟到足，例如唔好個師爺話同左對家講話踢契就當有發生，要你都有收到信件copy，唔好比佢拖到你無哂時間焗住要成交

唔好意思，我執一執。🙏🏻

交代一下背景，
第一次買樓就遇到陷阱。🥲

其實買之前都已經問過地產好多次，
地產就話如果冇樓契既話係唔可以拎出嚟賣樓，
同埋正常程序都要俾咗訂先可以經律師睇契。

時間上面就係三月比細訂，
四月比埋大訂，
跟住六月中嘅時候我方律師就通知我對方比嘅樓契全部都係副本。

詢問之下就得知業主唔見咗啲正契，
亦都搵唔番。
佢亦都一早喺田土廳拎咗認證副本。

依家其實只係差份宣誓文件銀行就會批按揭，
但係對方就一直要求文件成交之後先交回，
所以我就更加擔心。

如果係冇問題點解唔一早簽回，
而要喺成交之後呢？

但係我今日都有問過律師，
佢話唔可以因為咁而要求對方賠償。

最差嘅情況就係成交之前業主簽唔到宣誓文件，
銀行唔批按揭，咁我就要負責全數樓價⋯⋯

我想問吓大家我可以點做？
我係有冇權要求佢賠償俾我？
第一次買樓，而且係自住需要同屋企人一齊。

希望大家幫幫手！


唔識法律，幫手執下排版。
祝樓主好運👍🏻！

正常如果佢真係唔見左份契，而家有買家肯買，佢應該拿拿聲去宣誓賣左層樓

但佢唔肯去宣誓，擺明身有屎，佢應該知份契喺邊，我估應該喺親戚手上，但佢地傾唔掂數，賣家就扮唔見左份契去申請copy，如果樓主真係接手，過一排如果有人拎份正契出黎就gg

賣家同AA正仆街

同情樓主

你朋友定係你買樓呀
上網問野都要思思縮縮咁 正廢柴😮‍💨

你單野同我幾年前買樓都有幾分相似，不過當時係業主張契唔見左幾頁，又係用AA介紹個律師，又係第一次買樓，佢哋似係一致夾你上車，我方律師在交樓前一星期先講發現問題，仲要話無辦法再跟，叫我哋搵第二個律師，邊夠時間？ AA又暗示唔交易我方要賠訂咁，成班都好賤。

呢個時勢接火棒已經夠凶險仲要有機會爆炸咁恐怖

比埋大訂？ 律師樓做漏野，講完

而家可能報東張西望有阻嚇力啲

換個新律師搞啦，我上年買樓，律師覺得樓價未跌完，直接問我想唔想玩野，可以不斷叫對家律師有關業權既問題，煩鳩佢，只要佢地證明唔到個業權就可以踢左張約，對家比兩邊aa 佣

不過我冇玩到，個單位好乾淨下

所以樓主個朋友咪被人呃囉，自己做嘢都唔清唔楚

話唔定到時仲搵到份正契係邊

最後有冇成交定成功踢契拎返大訂？

你個律師係咪aa 介紹比你？

分分鐘份契喺其他屋企人度，攞完你筆錢走路移民

報東張 業主好快攪比你

你條傻鳩係咪賣家既人

不過樓主都傻鳩嫁啦，攪到咁大鑊先通知銀行，仲要拖到咁個買家拎埋錢移民就係咁先