關於飲zero致癌 我有嘢想講

是咁的 小弟開咗個ig page @food_guidehk
主要係想分享營養同健康資訊



唔會賣廣告 亦冇任何盈利

target係香港人 針對香港人普遍嘅飲食習慣做建議
目的在於普及營養學 希望大眾可以更加重視自身健康

目前個ig page處於起步階段 會以較基本、受眾較廣嘅題目為主
未來會有更加深入、specific嘅資訊

歡迎喺度留低有關營養學嘅任何問題
多人問又喺能力範圍內嘅問題 會優先開po解答

你嘅支持就係我最大嘅動力
覺得有用就share你身邊嘅朋友啦

晏啲執執資料再講下zero單嘢

自推一下

你肯講未？

唔講你開post把撚

最基本唔怕蝕抵貼埋出嚟都做唔到就開post 都係收收皮過主

執緊資料 呢啲嘢嚴謹啲好

先講結論
我飲zero由細飲到大
未來亦會繼續飲

點解唔飲雲尼拿可

我有過淋巴癌……反而想飲冇糖多過有糖，有糖搞到我免疫系統仲亂過冇糖

唔係好明 貼埋咩出嚟

唔執好就開post 仲想等人入你ig睇注定做唔起

我識樓主本人，佢平時講嘢好低B 㗎

飲可樂都生cancer？
呢件事正正體現營養學嘅重要性 大眾先可以衡量當中嘅風險做決定 而唔係一味話致癌 然後就ban晒所有嘢

先講結論 我以前一直有飲 未來亦會繼續飲
就好似明知睡眠不足對身體唔好 好多人都會繼續捱夜

一、IARC classification 嘅毛病
世衛將所有食物、飲品歸類為四類 可以參考下圖(1)


分別係 1致癌物 2可能對人類致癌（2A同2B嘅分別係 有冇人體實驗證據）3無證據顯示致癌
簡單啲講，IARC嘅工作就係分辨出：有啲嘢係會致癌、有啲嘢係高風險、有啲嘢係低風險

呢個系統最大問題就係，佢分類嘅標準係用 會／唔會 致癌去做分類，咁就會忽略咗嚴重性嘅問題。舉個例子，福島核洩漏，受污染嘅海產同蔬菜係會致癌，同樣地，晒太陽都會致癌。兩樣嘢都係IARC入面嘅Group1，即係致癌物。好明顯，晒太陽嘅危害程度係低過核輻射好多（下面會再介紹下點衡量嚴重程度），但IARC系統睇唔到呢樣嘢。

所以，IARC系統最大問題就係冇辦法說明一樣食物嘅致癌嚴重性有幾高。

二、JECFA
世衛當然知道單靠IARC係唔穩陣，所以有第二個機構JECFA，去評估阿斯巴甜(aspartame)嘅風險，例如係每日攝取量、最大攝取量等等。值得一提嘅係，以往JECFA係主張aspartame每日可接受攝取量係40mg/kg(2)，即係60kg嘅連燈仔每日飲超過27罐無糖可樂就會有問題。當然而家JECFA有新嘅評估，7月中先會公佈，目前就不得而知了。

三、Relative Risk
相對風險，即係RR，係用嚟將大量研究數據圖像化，以致癌為例，吸煙會引致肺癌等、而加工肉主要係大腸癌等。吸煙同埋食加工肉，都有各自嘅RR，理論上RR越高，代表越大機會致癌（相比無吸煙、無食加工肉嘅一般人）。
準確嘅RR詳細計算方法比較複雜，仲要加埋CI等參數，因此唔喺度贅述。可以暫時將RR化為一條簡單公式，可參考以下圖片(3) RR代表Relative Risk，大概可以理解到個數字點出嚟。


食加工肉嘅RR介乎1－2之間(4)，簡單理解就係：食加工肉生cancer機會係一般人嘅2倍；食煙嘅RR介乎13－23之間(5)，cancer風險至少高係13倍。
可想而知，如果就咁睇致癌風險，食煙係嚴重好多。但就事實上，食煙同食加工肉，同樣都係Group1致癌物。

所以，我哋唔應該單單見到世衛改IARC就認定甜味劑係好大問題、完全唔可以食等等。何況世衛係將aspartame係上調去group2 而唔係group1。亦因為暫時未有足夠證據證明aspartame真係會致癌，所以出唔到RR嘅數據。

四、總結
喺世衛的角度，炒嘢食會致癌、晒太陽會致癌、飲酒會致癌。
飲可樂可能會致癌，我唔否認，但我會繼續飲。
凡事適可宜止就ok。始終有更多事情值得我哋關注，例如捱夜對身體唔好、長時間工作影響精神健康等等。
感謝睇到最後嘅你，希望你會有所得著。

利申 唔係鼓勵大家飲多啲可樂，只係我個人而言會繼續飲。

引用資料

1 IARC分類圖片 https://www.drugwatch.com/wp-content/uploads/IARC-Classifications.jpg
2 aspartame可接受攝取量 https://www.sweeteners.org/wp-content/uploads/2020/09/aspartame-fact-sheet_2015.pdf
3 RR計算公式 https://www.scalestatistics.com/uploads/3/0/4/1/30413390/6345033_orig.jpg
4 加工肉的RR https://www.tandfonline.com/doi/full/10.1080/01635580701684872
5 吸煙的RR https://doi.org/10.1093/oxfordjournals.bmb.a011530

推多下先

唔好po我張白卡上嚟

多謝樓主~

有無其他日常食物既每日可接受攝取量可以比較下
睇下有乜食物係比想像中危險
有乜野食物係比想像中安全

例如我聽過食鹽既每日可接受攝取量低過某d 曱甴藥，即係自殺既話食鹽快過食拜滅士

咁佢致癌個mechanism係咩
代謝出黎d野induce癌細胞 定係餓死腸道菌搞到腸癌

以前嘅研究證據係
假設100mg aspartame 被人體吸收
有10% 姐係10mg 會轉化成methanol
methanol又會喺體內轉化為formaldehyde 甲醛
甲醛係其中一種致癌物（所以而家啲油漆廣告都話零甲醛）
至於甲醛具體係點致癌 呢方面我睇冇研究
但研究又有講體內甲醛唔會累積
姐係話就算有少少甲醛都唔怕 因為身體處理到

所以 俾起致癌嘅風險
以前更加擔心用添加糖嘅肥胖風險
因為肥胖係已被證實同好多慢性病有關聯性
例如糖尿 心血管病等等

呢個都係衡量過風險嘅選擇
當然而家講緊係以前做法 科學隨時間會改變
最穩陣就睇埋7月中嘅報告再計劃下

肥胖仲會引致腰酸背痛 椎間盤突出有機會

可樂嚟喎 知完都會繼續有大把人飲

最麻煩個位就係 世衛可以用佢嘅影響力去令廠商唔用呢隻aspartame做可樂 或者其他食物
因為而家廠商某程度上風險大咗 隨時一句話致癌 所有嘢都要下架冇得賣

因為一但IARC再推高佢嘅致癌風險去group1
又或者有其他手段 最壞情況就係ban咗呢種物質
咁大家連買都冇得買
可樂都唔俾飲 痴線㗎

推下先

可以嘅話
youtube有個channel叫白兵
麻煩可唔可以收一收佢皮