男人要戴名錶嗎？

flyback同split second當年推出時係高科技嘅實用功能。
依家最高級D，開始太多花巧野，甚至係「負」功能，為整而整。

萃純主觀嘅係意見，不是知識，只是用吹水，但沒有什麼價值。
art stream果邊D野，如果你話係rhetoric呀心理學之類，始終也是有其客觀性，不是完全沒有價值。如果你話係gender studies果D，那又是另一個常常被我用來嘲笑的對象。

至於揀老婆，男人唔可以食軟飯嘛，不過我係刻意避開那些家境複雜，例如要供個細佬要讀書果D女仔。

law of diminish marginal return，都要睇下個本金base ratio有幾大，再去計個return嘅。

如果那天我唔知點解忽然有幾十億身家（中六合彩都冇可能咁有錢，發夢就有），可能我就會改變立場，同你講grandmaster chime有幾咁正。

我唔識飲酒，唔鐘意飲酒，完全冇酒量，所以M同H完全唔關我事。

初初出來做野，懶係扮野咁去讀咗個wine tasting課程，仲好扮野咁帶本wine journal出去食飯（當然係約女仔先用嘅道具）。實情係，你叫我飲完一杯酒，要默書咁寫番D adjective出來，我算係勉強合格嘅，但係何謂好飲唔好飲，呢個concept我係完全get唔到。

果時有班朋友玩wine blind tasting，幾百蚊枝到幾千蚊枝，我都試過，我真係分唔出貴D果枝有乜咁好飲。我的味覺只係分到甜D苦D咁。幾萬蚊嘅酒我就未飲過喇，可去到幾萬蚊以上，就真係好飲D都唔出奇。

所以酒呢一方便，我有自知自明，是完全放棄的。以前追女仔仲會扮下識用乜酒配乜菜，其實我只是背書咁書，味覺上完全不懂欣賞。

其實再拗無咩意思，四個字講哂，對牛彈琴。

講開Whiskey，我應該飲過唔少靚野，不過都係同紅酒白酒一樣，完全分不出好唔好飲。花巧野倒學了不少，用鐵波代冰咁。

當年公司被人收購途中，有幾個大老細鐘意飲Whiskey，有大半年時間個個星期五下午，book間meeting room一人帶一枝Whiskey入去吹水品酒大會（梗係唔係成枝飲晒喇）。我新升做中層，梗係要入去埋堆。飲過乜，我唔記得，亦都唔識。我只係記得為咗「入會」，特登去買咗枝Glenfiddich 18年，應該算係會中嘅平價野。最記得收購完成後，大老細係Whiskey真玩家，佢去bid咗枝成百萬嘅酒，我呢D咁低級就當然冇份飲喇，不過見過個樽。

若錶只是藝術品的話，就沒有任何認知意義了，那就不值得花時間來看了。

我是institutional art theory的信徒，即係藝術係吹水吹出來的。我對於藝術理論比藝術本身更有興趣。

link plz

我應該算係一個失敗嘅男人
中學之後已經無帶過錶.....

你咁樣引老鼠入米缸嗰邊多得你唔少

我同意你哩段

所以我都唔覺得車有咩客觀價值

又唔會跑得快過飛機，又唔可以落水

根本喺香港玩錶嗰班，有錢到PK

而玩車嗰班，未必個個真係有錢😂，好似我啲咁嘅窮撚

夜闌人靜, 望住D靚錶, 由錶面到機芯再到錶帶 J下d造工手藝設計,
或者人生唔同階段買唔同錶, 有唔同既故事
了解下唔同品牌既特性、賣點、理念
都係男人既浪漫

香港冇司機就唔好揸車啦

咁係你個人選擇
但你唔可以否定其他人對藝術追求

其實呢，奢侈品嘅主要作用就係分開有錢人同冇錢人

有司機嗰啲叫坐車，唔係叫揸車

我想問，你平時係咪淨係攞塊爛布包住個身？ 因為你嘅思維係只要遮住你條賓周仔，唔凍就ok … 衫褲靚唔靚係吹岀嚟。 你有冇試過買A唔買B 係因為A靚啲？ 如果有，你當時覺得靚嘅感覺係咪其他人吹岀嚟？

用你最鍾意嘅james bond 槍做例，如果james bond 係用條黃色嘅蕉，你仲覺唔覺得帥氣？ 如果唔帥就即係靚唔靚，型唔型，美唔美雖然個人但同樣好客觀嘅集體認知。

其實，你到依家都未發覺自己好矛盾，好低俗， 你呢種人有幾多錢，幾成功都係一個loser …

講art 點解會以為包括心理學、gender studies

睇嚟老兄真係完全唔識㗎喎

希望你可以humble 啲，明白即使自己對文藝、藝術、美學、美味，無欣賞品鑑嘅能力，唔代表其他人無，更加唔代表呢個世界無呢個面向嘅知識

除非你諗住客觀咁證明，或者主觀咁一口咬定，自己識嘅野就係知識層面嘅全貌啦，如果唔係，你唔識，你唔認同，根本唔代表啲咩

正如你自己所講，可能到有一日你夠capital (both financial and cultural la)，你先會識欣賞；反過嚟講，係宜家嘅你capital 未夠啫

到你去到買pp = 你買tag heuer而家唔洗睇價錢嘅程度你就會明
就好似啲人去uniqlo/zara 買衫幾百咪幾百

各有各所好姐，上年最高峰時，一隻地通熊貓同價都可以買到架BMW 3系 車又唔似錶可以好隨意拎出黎俾人睇到 (如果想show 錶)

說對了一半。

頂級名錶越貴上去，法拉利林實式的客觀價值成份比例減少，LV/Hermes式的主觀價值增加，而某些名錶更出現Vertu式的負價值。

買一件東西，就算輕易買得起，不論格價多少，CP有嚴重偏差買了就會不開心，被人搵了笨。如果被搵了笨還沾沾自喜拿來炫耀，就是人傻錢多，應該要恥笑。Vertu是最好的例子，另外一個例子係supreme舊磚。

在藝術哲學中美學有五大理論，用來解釋何為美。
手錶超跑的美是來自功用主義，最簡單易懂去辨分美醜的理論。在古典美學中，為什麼大衛像和蒙羅麗莎是美，不會有人有異議。

用一個極端例子，炒NFT，有人會吹噓NFT的藝術性來justify它們的價格。那是真藝術，還是偽術嗎。

當然去到尾一句，我有錢，我鐘意，係天下無敵嘅。成交價永遠是最客觀的量度標準。但係最後會否價崩，人傻錢多應被恥笑了。

我好像明白了，原來你看不懂我們太口語化。
我還以為你只是太固執或品味不足而缺乏理解力。

手錶的價格與價值，除了品牌知名度、複雜功能及辨識度外，一般高級至頂級品牌所製作的手錶，有時候還要有足夠的品味及對手錶有足夠的知識，才會看懂為何她們會賣哪麼貴呢!

客觀因素來說，人手工序的投入與製作或打磨的時間會對手錶的價格有直接影響的。 詳細你可以上網搜查何謂好的打磨。有時候，手錶的盤面設計、金屬金鏈的打磨或錶殼的形狀也會令生產難度、良率及成品上昇呢!

當然品牌歷史也會影響價格，但是近年也有眾多獨立品牌以創新的設計、優良的打磨或稀有嘅生產量殺出血路，價格亦不斷上漲。甚至有些品牌會以全人手打磨而吸引客人用大量的金錢去選擇購買。這些品牌有時候也會針對極細少嘅螺絲及齒輪進行人手修飾呢!

可以好老實咁答你，我著衫真係純看用功，Mark Zuckerberg的信徒。不計去飲去見客要著靚D之外，自從結了婚不用追女仔後，十幾年來我每天都係著同一條褲。嚴格來說係，同一型號三條長三條短不同顏色，冬天長夏天短，著舊了就買一條相同嘅新褲。我著嘅5.11 Tactical槍褲，係可以好客觀咁計算出CP值差不多是最高的褲。鞋就著Palladium Boot，一樣都係三對同款不同色，皮，布，防水，因應不用天氣去著。衫就仲未找到合心水CP值高的品牌，主要係trade show免費派或去旅行見到買geek圖案的T-Shirt，有領同外套就加去Under Armour outlet mall買的減價貨，都係同款不同色三件。

一枝槍嘅美學來自其客觀功用，如黃色蕉槍的功用有絕對優勝，但黃色蕉就是美了。

純主觀上的美醜，我完全不感興趣，亦不能理解其價值所在。當然社交上有需要去迎合主流的審美標準，需要有非功用性的美的東西，買最大路最主流就不用麻煩了。