如果我 無學到神話中嘅《七傷拳》

「呀飛，我有危險呀，我係中環碼頭呀．．．」

依家已經係十二點半，係二零一四年三月八號，係婦女節，但係我會特別記得呢一日，並唔係因為婦女節，而係因為接住落黎發生嘅事幫我將呢一日深深咁印左係腦海當中，同時我亦渡過左我人生中最黑暗最挫敗嘅半年。不過當初嘅我又點會諗到當時嘅我會遇到呢件事，又點會估到如今嘅我去到依家咁，唉。

係大埔飛的去中環，再快都要三十分鐘，係車程上，我都會諗緊，到底懿婷可以遇到咩麻煩呢，一個女仔．．．

唔通．．．唔通．．．遇到色魔？

「你冇事呀嘛？」

「遇到咩事呀？」

「你依家仲係咪碼頭？」

「李懿婷，你．．．試下應我．．」

．．．．．．

就算我打左幾多個MESSAGE都好，理所當然係冇回應，只係見到個最後上線時間由兩分鐘前慢慢變到十分鐘、十六分鐘、十九分鐘、廿一分鐘、廿五分鐘、廿九分鐘前。我既擔心同緊張程度都由一百上升到一百、一百、一百、一百，已經冇得再上升。差少少我就會心臟病發，我已經壓制唔住自己嘅血液，不幸中嘅萬幸係我終於可以腳踏實地，踩住母土嘅感覺會令我不安嘅心微微穩定左少少。

但係我除左因為擔心懿婷而不安之外，我都隱隱有種唔吉祥嘅預感，我真係好心緒不寧。

真武嘅路除左令我各方面有所增強之外，我嘅眼、鼻、耳都進步左好多。

依家耳邊傳黎嘅聲音，話到比我聽係懿婷嘅呼叫聲。

「你地唔好再過黎，就算我做鬼都唔會放過你地！！」

我急過小明，快過火車，我直接沖到去聲音傳黎嘅方向，我首先見到嘅係，原本整潔好睇嘅馬尾有少少散亂，衣著有些許凌亂，花容失色嘅懿婷，佢半行半跑，後面有好多人慢慢行咁追趕住佢。

「你就算再走都冇用，我地一定會捉你返去，『機關』、『國組』都有派人黎協助我地，如果用地道啲嘅說話黎講，你就係被選中嘅細路，你都知道，你家族入面所有人都對你被選中去做『妃子』表示同意，你仲可以選擇咩？」為首個黑衣人用好平靜嘅聲線，好冷漠嘅表情去講呢一番說話「其他女仔被選中左都欣然前去，我真係唔明白點解你唔肯，仲有咩原因令你抗拒呀？係咪呢部手機入面果個叫做一飛小寶貝嘅人呀？」

原來懿婷部電話係佢地手上，難怪完全睇都睇唔到我嘅MESSAGE，以佢地呢種步伐，懿婷半走半睇都冇問題，佢地好似根本唔打算傷害佢，而係活捉，完好無缺咁捉佢，最少，目前懿婷身上一絲傷痕都冇。

我拎出電話，錄左一句音比張三峰。

「我依家係中環碼頭，我可以捱到幾耐我唔知道，但我有一件事想你幫我，見我最後一面。」

我打定死數，慢慢向佢地方向前進，同時再用自己電話打去懿婷手機果到。

「嘟．．．嘟．．喂，一飛先生，哦？係你．．．」

「你地到底想點？不過唔理你地想點，我一個人接晒。」

我雙拳緊握，全身血液已經被壓制，因為我已經冷靜左落黎，我渾身都係戰意嘅揮發。

「你好，你就係一飛先生啦下嘛？」墨鏡黑衫人如是說。

我無出聲，慢慢擺下架式，面前應該有幾百人掛，我睇唔清，幾百人已經好多好多。

「先生，雖然你睇落有練武，但你知唔知道你同緊咩人作對？唔係你地呢種凡夫俗子可以比擬，你身後嘅呢個女人，係要成為國家元首私生子，同樣係真武路上百年難遇嘅奇才，習五常嘅女人之一，真武呀，你地呢種所謂練過下功夫嘅人，唔會明．．．．．」

黑衫人嘅聲音決然而止，因為我身上嘅氣息開始外發，一股氣勢一湧而上。

「睇黎唔洗講咁多，直接郁手。」黑衣人面色一沉，直接就開聲同時揮一揮手。

岩岩佢口中所講嘅幾個名詞，我都唔太清楚，除左『機關』我係聽過之外，乜野「國組」、「妃子」，我真係未聽過，但係故名思義，我都大約知道係啲咩組織，所以我一早就冇抱住好大期望去完美解救呢件事，唯有見步行步，做到幾多就做幾多。

海邊，百浪。前方，百人。

後方，隻影。正面，一拳。

我單臂前伸，左手做左一個大約七十五度嘅夾角，曲住咁放左係丹口側，而雙腳已經猶如打樁一樣，定住係地上。

佢地一直呼叫住咁向前行，有操你媽，有仆街死。

面前呢班人，所有人都係脫凡境，最少都係嘍囉Ａ層次，唔通國家層次嘅機構，最低級都會係呢種人馬嘅武力？

算啦，唔理啦。

我每一拳所至，都會倒下一個人，倒下嘅同時，都會帶走佢嘅左手，宣告埋佢地嘅餘生都係半殘之人。

一拳、一拳、一拳、一拳、一拳、一拳．．．．

我已經唔記得我揮左幾多拳。

由我醉心練拳，到比形意門不知名老坑襲擊，再到依家，我冇休息過一剎那。

勢估唔到會有呢一刻。

意識得返四成清醒，個馬步都開始唔太穩陣啦。

但我回頭一望，見到受慌過度而暈低左嘅佢，我笑一笑，係呀，對住千軍萬馬笑一笑。

有你在身後，雖千萬人，但吾往矣。

新post留名

「我唔會比你再受到驚嚇，唔會比你再受到任何一絲嘅傷勢。」我略帶少少溫柔咁幫佢理順左臉上散亂嘅頭髮，一邊輕撫一邊講出黎，而面前果幾百個人，都一時之間失去左進退，雖然佢地幾乎每個人身上都帶傷，但傷而不殘，殘而不廢，只係差整理好隊型，我諗就會有下一波嘅攻勢。

「好啦，唔理今次係生係死，我地都一齊行落去啦。」

我將二婷孭起身，用自己破爛左嘅上衣圍住左佢。

面前嘅人好似已經重整好陣型啦，慢慢向前逼進黎。

我再次舉起我嘅拳頭，但係我嘅馬步比起之前變化大得多，我因為要顧忌住我背後嘅二婷，逼不得已一定要作出可以走位嘅馬步，去令到自己可以避開身後嘅攻擊，從而可以慢慢咁後退。

我每擊退左一批次嘅人，就後向移左幾步，慢慢已經拉開左同海旁嘅距離。

「小心啦懿婷，我開始無乜力啦，我未必再捱到好耐啦。」

我望住前面一批批嘅人仲係未有消退，仲係人頭湧湧，我終於忍唔住回頭望住熟睡左嘅佢，透露出果一絲疲憊。

「黃先生，一睇就知道你已經係強弩之末，你到底肯放棄未？」黑超西裝友咁講。「只不過係一個女人，以你嘅外表同你依家嘅武力，想搵啲咩女人搵唔到，何必要執著於佢一個呢？」佢渺一渺二婷。

「吓．．．吓．．．好笑，你地又點解唔放棄呀，交咩差咁重要呀？點解一定要係我最心愛嘅女人？」

「太子內定嘅女人我地只係負責帶返去，呢個係我地嘅職責。」

「咪玩啦，香港幾時變左大陸嘅地方呀，佢地執行係佢地嘅事，點解可以管到黎香港呀？」

「黃生，你唔係仲相信一國兩制呢種呃細路嘅大話呀嘛？」

「屌你老母！你條走狗！」我吐左一啖口水就慢慢後向退多兩步。

「今日呢個女人，我地機關一定要帶走，天王都保佢唔住，我話嘅！哈哈哈！」佢見到我越黎越無力，佢就慢慢開始囂張起上黎。

我心有不甘，如果我今日唔係浪費左咁多力氣，做左咁多無謂嘅事，我一定可以同懿婷全身而退，唉，造化弄人。

「加大人數，圍上去，用人海戰術，佢已經無可能再作出好似頭先咁生龍活虎嘅表現！」

我手好軟，我舉起嘅雙手都已經係到打震，我唔可以比佢地帶走你，絕對，唔可以！

「啊！！！！」

我作狀大叫一聲，然後身前嘅人都被嚇左一嚇，以為我仲可以做出啲咩事，跟手我就另轉面，狂跑。

「追！追到重重有賞！太子出手大家都知道啦，快啲去追！」

就係呢個時候我腳一軟，仆左係地上面，心中大亂，好似真係絕望之際，望到身後追趕得極快嘅人群。

「邊個敢傷我朋友！再行前半步，死。」一道白衣飄飄嘅身影就擋住左我嘅視線。

明天繼續

訓啦
聽日希望會多返啲正皮同回應啦
咁就算打兩篇都開心啲

加油，你肯出文啦，你屋企到點，狗狗果到都唔好太傷心唔，加油樓主

加油，你肯出文啦，你屋企到點，狗狗果到都唔好太傷心唔，加油樓主

大部分野都settle down
狗狗就8月8去火化

樓主加油

樓主加油

皮已正

來了來了

Keep pushing

我又push

我又push

咁快就有一個負皮

正評

上個post一直唔記得留名
推

上個post一直唔記得留名
推

你好

正評

Hi你返黎啦