【北部都會區】《病港ＩＩ》（６６）

屌唔係公仔都要死呀嘛

都舖埋感情線 起碼拗返女皇變直先

仆街了

公仔瓜咗邊個做病港3主角

娃娃

俾人偷左

公仔唔會死掛

墨巴死可以換到讀者成長

繼續由廢老M做

睇到依到已經唔記得咗M依家去咗邊

馬公仔

JeffreyBB

我又覺得好正常 佢咁多年嚟好似除咗自己個妹都冇試過長時間同條女去旅行 除咗角色形象可能有部份讀者唔鍾意之外 佢自身嘅條件算襯得起公仔有餘

支持

好似返咗病獵協會然後知道公仔佢地去咗大西北

推

會唔會係艾匡？ 佢本身唔係發夢殺左公仔咩 應該係公仔就死 想死係艾匡手上？

滿天是專業的
不過公仔睇嚟都係死緊

手術成功，但公仔死左

公仔唔好死得唔得

公仔要做埋電影明星 協會生招牌㗎

記得留碗湯畀公仔飲呀

點解娃娃聽完反應咁冷淡
仲計緊比左幾多罐頭，應該佢最緊張公仔條命

公仔咁靚仔
又咁多飯堂姨姨鍾意
點解要俾佢有事呀

早上，九時半。

港鐵八鄉維修中心的車廠開始活起來，有著來自外地的倖存者，包括了大學人商團。

非港鐵公司內部成員只能待在外面的露天區域，所以外地人都會待在不同的車廂中擺賣、休息和整備，昨日大西北遠征團抵達時間已是下午時分，人流自然相對上少。

回到車廂，公仔爽快向眾人說明下個行動。

「大概就係咁，大家明唔明？」

雲水眼睛溜溜，說出重點：「即話我哋要殺死隻百鬼夜行？」

「係。」

「但公仔你有把握？」艾匡神情略微擔憂。

「我有個諗法係將成嫁獵手號撞向百鬼夜行再引爆，如果佢真係好似送信嗰位先生咁講，係由唔同人類個體人疊人組成嘅怪物，照計火勢都會漫延落去。」公仔抱臂慎思。

「但咁樣咪成嫁獵手號無咗，啲抵押金……」娃娃愕住。

「娃娃，已經唔係在意罐頭嘅時候，我哋目標係要盡快入到大西北倖存區。」

「我哋咁做，可能會同依到班人關係交惡。」艾匡想到人際層面。

「都無辦法，爆炸已經係我哋物理上可以做到最大殺傷威力嘅程度，應該無咩生物抵擋得住，要做就做到最盡……」公仔眼神浮出決意。

「但想點引發爆炸？我哋無炸彈喺身。」雲水攤手。

「因為獵手號係蒸汽列車設計，上面有個鍋爐只要超過壓力值就會炸開，要做到依點可以喺短時間內不斷送入燃料，令爐內嘅煙氣容積增大，而去引發爆炸。」公仔詳細說明。

「我哋就喺爆炸前跳車。」嘎嘎接續說下去。

「嗯，計劃講出嚟總係美好，總係成日會有突發情況，到時可能炸唔死百鬼夜行或者爐膛爆炸無如願咁發生，所以……」公仔沉思片刻，深深吸口氣：「如果你哋有邊個唔想參與，可以唔洗跟我上獵手號，上咗車就無得返轉頭，只可以勇往直前。」

「嗯……」大家沒即時回答。

雖然不曾見過百鬼夜行，但她們都早有聽聞。