【北部都會區】《病港ＩＩ》（６６）

綠 記憶

黃 精神

紅 外貌

呢三枝純粹係保護針，打完都唔會變病者，病者針另外計

會唔會有篇幅講呢三支針分別嘅副作用
定其實都係差唔多

好似係第一支好痛, 第二支好撚痛, 第三支好撚柒痛 牙M依家都見唔到有咩副作用

綠=十倍痛 大約痛楚：自焚、凌遲、灌鉛

黃=百倍痛

紅=千倍痛

王秀瞪目看著躺地不動的屍體片刻，才恍恍惚惚地回神過來。

「你有槍早講。」

「我都估唔到你會衝出去。」公仔將左輪手槍揣入腰褲間。

「係我低估咗佢。」王秀一手拾起趙驚雷的刀劍，一手抓起腦漿飛噴的頭顱：「就算有劇痛喺身反應都仍然咁快……」

說罷，王秀割下趙驚雷的頭顱，並脫去其衣裝用以包裹首級。

「走得。」

「佢打嘅應該係特殊病者針劑……」公仔伸手拔出趙驚雷胸口插住的針筒。

「有人唔做居然想投身病者，佢真係失心瘋。」

王秀再往其身上摸索，發現有兩枝未注射的針筒藥劑，一枝黃色一枝紅色，液體顏色鮮艷，看起來相當危險。

「咁危險嘅嘢你最好銷毀。」公仔盯向兩根針筒。

「可能有用。」王秀收起針筒。

任務完成的兩人向西而行，落到一條頗有規模的村落──攸潭美。

夜涼人靜，蟬鳴作伴。

兩人停在一間泰式裝潢風格的佛堂前。

「你企喺到等我。」王秀叮囑。

王秀走入後不久，跟著位赤腳僧侶出來，斷頭似乎已放於佛堂內。

那位僧侶身披橙袍，身材骨瘦如柴，頭髮剃得乾淨。

他擦亮根火柴，映照面前公仔的臉孔：「就係你解決咗鬼劍？」

「係……」公仔按照事實回答。

「呼。」僧侶吹熄火柴，伸指向公仔前額眉心塗了些朱砂：「你已經算係獵手黨一員。」

「……」公仔完全置身狀況外。

「當初點解你會有自信，主動提出自己可以解決到鬼劍？」僧侶看向王秀：「純粹想知原因。」

「我想成為幹部。」王秀不加掩蓋地說。

僧侶微微揚嘴：「事情我會向獵首回報，至於幹部位置嘅空缺，我會繼續留意。」

僧侶回到佛堂去，王秀對她躬個身。

「咩人？」公仔輕撫前額的紅痣。

「獵手黨入面少數可以直接同獵首傳話嘅人。」

「乜獵手之間唔可以周圍傾計？」

「係首級個首，獵首。」王秀看著路面，緩緩說出：「獵手黨嘅頭目。」

「喔……明解，但點解唔可以直接同獵首傳話？」

「獵首平日行事神龍見首不見尾，一般獵手唔會有機會接觸到佢。」

「咁神秘……」

「閒事少理。」

「係呢，之後我係咪等入錦綉就可以？」

「理論上係。」

「理論？」

兩人坐在佛堂外的長椅上，看著月光訴說進城計劃。

「你首要理解下錦綉花園，嗰到唔係個民主嘅小社區，而係個規矩重重嘅紫禁城，我哋唔係宮中要員，亦唔係皇親國戚，你一介草民唔可以貿貿然然行入去行幾個圈，你需要個契機。」

「例如？」

「殺一個人。」

「我已經幫你搞掂咗鬼劍。」

「值得要殺嘅人唔止一個，既然你有槍事情就易辦。」

「枝槍我只會喺危急先用，例如你啱啱差啲死，唔係亂用嚟殺人。」

「即係話……」王秀伸手捻去公仔腰側，左輪手槍便握於手中：「佢係把善良的槍？」

「你……」公仔想搶回去。

殊不知公仔才動了下，王秀馬上持槍指住他：「一係陪我去，一係借枝槍俾我，我自己去。」

「你咁係間接逼我殺人。」公仔稍為動怒。

「想要推動事情就需要殺人，否則你自己坐喺錦綉花園入口慢慢等。」

「咩意思？」

「我要你殺嘅人係錦綉王嘅貼身醫生，佢死咗就會令錦綉王產生深深嘅恐懼同懷疑，以為有人謀位作反，最後不得不召集獵手黨入去錦綉花園揚旗曜武，同時頒布命令搵出兇手，依家身為獵手黨成員嘅你到時自自然然都會跟住入去。」

「你點知嗰個錦綉王一定會咁做。」

「喺西北區未統一前其實依到係個充斥住血腥同暴力嘅鄉郊，侵略係人類嘅天性，倖存者之間周不時都會打餐死，就係為咗爭農田、爭設施、爭資源、爭人力、爭魚塘，嗰陣大概有七、八個大大小小嘅地區勢力？論好勇鬥狠，住錦綉花園嗰班相對地有文化嘅人，點會夠嗰堆自成一角嘅圍村佬鬥，於是……當時錦綉王急需要伙武裝力量幫手，但圍村人家園意識強烈，就算餓死佢哋都唔會投誠，令錦綉王目光放咗落專門獵殺病者嘅倖存者身上……」

「嗯……」公仔耐心聽著西北區的歷史。

「錦綉王重禮召集咗近百位獵手，承諾會照顧佢哋食物同醫療上需求，將本來散亂嘅病者獵人組成咗「獵手黨」，形成強大嘅武者集團，稱佢哋為「獵手」，代替錦綉王嘅手消滅其他圍村、鄉鎮、黑社會勢力，呢班連病者都唔驚嘅獵手，最後浩浩蕩蕩捲席咗全個西北區，幫錦綉王拎咗全個西北地帶嘅話語權。」

「難怪呢到民風咁剽悍，原來當初已經打到血流成河……」公仔終於明白當日那個南哥，為何在得悉王秀是獵手黨後，馬上斬斷張萬鷹的手指謝罪。

「我哋獵手黨實際上就係錦綉王嘅鷹犬，和平時代我哋係狩獵病者嘅獵手，但唔安定嗰陣……就係專門狩獵反叛者嘅獵手。」王秀條理說清所有事實。

「咁講嘅話要殺嗰個貼身醫生係祭品……」

「其實個醫生都唔好得去邊，你估佢無幫錦綉王做過可怕嘅事情？。」

「……」

「公仔，你想達成某啲事情，就必須要付出所謂嘅良心。」

「我只係想入去錦綉見個人，無諗過搞到要生要死。」

「有時候你覺得容易嘅事情，係比你想像中困難。」王秀舉起左輪手槍，打個比喻：「例如依把槍可以一下打死好多，你覺得地位比你高上千萬倍嘅重要人物，但點解無人會咁做？因為人害怕未知，佢哋唔知咁做之後有咩後果，所以對我嚟講，做咗先講，做咗就啱。」

「王秀，你真係好似隻魔鬼。」

「……」

「但……」公仔猶豫地握著左輪手槍，收入自己腰褲間：「即管睇下點。」

早文

又追到live

公仔開始有M 的影子，去冒險，瀕臨死亡邊緣，急速學習&成長，逐漸學會該狠時冷酷

但又流鼻血又影晒相立晒flag

希望滿天救得返佢

Pish

王秀之前好似話研究左化療藥對付癌王

推

我接受唔到dr d 送3針比2打6
針都涯唔住

但佢近期成日岀黎柒，希望有牙d篇還佢公道

推

牙d自己點忍

佢無打紅色

牙M又點忍正常人應該都好似病奴咁，得返只有痛苦咁嗌

儲左幾個月文睇幾日又live左

公仔要打針

分別咪在於佢係主角，病奴唔係