【北部都會區】《病港ＩＩ》（６６）

推一野

推兩野

推三野♡

條友根本就係白卡佬 唔比人討論 成日亂咬人

55m勢力又吠啦

不敢面對

呢幾日睇得好爽
希望以後都係咁

比較希望作者唔好受啲人壓力寫到下下開外掛就好

推

咁撚多人屌
我又屌

屌你墨說出文未呀

我回到河上鄉時，天都差不多光了。

空地等待著的居民彷如重生般，不禁興奮大叫，有的更互相擁抱。

或許獵手黨早已欺壓他們太久，他們有種吐氣揚眉感覺。

「馬克先生，你唔介意嘅就留步，嚟村公所食個飯，我係依到嘅村長。」村長年約八十，應該都快要仙遊了。

「嗯，多謝。」

在村民的擁戴下，我給英雄式接待到村公所內坐下。

「呢班獵手黨都打壓得我哋耐，平時橫行無忌，啍。」一位男村民拍案叫絕。

「咪係！明明有中央供養，都成日走嚟食霸王餐……」戴頭巾的中年女子恨得咬牙。

「獵手賊死得好！死得好！」小孩們叫。

「可唔可以形容下佢死法啊？」幾位少年齊聲問。

村長舉起雙手，示意安靜：「你哋俾少少空間馬克先生，雖然係獵手賊死咗令人感到爽快，但之後我哋仍然要面對佢哋淫威，特別係幹部死咗咁大件事，點都會查到我哋條村到……」

「即係會沒完沒了，直到我死為止？」我問。

「可能會，可能唔會，獵手黨本身就係個良莠不齊嘅組織，裡面的確係存在住好似梟咁嘅一等一好人，但都存在唔少心持惡念嘅成員，我哋唔知仲會俾邊個搵上門……」村長憂心不已。

我拍了拍桌：「煩惱事就唔好講住，係咪有嘢食？」與其憂心自困，倒不如先吃個飽。

「龍嬸，整幾碟撚手小菜俾馬克先生食。」老村長指示。

約半小時後，香噴噴的小菜上碟，包括：煎雞蛋、醃製芥菜、燒豆腐、炸黃魚等，滿載濃濃的鄉村風味，是港島區和將軍澳區都吃不到的新鮮飯菜。

我自起筷後就未有停手，圍觀的村民如同觀看吃播般。

一人勢力出嚟未

他使用旋棍由下而上，想要摧毀我的下顎。

誤招若中，必定重創！

我身子後靠，仰頭閃開。

雕攻勢未停，旋棍橫擊下腹。

「啪──」

我鎖緊腹部防禦，擊中當下仍然赤痛。

「喝──」旋棍再度向前撞來。

雕體格雖壯，卻沒有喪失敏捷度。

與早兩日所遇到的獵手，不是同一個檔次。

應該跟我一樣，是把體格練到頂峰的人。

如果要鬥，就要鬥其他因素。

雙手持著旋棍的雕，再次如同列車衝撞來！

「啪──」

縱然旋棍不帶利刃，那粗大的銅管都足以將人撞得皮骨肉顫。

好，要比力量……

就比力量！

如雕高喝，旋即撞來。

我架好弓步，雙掌向前推出。

手掌與旋棍撞上瞬間，我隱約感受到那股微震由胳臂骨骼間傳遞。

雕想收回旋棍，我即轉為握取，不讓他回收之餘，強行扳開向兩邊，令他中門大開，然後朝前側身雙腳齊出！

「呯──」

雕這下不得不鬆開旋棍，否則身體會無法受身，蒙受更大衝擊。

如我所料，雕鬆手捨棄自己的武器飛開。

那兩把旋棍的重量，比我想像中要重，要是發力撞向別人的腦袋，應該能輕而易舉造成對方腦震盪。

「咳。」雕吐出一小口血。

「噹啷」我把其中一把旋棍拋給他，另一把留自己使用。

一直沉著臉色的雕笑了笑，握著那把旋棍站起來。

補生病文02

雕脫去身上的消防大衣，展現一身蠻橫的小麥肌肉。

「高姓大名。」雕擺出戰鬥架式。

「馬克。」

「依個唔係你真名。」

「要真名嘅話，做到朋友再講。」

兩下呼息後，奔跑的身姿再度發動，互相提著旋棍衝向彼此。

「咚噹──」兩把旋棍互相撞擊，形成十字形。

衝擊大得虎口發麻，餘震充斥整條手臂上。

鬥至力氣接近臨介點，我們不約而同地退卻，轉為利用旋棍互相快攻。

由於使用重銅製作，每下揮擊均會傳出嘯嘯的風聲。

兵器鏗鏗鏘鏘互擊十來回，雕已經略見疲色。

看來他為防禦我的攻擊，每次揮擊都使上百份百的力氣，導致體力消耗不尋常地快。

「隻手臂酸未。」我問雕。

「你比我想像中難對付。」雕換另一隻手持旋棍。

「我哋唔一定要分輸贏。」我小口呼氣，凝視面前的雕：「除非你都係嗰種，因為自己係獵手黨而唔需要顧及是非對錯嘅人。」

「廢話少講。」雕壓低身子，旋棍握於腰後。

他想來最後一擊……

好，就奉陪到底。

我擺出同樣的姿勢，盯緊著雕。

村民們屏息以待，心臟怦怦地跳。

雕近乎咆哮，向我全速奔來！

我也出盡全身的力氣用旋棍撞向對方，銅器相撞當下產生震耳欲聾的聲響。

「咚啷──」

最終，抗衡不了衝擊力的雕，旋棍飛脫，自身向後彈開。

「呯」雕倒落地上。

我將沉重的旋棍掉到地上，上前給雕伸手。

表示善意的手。

雕看著那刺耀的太陽，自己手撐地面坐起。

「決鬥嚟講係我輸咗。」雕深深呼吸，放下事情：「技不如人，我都唔會追究落去。」

「你先聽下因由再決定。」我把黑將軍和馬尚峰的事，完完整整地說出，旁觀的村民們負責作證。

數分鐘後。

「原來佢哋濫殺平民……」雕若有所思。

「你認為係啱定錯嘅事？」

「緊係錯事。」盤腳而坐的雕正式站起：「就算係獵手黨做，都唔會變成正確嘅事。」

「咁河上鄉同獵手黨就既往不咎？」我好像擔當著調解員。

雕橫視全村居民，點頭：「嗯，係我行事魯莽咗。」

「如果你肯一開始聽我講……」

雕穿回消防大衣，簡直是人形衣架子：「當時你已經對付咗兩個獵手，我對你嘅印象就係非常危險，唔可以俾你有任何機會，而先下手為強。」其思路不能說有錯。

「呼，算係不打不相識。」

「當係賠個罪，兄弟你有冇興趣食嘢？」

對方好像是獵手黨高層，或者可以靠他問出些少情報？

「帶路。」我欣然接受邀請。

雕帶我到不遠處青山公路古洞段上的錦益茶樓，裡頭裝潢雖然殘殘舊舊，留有不少歲月痕跡，但不礙廚房食物香氣四溢。

「雕獵手！今日咁大駕光臨，想食咩我幫你落單。」資深侍應拍拍胸口。

來吃飯的農民，多叫蒸魚飯。

但重點從來不是那條魚，而是蒸魚底下的醬油。

醬油經高溫燒滾加上鮮魚甜味，拌飯的話可吃幾碗。

「兩斤牛肉，一斤酒。」雕點餐。

「要劏牛啊……」資深侍應面有難色。

「得，有人追究我會保你。」雕給他擔保。

「得，即刻準備俾你。」話畢，資深侍應離去。

「兩斤牛肉一斤酒？真係武俠小說咁款。」我輕笑。

「食唔食到？份量都唔少。」雕問。

「緊係可以。」

談正事前，先大快朵頤再說。

當牛肉和黃酒擺上檯面，引得不少食客側目望來，始終牛肉屬超級奢侈的食品，有無數人好久沒嚐過肉品。

本來我想要對筷子，但見雕簡單洗手就徒手拿起肉塊粗暴地撕咬，吞肉的時候配黃酒下肚，痛快的骨嘟骨嘟，好不爽快。

所謂的大口吃肉，大碗喝酒，應該就如他一樣。

我也學他手拿肉塊，捧酒大喝。

相比用筷子小塊小塊地吃，確實別有一番風味。

兩斤的牛肉，我們每人各吃掉一斤。

黃酒則額外多叫半斤，酒倒在碗中所產生泡沫像極了雪花，讓我們迫不及待喝下。

「呯」肉吃光、酒喝光，我們大力把酒碗放到桌子。

「嗄……」我靠著座椅回味。

「所以你真名係？」雕抹掉嘴上的酒跡。

「M。」我答。

雕點點頭：「你應該唔係本地人？」

「睇得出？」

「如果區內有好似你咁嘅高手，我點會未聽過，而且……無人敢得罪獵手黨。」

「但聽落你哋成員都幾神憎鬼厭。」河上鄉百多位居民，都好像不太喜歡他們。

「都係基於以前我哋做落嘅事，加上部份新成員為非作歹，有咁嘅印象唔怪得其他人……」雕把話說得沉重。

「你係獵手黨嘅管理層？」

雕用了幾秒思考我的說話：「都可以咁講，我哋「四禽」對上就係獵首，對下就係幹部，但基本上獵手黨日常運作，暫時都係得我負責……」

「你上級仲有同級？」

「上級佢有重要嘅事處理，長期唔見人，同級嘅就分道揚鑣，有戰死嘅、有退隱嘅、有獨行嘅，得我一個叫做稍為聯繫住成個獵手黨，但實際上都已經分離得好緊要，無個可以聚集人心嘅領袖，最近基地仲受到破壞……」雕輕舔苦澀的嘴唇，苦笑了聲：「所以先會收編到咁多品行惡劣嘅成員。」

「你總人員數目幾多？」我問。

「正常限制喺九十九人內，每當有人退出或者死亡，先會填上候補人員，嗰到數目都唔細，當然依啲繁瑣嘅事務都交俾幹部負責，我唔得閒理招生嘅事情。」

「只能夠講上樑不正下樑歪，無好嘅幹部就唔會有好嘅成員。」我將管理經驗傳承給他。

「我哋嘅幹部經歷過八鄉嘅事之後，好多都有咗陰影，性格大變，變得肆無忌憚都係在所難免，但又唔能踢除佢哋，始終佢哋每個人喺嗰件事上，都付出咗真真正正嘅血同汗……」

「八鄉發生咩事？」

「一場災難。」雕一語總結，深深呼吸：「全個倖存區一半人口變咗病者，我哋成晚無止境殺戮，最後全黨死淨好少人。」

摩西食完到m開餐

m 都唔係真名

同埋就咁睇獵手黨啲嘢冇咁簡單

其實我感覺呢場同雕打既先係正確既戰力。
之前一係就55或者兩敗俱傷，一係就外掛秒要變強得黎，又維持喺大約人類水平，應該係呢場咁，
難打得黎有方法贏，人地有勁既點都唔影響。
能力越強有邊際效應，贏既就係果少少邊際。

四禽有冇雞

真名係M