【北部都會區】《病港ＩＩ》（６６）

由於本系列第一季字數超過一百萬字，強烈建議想要追看的讀者，先在Penana閱讀《病港》故事：

https://www.penana.com/story/73992/%E7%97%85%E6%B8%AF/

——————————————————————————————————————

廣告

——————————————————————————————————————

有興趣留意我最新消息同動向，歡迎Follow同讚好：

ＩＧ：maksyut20030164
ＦＢ：墨說

Penana：https://www.penana.com/user/93168/%E5%A2%A8%E8%AA%AA/stream?fromsearch=%E5%A2%A8%E8%AA%AA

——————————————————————————————————————

【《病港日報》資訊區】：

——————————————————————————————————————

【會長】

——————————————————————————————————————

【顧問】

【松木村「大師匠」認可神器】：

１：鯨牙大劍
２：金鷹頭拐杖
３：夜行傘
４：黃金貝果
５：神傘
６：腦電波情緒控制器
７：巨商之戒

——————————————————————————————————————

如果想支持我創作，或者想睇《病港ＩＩ》快少少嘅話，可以到本人以下付費網站購買通行證：

https://maksyut.com/

連登每有２００正評，付費網站和連登都會加一更，約３０００字

真po

Lm

休息片刻，娃娃分派每人一個罐頭，早已飢腸轆轆的大家囫圇吞棗，不嚐其味只為填肚。

外面的看守者也餓了好久的樣子，全部人隔著車窗望梅只渴，吞嚥口水。

想和對方打好關係的娃娃，拿了罐沙甸魚罐頭到外頭：「各位大哥辛苦你哋，唔介意嘅你哋想唔想要罐？」

對方喜形於色收下罐頭：「呃……好啊，多謝你先。」展出笑容時無意露出崩掉的門牙。

「係呢，可以點叫你啊？」娃娃續問。

「叫我崩牙哥得啦，我估你應該早就留意到我隻崩牙喇。」崩牙哥先自嘲，減低被恥笑的痛苦。

「哈哈哈，都幾得意啊。」娃娃假笑，明顯說假話。

「第一次有人話得意。」崩牙哥尷尬抓頭。

「話說依到其實住咗幾多人？」娃娃打鐵趁熱，打探情報。

「都唔少嫁，外地人都有。」

「原來仲有其他人。」

「你哋有冇去過其他地鐵站？嗰到應該都有港鐵公司嘅成員。」

「我哋經常喺地面上移動，好少話落地鐵站。」

「咁你哋都幾勁，地上咁多病者，我就真係唔敢喺出面行嚟行去……基本上鐵路嘅綠線同紅線地區，都有我哋嘅人插旗，九龍係總部，依到算係西北區嘅前哨站。」崩牙哥指著維修中心簡略說明。

「咁鐵路可唔可以去到西北面個倖存區？」

「你哋想入去啊？」崩牙哥橫視車廂，視線停在艾匡身上：「好難喎，嗰到防疫條例極嚴謹，聽講就算係咳一聲都即刻會俾人囚禁，發燒直接打靶，我睇你朋友有少少燒咁，況且嗰到長期行緊封鎖狀態，唔係外人可以自出自入，除非你本身係咩醫護人員……」

墨霸slow

「咁嘅咩！？」終點看似甚近，卻是那麼難行。

「不過如果你話真係要入去，應該一係靠山路、一係靠鐵路，但鐵路近期應該唔得嘍，有個大麻煩……」

「病者嘅麻煩？」

「如果係普通病者都仲好，我哋可以搵獵手去處理，但嗰隻嘢唔簡單，佢叫「百鬼夜行」……唔知你有冇聽過喇，隻嘢好討厭太陽，所以經常留喺地下鐵路到隱藏同活動，遇到佢就實死無生，依個星期有人話喺朗屏條鐵路見到佢，無人敢冒險上去。」崩牙哥拉開罐頭，兩指握起沙甸魚尾部伸舌輕舔酸甜的魚肉：「靚女，點稱呼啊你？」

「娃娃。」

「咁啱我哋站嚟咗個算命佬，佢就係西北嗰區嚟，佢應該比我更加清楚，我睇下幫唔幫到你搵佢，同你傾兩句計、問下嘢？」

「係咁就太好啦！」

「唔知你有冇多個罐頭呢，我都想分啲俾兄弟試下。」

「有，你等等……」娃娃回去背包，挑了個比較難吃的罐頭給崩牙哥。

「嗯……瑞典鹽醃鯡魚，真係未食過，好，我會記得幫你問問。」

天色漸夜，下著微微涼雨。

今天上山下山，加上癌王襲擊，實在消耗太多精神和體力。

「轟隆──」雷鳴響起。

頭腦燒了半天的艾匡，除休息外別無減低辛苦的方法，聽著雨聲淅淅瀝瀝，她有點想行出車廂外給自己降溫。

「唔……」艾匡握著扶手柱坐起，小心行出車廂外。

「隆隆隆隆──」雷神彷彿將咆哮收在喉頭中。

「轟！！」冷不防，天空炸出雷光。

全場耀目閃爍後，艾匡駭然發現面前多了個人……

被稱為「不可名狀」的神性男子。

「……」艾匡默默看著衪。

「預視畫面經由我傳達落你身上，越係相信，腦神經越容易接受衝擊，相反對我產生住質疑，好快會燒壞腦。」

「我點先會好……」艾匡按著發熱的腦袋，想思考都覺得困難。

「虔誠。」

「要我對你虔誠……」艾匡直視著衪，壓根看不透：「但我根本連你係邊個都唔知。」

「虔誠唔需要原因。」

「我只係怕自己同緊魔鬼做交易……」

「好壞真係重要？人類最後都只會記住結果。」

「咁你其實到底想我做咩？」艾匡問。

「到你足夠虔誠嗰陣，自然會了解。」

「艾匡？」公仔探頭出車廂外。

艾匡驀然回首：「公仔……」

「你同緊邊個講嘢？」公仔看不見外面有任何人。

「我……無嘢，我只係無聊同緊自己講嘢。」

「如果你覺得無聊可以同我傾下，我咁啱都醒咗無咩做。」

兩人回車廂中坐下，談及今天發生的事情。

「今日辛苦你，有時我覺得你好似……」公仔苦笑，斜看著艾匡：「比我仲有領導能力。」

「我多謝你先係，仲特登返嚟扶我走。」抿笑的艾匡也側目看著公仔。

正值花樣年華的兩人眼神真摰對視瞬間，心中情感猶如暴露於風中。

公仔有些說話想訴出，但此刻卻像啞了一樣。

突然，有位不認識的男子踏上車廂：「打搞哂。」其手持華麗扇子，衣著酷如少年風水師。

公仔和艾匡兩人馬上抽離那微妙的氛圍，轉向那位不明男子：「請問你係？」

「在下姓邪，名訣臣，可以叫我老邪。」

「咁……老邪先生請問你入嚟係？」公仔姿態保持防備。

「我聽個崩牙佬講，各位有事搵我？」邪訣臣說。

「係啊！」娃娃無預警地張眼醒來：「你就係崩牙哥講嗰位西北區嚟嘅居民？」

「正是在下。」邪訣臣抱拳。

「娃娃你識嫁？」艾匡神情茫然。

「今日我問咗人，原來西北區係好難入，依位老邪先生可能幫到我哋。」娃娃小聲給兩人說明。

「原來係咁……」公仔掌握情況後，馬上伸手請示向關愛座：「請坐請坐。」

「幾位想要算命？我收費唔平。」邪訣臣翹起二郎腿。

「我哋係想問關於西北倖存區嘅事。」娃娃合手。

「咁都叫做問嘢……」邪訣臣沉思半晌：「都要收錢。」

「罐頭你啱唔啱？」

「當然可以。」

輕輕一推

新Po 留名

Lm

Push

想問下糖果女孩嗰幾個版本有咩分別?
淨係買咗最左邊嗰個版本

lm

lm

寂之鴉係好舊嘅故? 除咗佢其他都有睇晒

冇喺網上連載過嘅殺手故墨B 2019年喺明報出版社出嘅，同V14世界/病港世界唔同世界觀，係字母系列嘅主角之一

1. 兩本完全版都比上下冊版同網上版多咗一個《符愛糖的二十五歲》外傳
2. 網上版糖糖係樂仔旅行三年後喺CU畢業，實體書版糖糖係樂仔旅行四年後喺KongU畢業
3. 插圖唔同咗、網上版章節標題同實體版唔同，實體版文句用字都靚少少

其他就冇乜印象了通常隨手拎起邊本就睇邊本

巴打解釋得好清楚
順便問下 香港以外地方有冇辦法買到?

我都係叫香港朋友郵寄俾我唔係好清楚sorry
依家應該只可以買到左2最新版

唔該晒ching
我儲唔齊啲書硬係覺得爭啲咁