【北部都會區】《病港ＩＩ》（６６）

有咩？同埋當時唔係應該戰亂緊？

錯啦 係有隻狗係到先唔洗55波咋

我掩護你 啲人唔講55m唔舒服㗎

好似係話畀人追殺定趕走咗

推

過街老鼠日日喊打

1324

摩西細味嘴嚼著劍魔的軟骨，嘴巴滲流出人血，骨頭咯咯噠噠地響。

給摩西吃掉敵人，是處理屍體最好的方法了。

事後我騎著摩西多搜幾圈，結果依然毫無收穫，眼下卯時將至，唯有回老窩稍息。

途經河上鄉時，聽見那裡異常吵鬧。

我騎著摩西前去快瞥幾眼，竟見所有居民楚楚可憐的跪到地上，如同待宰的魚肉，仰首看著正乘騎馬匹的中年漢。

「仲未有人講？」棕馬上的男人睥睨地上居民，聲線充滿威嚴：「日出前無人供出兇手，你哋全村會死一半人。」

「馬獵手……我哋嗰日真係閂哂窗門……完全唔知外面發生咩事……淨係聽到、聽到慘叫聲……係得咁多。」老居民膽顫心驚，不敢正面答話。

「你意思係我派嚟嘅手下，自己喺到原地蒸發咗？」馬獵手舉著單鈎槍指住老居民頭部。

「唔、唔係！只係……」老居民正要回話。

馬獵手忽然怒髮衝冠，舉槍砸下。

「啪」老居民頓時雙眼反白，昏死過去。

「全村人聽住！」馬獵手對眾人大喝，激動得飛沫大噴：「如果你哋唔將個真相講出嚟！！玉皇大帝都保你哋唔到！！！」

「我嗰陣聽到老虎定係狼嘅叫聲……」、「我淨係聽得好清楚黑將軍慘叫，但第朝除咗血水，地上根本無佢屍體。」、「我個日喺朋友屋企過夜，我有不在場證據嫁馬獵手……」居民們紛紛給出似是而非的訊息。

原來是我當日殺了黑將軍的爛攤子，引發到如今後續的事情……

雖然自從來到西北區後打來打去，但今次我總不可能不出面吧，畢竟事情由我而起。

我一如既往讓摩西等待，隻身踏入村口「河上鄉」的拱門。

「搵緊我？」我朗聲問。

馬獵手回首凝視：「係你？」

「你講嗰個黑將軍係我殺。」我兩手空空，坦誠相認：「但佢係抵死，因為佢當時強姦緊個女居民。」

馬獵手稍稍昂首，問問村中人：「真係有依件事？」

「呃……噫……係，當時黑將軍搜查緊嗰陣，的確對其中一位女居民有少少興趣。」一位較大膽的男居民答

「淨係叫佢嚟河上鄉搜下有冇可疑人士，居然走嚟順便玩女人……」馬獵手面露慍色，顯然不滿。

「所以，不如就和平解散。」我進一步提議。

馬獵手笑了笑：「你叫咩名？」

「叫馬克就得。」

「真係巧合，我都姓馬，叫尚峰。」馬尚峰控制馬兒徐徐走來：「但馬克啊，即使係我哋唔啱，你都唔應該自己貿然出手……」

「係？」我抱著平和的心態反問：「咁應該點，當時情況危急。」

「你應該向我哋投訴，我自然會作主。」

「但到時受害人都受到咗侵犯，而且佢有位家人被當場打死。」我不太想跟他談道理。

「如果你可以自把自為咁殺咗我一個人，咁即係話我呢個幹部管教無方，你係咪當我哋獵手黨無道？」單單是那隻馬都比我高。

「總之佢死有餘辜，其他人無辜。」

「你咁做會令我好無面。」馬尚峰高舉單鈎槍，準備砸落我頭頂：「所以請你唔好郁……」

「呼──」單鈎槍劃落。

我舉手接住單鈎槍續向後扯，馬尚峰隨即墮馬。

他想把單鈎槍搶回，奈何我單臂牢牢握著，不讓它回到主人手裡。

馬尚峰暴喝一聲，伸腳踢向馬臀，其馬登時向前衝撞。

眼看棕馬撞來，我同樣伸腳踢向馬胸。

「嘶！」棕馬仰蹄大叫，差點失去平衡。

「神駒！」馬尚峰慌喊。

單鈎槍和馬兒，馬尚峰顯然更在意後者。

馬尚峰最終選擇棄掉單鈎槍，跑向並騎上神駒，策馬離開：「你地睇住嚟！」

馬尚峰狼狽地跑離河上鄉，暫時安全了。

「做咩唔追呀馬克大佬！」見馬尚峰遠去，居民們急問。

「佢都走咗。」

「佢會吹雞嫁！佢係獵手黨幹部，旗下有十幾個獵手跟住佢，到時仲多人嚟啊，真、真係屠村都似……」所有居民都慌張起來。

啊，只想到他知難而退，完全忘記他去叫人幫忙的可能性。

這樣的話，不能讓他跑掉了。

我馬上追出村口，離開居民視線範圍後大叫：「摩西！」

「吼嗄……」待命的摩西立即跟在後頭。

我拉住摩西的毛髮騎上背部，追擊剛乘馬逃去的馬尚峰。

摩西雖快，但那隻神駒都不慢。

兩隻座騎於河上鄉路追逐，冷風不斷地撲臉，速度持續加快，感覺緊湊非常。

「追緊嚟！？」馬尚峰轉頭望後，有些驚惶：「佢到底騎緊咩……」

每個轉彎我都要抓得特別用力，以防拋離摩西背部。

「你……你殺咗我……獵手黨唔會放過你，我係幹部！黨裡面嘅幹部！唔係你可以隨便……」看著距離漸漸拉近的馬尚峰，無法再多說話：「噫……你無留心聽我講嘢……」

「你攻擊對方嗰陣，就要有俾對方反殺嘅覺悟，睇嚟你留喺倖存區橫行太耐，忘記咗作為狩獵者嘅素養。」我說。

馬尚峰啞口無言：「……」

「停低，至少我會俾你隻馬留低。」我給他機會。

「呀啊啊啊啊啊啊呀！！！！！」馬尚峰陷入癲狂不停鞭策愛馬，歇斯底里地大喝：「黨內嘅四禽會幫我出面！更甚、甚至係獵首……你做咗個好錯嘅決定，得罪一個人等於得罪成個黨派勢力……你一個人憑咩呀！」

「我一個人就係……」我大拍摩西頸項，示意牠可以動口：「勢力。」

「吼！！！！！！」摩西張開腥臭可怖的利齒，要咬掉神駒的後腿。

為了躲避咬擊馬尚峰操控愛駒轉左，其後失控撞進一間鋼材供應倉庫中，如同高速撞向堅固的鋼牆無異，頓時人仰馬翻，留下一片血肉模糊。

「呯──」

我剎停摩西，領著牠緩緩走入倉庫內。

馬尚峰如同失控撞車的司機，渾身披血，神志模糊。

心愛的神駒，則橫死當場。

「啊……嗚……啊啊，神駒……神駒啊……多謝你……陪我咁耐。」馬尚峰看著愛馬痛心疾首。

「吼吼吼……」摩西不留情臉，視神駒屍體為馬肉吃掉。

「啊啊啊啊……呀……」馬尚峰瞪目張望，眼前深沉的陰影。

花不到十秒摩西就吞掉整頭新鮮的馬，轉而望向仍然鮮活的馬尚峰。

「先撩者賤。」我拍拍摩西，示意可吃掉：「你安息。」

「吼嗄嗄……」摩西再次張嘴，多吃一名獵手黨成員。

「啊啊啊啊啊！！！！！」馬尚峰用最後的力氣慘叫。

「啪格啪格嚓嚓嚓──」

一人勢力

M係咪可以攞班友啲令牌自出自入

一人勢力成員：摩西

眼下卯時將至

嗰啲廢老口吻出晒嚟

摩西自助餐

大西北班友都幾廢，又話玩開決鬥又話好勇鬥狠又話獵手黨點惡名昭彰

成班主角下下都秒殺，打橫行咁滯

M 用摩西屈機就算啦，滿天都可以話因為滿天本身都 A Tier
屌佢連艾匡呢啲俾盡 B Tier 尾唔算最揍得嘅都可以秒個錦衣衛

Pish

正！

唔係話有人打到佢走咩

最近睇得好爽

馬上風

怪物M就係獵首

on99
一日食一個人就完文？