【北部都會區】《病港ＩＩ》（６６）

推

推

日光在上
無文起身

好好休息

麥霸時間朝早

起身啦麥霸

你點回覆的

12點了，課金都一樣冇文

早上已過

朝？

「記性唔錯。」王秀翹起嘴角，流露慧光：「身手都唔錯，同行？」

公仔怔一怔：「你點解咁了解我……」

「真係？我只係見你嘅戰鬥技巧好似係接受過系統式訓練。」

「我嗰到唔係叫獵手，係叫病獵。」

「但你哋都應該叫嗰堆病化咗嘅怪物做病者？」

公仔會心一笑：「嗯，呢點我哋相同。」

「今日唔斬你哋扔落海……」那位南哥扶住插入眼球的髮簪，怒不可遏大喊：「我唔叫吳天南！」

你一言我一語閒談期間，那群刀手已經將兩人包抄。

兩人給圍在道路中間，沒法輕易突圍。

「即管嚟，就睇你有咩下場。」王秀負手而笑。

「下場？你咩後台咁把炮啊！」吳天南聲量極大。

「南哥！佢係獵手黨嘅人！」張萬鷹說。

吳天南臉色驟變：「獵手黨？」

「係。」張萬鷹指住王秀：「我親耳聽到佢咁講！」

吳天南一陣沉默：「嗯……」

「企我後面。」公仔又舉起鐵鏟。

吳天南忽然抓住張萬鷹的左手，強行按落地上。

「南哥！？」張萬鷹驚愕。

吳天南手起刀落，咯嚓聲響砍斷張萬鷹四根手指。

「嘩呀呀呀呀呀──」張萬鷹何等痛楚，全寫在臉上。

公仔張著嘴，看不懂情況。

「對唔住，我手下唔識世界。」吳天南向王秀道歉。

「小事。」王秀答。

「啊……嗚嗚……啊啊……」張萬鷹渾身是汗，盯著自己的斷指。

「今日嘅事應該唔同你哋結怨？」吳天南一改態度，平和不少：「如果早知你係獵手黨成員，我絕對唔會咁魯莽。」

「放心，小事。」王秀欣然點頭。

吳天南咬緊牙關，拔出眼球上的髮簪：「嗚啊……嗄……依枝髮簪，還返俾小姐你。」

「幫我去拎。」王秀指示公仔。

「喔……」公仔小心翼翼的上前，一把手拿走髮簪。

「咁我哋離開先。」吳天南躬身，帶領全員離開。

轉眼間，事情又解決了。

王秀轉頭向公仔問：「知道家門嘅重要性未？」

「點解佢會驚到咁，你哋獵手黨好出名？」

「出唔出名見人見智，但有點所有人都公認……」王秀握著那沾血的髮簪，將殘留的眼球組織抹到公仔衣服上：「成員嘅手段都好殘忍。」

「對住病者？」

「無論係人定係病者。」

「你哋會對付人？」

「有病者嗰陣我哋係獵手，無病者嗰陣我哋係殺手。」

「……」

「嚇親？」王秀帶公仔回到大路上。

「我哋嗰到病獵有個第一原則，就係唔做任何牽涉傷害人類嘅工作。」

「除非對方先傷害你？」

「嗯。」

「如果你真係想入錦綉，我可以盡量安排下，但你唔好抱有太大期望，下次再見到我會同你講結果。」

「喺邊到見？」

「就同一間茶餐廳？」

「你唔可以俾獵手黨個地址我去搵你？我俾茶記個老闆黑名單咗……」

「我哋獵手黨最近出咗少少事，暫時我都會喺外面走嚟走去。」

突然間，公仔想起之前貨車找到的信件。

「啊，有啲嘢唔知對你有冇用……」公仔把信件拿出。

「咩嚟？」

「上面好似有提到你哋獵手黨，講咩偷襲？唔知係咪關事……」

王秀越看，神情越嚴峻：「你喺邊到搵……」

「一部貨車嘅司機身上。」

「當時部貨車有冇裝住隻爛泥咁嘅嘢……」

「有，聽個司機講佢叫做癌王？」

王秀眉目深皺：「近排的確有班神秘人半夜襲擊我哋獵手黨基地。」

「隻癌王真係俾佢哋解放咗？」

王秀點頭：「原本我哋花咗好多心血先調製到化療藥劑去擊潰癌王，但某晚信入面依班人衝咗嚟襲擊我哋，將癌王收集運走……你仲有冇其他情報？」

「係得咁多。」

「嗯……至少證明咗，背後有個勢力喺到搞事。」王秀收起信件，揚長而去：「後日再喺茶餐廳見。」

「喔……」公仔不忘對她揮手：「再見。」

半天過去，前往錦綉花園的事算有著落了。

由於時值中午，陽光較大，一般農田、魚塘、畜牧的農民，都紛紛前往鄰近的鄉鎮店舖休息片刻順便吃飯補充體力。

農民數量比想像要多，他們會擠滿為數不多的食店內部，吃的午餐不外乎蒸魚、雜湯菜飯、烤蕃薯等等，較奢侈的可能會添塊狗臘肉或雞蛋，無論什麼都吃得津津有味。

農民飯後除了閒話家常聲，更會圍在一起看看拳賽、玩玩公雞毆鬥，跟港島區居民的生活作風完全是兩碼子的事。

決鬥可說是無處不在，經過路邊麵食攤檔的公仔，碰巧又看見一場決鬥。

「碗魚蛋麵我買先嫁躝開喇！」

「你話係就係啊？我一早企咗喺到喇。」

「決鬥！唔洗講咁多。」

「嚟呀！驚你啊。」

兩名農民為爭奪誰先買麵，即場進行毆鬥互相打得頭破血流，其中一人更倒地不起。

「依個地方真係……」公仔打算盡量無需交流的話，都不會與人對話。

下午時分，農民都會回到田上工作。

有時公仔老遠經過人家的農田，都會馬上被投以警戒的目光，要是走向農地範圍更會給別人提著農具問候，彷彿一言不發就開打，那些農民大概是怕自己的農作物會被人偷取。

天色入夜前，公仔回到加州豪園的臨時庇護所中。

公仔使用暗號敲門，由娃娃開門迎接：「哥，點啊？打探成點……」

「我搵咗人幫手。」公仔摘下眼鏡和面巾。

「信得過？」

「應該信得過，你地又點？」

「晏晝嗰又多個仔返嚟，雲水喺用入嚟嗰陣，用槍柄打暈咗佢。」

「有綁起？」

「有。」

「即刻依家我哋綁住咗兩條友。」公仔踏往上層，打算看看羅嬸的兒子們。

有文睇了

Dr. D 班友全港去混晒

推

有文一推

大西北友推！

兩兄弟給五花大綁困在房間內，縱使給綁了半天仍然不放棄無謂的掙扎意圖。

「問到叫咩名？」

「一隻叫丁魚，一隻叫丁蝦。」

「原來佢哋姓丁……」

「我估仲有兩個未嚟嘅兄弟，其中一個叫丁蟹，另外嗰個諗唔到。」

「有冇餵佢哋食嘢？」公仔蹲下來。

「無。」娃娃搖頭。

「繼續餓下佢哋，少啲力氣掙扎。」

「得，識做。」

「廚房有冇嘢食？」公仔問。

「有少少，我就係等緊你返嚟先整。」

「你整住先，我攤陣……」

公仔今天異常累，忍不住躺上床。

娃娃收集了廚房存量不多的食材，半包米、綠豆、花生、紅小豆、山藥、紅棗、百合，全部混起來放鍋煮剛好能夠做鍋八寶粥。

一個小時後。

熱烘烘的粥給捧上餐桌，每人都能分到一小碗。

「公仔。」艾匡輕輕敲門。

艾匡再三叫喊，房內都沒有回應。

「公仔？」艾匡抱著歉色，小心開門：「我入嚟喇。」

公仔睡得非常深沉，像累壞了。

艾匡撫著公仔的頭髮，他才漸漸從夢中睡醒。

「……咩事？」公仔一副睡眼惺忪的樣子。

「食嘢啦。」艾匡給他伸手。

「食嘢？噫……」公仔拉住艾匡的手起身：「真係攰到死。」

「你今日落咗田咩？」艾匡笑問。

「打咗場架，跑咗陣咁。」

「相比起我哋咁真係幾辛苦。」

兩人下去後，正式開飯。

餐桌上吃粥期間，公仔不忘分享今日的所見所聞。

對她們來說就像個新世界，聽得津津樂道。

飯後大家準備休息去，畢竟是末世的標準睡覺時間了。

偏偏行上樓梯的時候，大門傳來鑰匙打開的聲音，有什麼人正要開門進入……

大家互望一眼，馬上轉身想要衝到門口前，奈何剛踏出梯級，那人便開門了。

「咣」

「我返嚟喇媽，捉咗啲蟹孝敬你。」那位甫入屋內的兒子，呆呆看著眼前不認識的幾位年青人。

「……」

「你哋係邊個，做乜係我屋企……」

他們距離門口有五米左右，如果現在發難衝上去，對方要轉身大叫綽綽有餘！

「唔好急。」公仔暗暗提醒。

「其實我哋係你媽媽邀請嚟。」艾匡嘗試溝通。

「我阿媽唔會亂俾人入屋……」警戒的兒子後退一步，續向屋內呼叫：「媽！？」

屋中沒有回應，兒子懷疑更深。

「佢老人家訓緊覺啊。」嘎嘎說。

「我阿媽係老，但佢唔會依個鐘數訓。」兒子再退後一步。

「不如你入嚟先喇？」雲水說出極可疑的話，火上加油。

「你哋係入侵者，我要叫人嚟……」最壞的情況出現了。

「咪亂叫。」雲水直接拔出左輪手槍，指向門外的兒子：「你兩個兄弟仲有阿媽都喺上面……你試下叫。」

「你、你以為咁就威脅到我？我唔會驚嫁。」兒子強裝鎮定。

「你唔驚死，咁我都唔爭在射死你，再射死埋你屋企人。」

「你開槍就喺人都知你哋喺到！」

「係啊，到時仲係人都知你死咗喺到。」雲水點點頭。

「死靚妹，你咪玩嘢啊……將我屋企人交出嚟。」

「只要你入嚟，我確保你屋企人無事。」

「我要見到我屋企人先！」兒子亦不相讓。

「得，帶佢其中一個屋企人落嚟。」雲水示意。

「我去。」公仔主動到樓上去。

然而，他卻不是走入兒子們被囚禁的房間，而是將走廊的窗戶打開，跨腳踏出屋簷上，靜悄悄的捉住屋簷邊緣落下，等門口的兒子聞聲轉頭時，化身成刺客的公仔已將其撲倒，手刀劈落喉嚨位置重擊氣管，然後徒手捂住對方鼻嘴，活活將對方弄昏。

接著是同樣流程五花大綁扔入房間中，整個家族只餘下一位兒子和給葉青茶控制著的父親。

第二天清晨，公仔確實好想睡到下午，但廚房的食物都吃光了，身為隊長總得出外找點食物，但他絕不可能像大學般打工，不得已下唯有靠偷竊，趁中午的時候潛行到別人家的農田，抱走兩個萵苣。

「汪汪汪！汪汪汪！」看門的唐狗吠不停。

公仔不知哪來的好心，順便把綁住狗的繩給解開了，讓牠重獲自由。

「走啦！」公仔拍拍牠尾部。

「汪嗚。」看門唐狗馬上跑走。

原來那隻唐狗並不是想提醒賊人出現，而是想要外人給牠鬆綁。

兩個萵苣可以做到什麼菜色？想不到的娃娃索性撕開一塊塊沾點醬汁吃。

最後一位丁家的兒子，亦不負眾望於下午現身，他的下場自然與兄弟相同，現在應該不會有人再來打擾。

雖然公仔等人不會殺死他們，但也不能放掉他們，不然他們通報的話會毀了整件事。可有些時候噁心的不是會腐化的死人，而是活生生會撒尿排泄的活人，在沒有安排如廁的情況下，四兄弟都在褲子內解決大小異便，不到兩三天整間人質房就臭氣沖天。

時間轉眼又過，公仔記得今天要跟王秀碰頭。

公仔很早來到上次的茶餐廳，老闆看見他後馬上作出阻止行為：「我上次已經講明唔歡迎你哥仔……」

「但係……」

「無但係，唔該你走。」老闆說得決斷。

「決鬥！」公仔舉起拳頭。

「咩事啊你。」老闆呆若木雞。

「你唔俾我入，咁咪決鬥……睇下入唔入得。」

「嘩，你都幾無賴喎！」

「出嚟決鬥。」公仔準備行出馬路。

「唉得啦得啦！入嚟喇。」老闆唸唸碎：「真係癡媽筋……」

老闆好慘

公仔放狗諗起RE4 佢係咪會返嚟報恩