【北部都會區】《病港ＩＩ》（６６）

初黎報到會唔會太多事

要死都起碼破咗處先

錦錦和生圍加洲仲去埋新田
佢有咁好腳力

墨b竟然要全故最靚仔的角色A0死 冇陰公

公仔唔好死挽留

真, 係我就會了解多啲情況先諗介唔介入

末世仲要亂咁做架兩, 仲要喺人哋地頭, 唔要得

仲以為有得見元朗國總統
依到直頭係北區

又流鼻血

公仔後宮人數+1

「無少少。」

轉頭
「可以請你食小小嘢，我埋單。」

會
不過識到王秀應該可以由佢帶住搵滿天

何況溝多條女都冇壞吖

墨B係咪妒忌公仔!

同意

想睇艾匡爭仔

公仔彷彿不攻自破，頓時無言以對。

「唔理你係點入嚟，依到有啲規矩你必須要清楚。」

「咩規矩。」公仔瞧向別處，小聲地問。

「好似頭先嘅「決鬥」係依到嘅不成文規矩，只要雙方有任何爭執，無論大事小事都會用武力解決，當然決鬥係可以搵代理人，好似我搵你咁。」

「唔怪得知啱啱條友隨身攜帶住把開山刀，但……點解要咁做？大家唔可以坐低好好傾下咩。」

「世上你覺得唔合理嘅事，好多時都係約定俗成，依到話就話有河有田，但喺舊社會嗰陣本質上都係窮鄉僻壤，加上本來係圍村原住民嘅地方，地盤意識強烈，無咩法律同文化可言，慢慢就衍生出依種自我保衛嘅尚武文化，決鬥就係解決問題嘅根本。」

公仔吞下所有魚蛋，暗暗打個嗝：「咁如果對方唔打呢？」

「唔打？咁代表嗰件事係對方啱。」

「咁如果本身嗰件事就係錯呢？」

「你都幾多如果，有啲事打贏都唔代表啱，但有時就係講緊邊個拳頭夠大……」王秀目光稍稍湊前，目光沉著：「仲有某啲勢力係唔可以得罪。」

「例如？」

「你慢慢會了解。」王秀起身離座，拍拍他的肩：「祝你喺到玩得愉快。」

座上的公仔略有所思，不久後跟著王秀出茶餐廳外。

「喂，哥仔，未俾錢喎。」老闆叫住公仔。

「吓，唔係嗰個女仔幫我俾咗咩？」

「無喎。」老闆愕然。

「吓！？」公仔都很愕然。

「你唔係想食霸王餐啊……」

公仔打量全身，看看什麼是有價值：「個鏟俾你喇。」

「鏟？你要咗份魚蛋同凍檸水，得個爛鏟點夠啊。」老闆手插腰部。

「咁啊……」

「睇你個樣即係無錢啦，你唔好諗住走啊。」老闆拉住公仔胳臂。

公仔靈機一動，突然舉起雙拳：「決、決鬥！」

「你無嘢啊話哥仔，食完霸王餐仲想打我……」老闆晦氣地嘆息：「走啦走啦！唔好再嚟我舖頭食嘢。」

活用決鬥的公仔，很意外真的有用。

「咁我走喇喎……」公仔謹慎地說。

「走啦！！」老闆大罵。

「得，對唔住對唔住，依餐有機會再還俾你。」

公仔悻悻然地離去，沒想到給王秀擺了一道。

「幾好啊，即刻活用到。」王秀靠在路邊欄杆。

「原來你仲未走，頭先你又話請我食嘢……」

「幫你上堂，唔好亂信人講嘅嘢，特別係女人。」王秀說。

「呢層我知，係估唔到你咁都要呃。」

王秀笑而不語，拆下髮髻上的簪子，秀麗的烏黑長髮頓時放下。

王秀把簪子拋給公仔，公仔很自然地接住：「做咩……」

「你做咗我代理人一次，個簪就當係信物，我會幫你一件事。」

「其實正好，我有件事需要你幫幫。」

「嗯？」

公仔看看周圍有否旁人，續對王秀說：「你可唔可以幫我入去錦綉花園到？」

「嗰到係重點領地，檢查站最嚴格，你依種外地人唔會有機會入到去。」

「嗯……」公仔本來盼望的眼神落寂了少許。

「方法唔係無，係有啲搵命搏，你唔值得我咁做。」

「明白……」

「你去嗰到想做咩？」

「搵個人。」

「就係咁簡單？」

話語剛落，前方彎位的小路跑出多名刀手。

他們合共十多人，每個都是粗漢的打扮，其中一個竟是張萬鷹。

「南哥，係佢兩個喇……就係佢兩個……」張萬鷹竟然找來外援。

為首名為南哥的傢伙，昂首闊步走向前：「一對小情侶？聽講你哋同我門下嘅人決鬥，打到佢落花流水。」

「……」公仔感覺氣氛不妥。

「雖然決鬥輸咗，佢確實係個廢柴唔抵幫，但佢始終都係我門下嘅人，掛住我哋字頭個名，如果我哋唔做少少嘢……成個新田村都會睇唔起我哋。」南哥用平和的語氣給出條件：「你哋兩個人各自放低一隻手指就無數，好無？大家唔好搞到咁唔和諧，只係好小事。」

「髮簪俾我。」王秀攤開手。

公仔聽她所言，髮簪交回王秀。

簪子放在掌心瞬間，王秀馬上握緊奪去，飛擲到南哥的右眼上。

「嗖──」南哥聳肩顫抖。

「嗚、啊啊……」南哥一屁股坐落地上。

「喂！！！」身後的刀手馬上衝來。

「走。」王秀牽住公仔的手，轉身逃跑。

「……」公仔呆住。

如同拍攝被黑社會追斬的電影橋段，兩人穿過錯綜複雜的街道小巷，拉倒沿路所見的障礙物，漸與那群刀手拉遠距離。

跑到某塊存放物流的空地，兩人才停下來。

「依個地方真係癡線……」公仔不時盯住後方：「短短一個鐘已經又打架、又結仇、又爆眼……」

「習慣下，有排你體驗。」王秀淺笑。

「條友好似仲要有字頭，我無聽錯？」

「我哋俗稱「家門」，你可以理解做社團，算係保護你唔會俾阿貓阿狗亂咁侵犯、挑起決鬥嘅後台，因為自家門下嘅人為咗名聲，可能會去幫對方報仇。」

「點解會有依樣嘢？」

「依到有唔少居民係當初城市到走入嚟，佢哋唔似原住民咁團結有自己家門同保衛家園嘅意識，咪開始自組家門，慢慢就演變成咁，算係依到獨有文化。」

「如果我無記錯……」公仔點點頭，手插著腰：「你家門係叫「獵手黨」？」

文

估唔到墨巴真係有用，我之前IG投稿嘅idea，將北區變成一個尚武國度以決鬥解決問題，同埋尊重強者

王秀公仔

好似幾夾
真係有啲似m 同韓湘
不過呢對一個斯文一個冷漠
嗰種反差感仲夾

有冇人記得m同湘都試過咁樣拖住跑過一轉

飛天南要改名做獨眼南